الست بدويه ( الجزء السادس عشر )

الست بدويه ( الجزء السادس عشر )

قبل استكمال احداث قصتنا ، لمشاهده الجزء السابق ( اضغط هنا ) ، توقفنا فيما سبق حينما استيقظت الست بدويه واطمأن عليها الفتيات .

انتهى ذلك اليوم اخيرا ، وجاء يوم جديد ، توجهت ساسو وامها رجاء الى الفاجر ، بالطبع انصدموا حينما وجدوا ان الشقه التى قابلوه فيها من قبل قد حرقت ، ولكنهم استطاعوا الوصول الى عنوان سكنه من احد السكان المجاورين لشقته تلك وتوجهوا اليه .

وصلت ساسو ورجاء الى مكان سكن الفاجر ، لم يكن مع الفاجر فى سكنه سوى مساعده المخلص مسعود ، وطلبت ساسو مقابله الفاجر ، ولكن مسعود رفض ذلك نهائيا .

ولكن كالعاده فان الفلوس تفتح الابواب المغلقه ، وهذا ما حدث ، فلقد سمح مسعود لساسو ورجاء مقابله الفاجر حينمى اعطته ساسو مبلغ من المال ، ودخلت ساسو مع رجاء الى الغرفه التى كان نائم بها الفجر ليستريح من الاصابات التى لحقت به .

حينما دخلت ساسو ورجاء على الفاجر ، وكان مستغرق فى النوم ، وحينما شاهدت رجاء ما حل بالفاجر صرخت من الفزع ، فاستيقظ الفاجر على صوتها ، وحينما شاهدهم نادى على مساعده ، وحينما حضر مسعود قال له : ايه يا زفت ، مش انا قولتلك محدش يشفنى وانا كده ؟

مسعود : دوول حبايبنا يا سدنا وعوزين يخدو البركه منك .

ساسو وهى تتحدث بسخريه : بركه ايه ، دا محصلش شحات على باب السيده ، ايه يا فاجر ، دا انت صعبت عليه ، تحب اوديك لشيخ يرقيك ، ولا نروح للست اللى سوتك زى الخروف على النار .

الفاجر : الزمى حدودك ، انا الفاجر بردو ، وانتى عرفه انا اقدر اعمل فيكى ايه ؟

ساسو : يا شيخ اتوكس ، هو انت عارف تقعد حتى ، دا انت بقيت زى خبتها .

الفاجر : انتى عرفتى منين ان الست بتاعتكم هى اللى عملت فيا كده ؟

ساسو : مهى بينه زى عين الشمس ، واحنا اللى كنا جيين علشان تلحقنا ، اتريك يا عينى عاوز اللى يلحقك .

الفاجر : انا مش هسبها ، لازم اخد حقى ، هفرجك هعمل فيها ايه ؟

ساسو : هو انت مصدق نفسك ، يا شيخ اتلهى ، روح شفلك مرهم تسلخات جتك القرف .

نظرت ساسو الى امها رجاء وقالت : ده اللى جيبانه ليه ، وعماله تقولى مبروك ومش عارفه ايه ، يلا بينا نمشى بلا هم .

خرجت ساسو ورجاء من عند الفاجر ، وكان يزعق ويصرخ وهو يقول : انا هعرفك هعمل فيها ايه ، انا هاخد حقى ، مبقاش الفاجر لو خلتها تجيلى ركعه ، انا هوريها مين الفاجر .

لم تهتم ساسو بكلام الفاجر ، وخرجت وركبت سيارتها وتحركت بها ، وهنا سألتها رجاء : هنعمل ايه يا ساسو ؟

ساسو : مفيش يا ماما ، الموضوع ده لازم يخلص النهارده .

رجاء : نويه على ايه ؟

ساسو : هتعرفى بعد شويه .

ظلت ساسو تقود سيارتها حتى وصلت امام منزل الست بدويه ، فزعت امها وقالت لها : انتى جيبانا هنا ليه يا ساسو ، هو انتى ماحرمتيش من اللى حصلنا هنا قبل كده ؟

ساسو : متخفيش يا مام ، يلا انزلى ، انا مش جيه اعمل مشاكل .

رجاء : اومال جيه ليه طيب ؟

ساسو : انزلى وهتعرفى بعدين .

نزلت ساسو وامها رجاء ودخلوا منزل الست بدويه ، بالطبع كان باب شقه الست بدويه مفتوح كالعاده ، ولكن قبل ان يدخلوا الى الشقه ، نلقى نظره على الست بدويه والفتيات فى الشقه .

كانت الست بدويه جالسه مع فتياتها ، لم تخرج زوزه للعمل فهى مازالت تتعافى من الاصابات التى حدثت لها من قبل من الفئران ، وبينما هم يتحدثون صمتت الست بدويه بضعه ثوانى وقالت : فى ضيوف جيين دلوقتى ؟

بطوط : ضيوف مين يا خالتى ؟

بمجرد ان انهت بطوط كلمتها ، دخلت ساسو وامها ، وبمجرد ان وقعت عيناها على الست بدويه عرفه انها الست المطلوبه .

كانت سماح جالسه مع الست بدويه وفزعت حينما شاهدت ساسو ، وحينما دخلت ساسو وشاهدت سماح كانت مصدومه ، وايضا شاهدت زوزه فعرفتها ، فهى نفس الفتاه التى ادعت انها احدى المذيعات المشهوره من قبل .

بداءت ساسو تفهم ماذا يحدث ، ولكن كان الجميع صامت حتى كسرت الست بدويه هذا الصمت وقالت : خشى يا ساميه انتى وامك رجاء ، وسمعونا جيين ليه قبل ما اتصرف معاكم بطرقتى .

تقدمت ساسو وجلست دون ان تستأذن احد ، وقالت لامها : تعالى يا ماما اقعدى ، متخفيش محدش هيعملنا حاجه ، احنا مش جيين فى شر .

الست بدويه : حتى لو جيه فى شر ميهمش ، انتى عرفه انا اقدر اعمل ايه ، اما بخصوص ان امك خيفه فهى فعلا متخفش ، انا مابضرش حد دخل بيتى .

ساسو : انا كان عندى اسأله كتير قبل ما اجى هنا ، بس طبعا معظم الاسئله دى انتهت لما شفت سماح ، انا معرفش تقربلها ايه ، رغم انى عارفه ان هى ملهاش قرايب .

الست بدويه : عوزه ايه يا ساميه ؟

ساسو : عوزه انهى الموضوع ده بقى ، سبينى فى حالى وكفايه اللى شفته لغايه دلوقتى .

الست بدويه : بالسهوله دى ؟

ساسو : يا حجه انا تعبت من اللى حصلى ، وانتى عرفه ان انتى خدتى حق سماح منى بدل المره عشر مرات ، كفايه كده وشلينى من دماغك ، واوعدك انى مش هتعرض لاى حد منكم ، او حتى هتقبلونى ولو بالصدفه .

الست بدويه : وحق البت سماح الغلبانه دى ؟

ساسو : انتى خدتيه منى وبزياده .

الست بدويه : لا لسه ، انتى عارفه وانا عارفه ان هى مسرقتش حاجه .

ساسو : عندك حق ، بس والله غصب عنى ، الخاتم لما ضاع مكنش قدامى حد غيرها اتهمه ، دا غالى اوى ، ولما سماح هربت ولقيته بعديها بكام ساعه ، سكت ومعملتش حاجه تانى .

زوزه : هو انتى كنتى عوزه تعملى ايه اكتر من اللى انتى عملتيه ، دا البت كانت هتموت فى ايديكى يا مفتريه .

ساسو : كنت اقدر اعمل كتير ، لو الخاتم مكنش ظهر كنت اكيد هخلى البوليس يجيب سماح من تحت الارض ، واكيد انتم عرفين انى اقدر اعمل كده .

الست بدويه : بصى يا ساميه ، انا مستعد انساكى نهائى ، بس تعتذرى من سماح وتتأسفلها ولازم هى تقبل أسفك .

كانت الست بدويه تعرف ان شخصيه زى ساسو متكبره ومغروره ليس سهل عليها الاعتذار من فتاه كانت تعمل عندها خادمه ، لذلك وجدت ان هذا افضل عقاب لها ولن تنساه ابدا .

كانت ساسو مستعده ان تفعل اى شيء لانهاء سلسله الانتقام تلك ، لذلك قررت ان تلبى طلب الست بدويه ، ونظرت الى سماح وقالت لها : انا اسفه ليكى يا سماح ، انا عارفه انى ظلمتك ، وان كلمه اسفه بسيطه بالنسبه للى عملته فيكى ، ثم اخرجت ساسو مبلغ كبير من المال من شنطه ايديها واعطته لسماح وقالت لها : اعتبريه تعويض على اللى حصلك وانا بتأسفلك للمره التانيه .

حاولت سماح رفض الفلوس ولكن قالت لها الست بدويه : خديهم يا سماح ، دوول حقك مش احسان منها ، متخفيش هى متقصدش انها تهينك بحكايه الفلوس دى ، هى عرفه ممكن يحصلها ايه لو انتى زعلتى ، اقبليهم وسمحيها .

كانت سماح مجرد فتاه صغيره ، تمتلك قلب كبير يسامح ويعفوا ، لذلك قبلت سماح اعتذار ساسو منها ، وشعرت بان كرامتها قد عادت اليها ، فهى شاهدت بنت الزوات تترجها لتسامحها .

بعد ان انتهى الامر قامت ساسو ومعها امها رجاء للذهاب وتغادر منزل الست بدويه ، ولكن قبل المغادره قالت للست بدويه : علشان تعرفى انى خلاص مفيش بنا حاجه ، حبه انبهك من الفاجر ، هو مش ناوى يسيبك على اللى عملتيه فيه ، ولو حصل حاجه عوزاكى تعرفى انى مليش دعوه باى حاجه .

الست بدويه : هو اسمه الفاجر ، فعلا اسم على مسمى ، يعمل اللى عوزه ، المره الجايه لو عمل حاجه هيكون تصرفى معاه مايتوصفش .

ذهبت ساسو ورجاء من منزل الست بدويه بعد ان انهت الحرب التى كانت بينهم منذ فتره طويله .

الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda