الست بدويه ( الجزء الحادى عشر )

الست بدويه ( الجزء الحادى عشر )

قبل استكمال احداث قصتنا ، لمشاهده الجزء السابق ( اضغط هنا ) ، توقفنا فيما سبق حينما استيقظت ساسو ووجدت شقتها ممتلئه بالضفادع ، ففزعت وتركت شقتها هاربه .

بمجرد ان نزلت ساسو الى الشارع وهى تصرخ ، التفت حولها الكثير من الناس ليسألوها عن سبب صراخها ، وحينما اجابت الجميع ان شقتها مليئه بالضفادع ضحك الجميع عليها بشده ، وحينما اصرت على كلامها وموقفها ، قام احد الجيران بالاتصال بزوجها للحضور من عمله ، وبالفعل لم يمضى نصف ساعه حتى حضر زوجها من عمله مسرعا .

حضر زوج ساسو ووجدها مازالت بالشارع وسألها : فى ايه يا ساسو ؟ ايه اللى حصل ؟ سيبه شقتك ونازله ليه الشارع ؟

ساسو وهى تبكى : الحقنى يا ماجدى ، صحيت لقيت الشقه كلها مليانه ضفادع ؟

مجدى : انتى اتجننتى يا ساسو ضفادع ايه ؟

ساسو : يعنى انت شايفنى نازله حافيه ، وشعرى منكوش ، ونازله بلبس البيت علشان اتمشى يعنى ؟

مجدى : طيب خليكى هطلع اشوف .

صعد مجدى لشقته ليبحث عن الضفادع ، ولكن وجد ان الشقه خاليه تماما من اى ضفدع ، فنزل مسرعا وقال لزوجته ساسو : علشان لما اقولك ان انتى اتجننتى يبقى انا مغلطش ، الشقه بتاعت فاضيه يا هانم ، انتى سيبه باب الشقه مفتوح ومفهاش اى حاجه .

ساسو : انت بتقول ايه ، انا متأكده انها مليانه ضفادع .

مجدى امسك ايد ساسو ، وشدها وطلعها لشقتهم ، وحينما وصلوا لباب الشقه دخل وادخل زوجته بالقوه وقال لها : فين يا هانم الضفادع اللى بتقولى عليها ؟

نظرت ساسو حولها لم تجد شيء ، اخذت تتجول بالشقه باحثه عن الضفادع ولكنها اختفت ، لم تجد اى ضفدع ، فنظرت الى زوجها وقالت له : والله يا مجدى انا مش مجنونه ، كانت الشقه مليانه ضفادع .

مجدى : طيب انا اصدقك ازاى ، مفيش اى اثر لاى ضفدع ، طيب مفيش حتى اى حاجه متبهدله او متوسخه فى الشقه ، كل حاجه فى مكنها ، حطى نفسك مكانى اصدقك ازاى ، مبهدلانى وجيبانى من الشغل ، ونزلتى الشارع بالمنظر اللى انتى فيه ده ، ودا كله علشان حضرتك كنتى بتحلمى ، ولا انتى بقيتى بتخدى حبوب هلوسه يا هانم .

لم تستطيع ساسو تبرير ما حدث ، فكلامها غير مجدى او مقنع اذا تحدثت ، فهى لا تعرف ماذا تفعل ، فسكتت وذهبت الى غرفتها واخذت تبكى .

ننتقل الى شقه الست بدويه ، كانت الساعه الثانيه عشر ظهرا تقريبا ، وفجأه اخذت الست بدويه تضحك بدون سبب ، استغربت بطوط وسماح من الامر ، فقالت لها بطوط : خير يا خالتى ايه اللى مضحك كده ، ما تضحكينا معاكى ؟

ولكن استمرت الست بدويه فى الضحك ، ثم بعد ذلك قالت لها : الضفادع فين ، ثم استمرت الست بدويه بالضحك .

بالطبع لم تفهم بطوط او سماح سبب ضحكها ، وايضا لم يفهموا معنى كلامها ، ولكن مع استمرار ضحك الست بدويه ، ضحكت بطوط وسماح بدون سبب ، مجرد عدوى من الضحك لا اكثر .

بعد مرور بضعه ساعات ، عادت زوزه من عملها ، جلست هى وبطوط وسماح مع الست بدويه يتناولون العشاء ، ثم سألت زوزه الست بدويه وقالت : ايه يا خالتى اخبار اللى تنشك ايه ؟

ضحكت الست بدويه لانها فهمت ان زوزه تتحدث عن ساسو فقالت لها : سبيها ربنا يكون فى عونها ، اكيد مش هتعرف تنام النهارده ، ثم عادت للضحك مره اخرى .

زوزه : لا يا خالتى لازم اعرف تفاصيل ، مينفعش كده ؟

الست بدويه وهى تضحك : عيونى يا زوزه ، ثم حكت لهم ما فعلته هى فى ساسو ، فظل الجميع يضحك .

بعد ان انهت الست بدويه كلامها لاحظت ان زوزه تهرش برأسها كثيراً فقالت لها : مالك يا بت ، عماله تهرشى كده ليه ؟

زوزه : مش عرفه يا خالتى ، راسى وكلانى ليه ؟

تبسمت الست بدويه وقالت تصدقى فكره ، يلا هقوم انا واسبكم ؟

بطوط : على فين يا خالتى ؟

الست بدويه : جت فى بالى فكره حلوه ، هقوم اخلى ساسو متعرفش تنام النهارده ، يلا اسبكم علشان الحق انكد عليها قبل ما تنام .

ذهبت الست بدويه ودخلت غرفتها ، وساد الصمت على الشقه ،وبعد بعض الوقت دخلت بطوط وسماح وزوزه للنوم .

ننتقل الى شقه ساسو ، كان الامر شاق ومتعب لها للغايه ، وحان وقت الاسترخاء والراحه والنوم ، ولكن لم تكن تعلم ان هناك سيده اسمها الست بدويه قررت ان تحرمها من ابسط الاشياء وهو النوم .

اصبحت الساعه الواحده صباحا تقريبا ، كانت ساسو مستغرقه تماما فى النوم ، وفجأه وبدون انذار ، قامت تصرخ وهى تهرش فى رأسها ، كان الامر جنونى ، اخذت ساسو تنادى على زوجها مجدى لينجدها ، فقام مفزوع وسألها : فى ايه يا ساسو ، هو انا لحقت انام ؟

ساسو وهى تهرش بشده : الحقنى يا مجدى ، راسى وكلانى ، مش طايقه راسى .

مجدى : وكلاكى ازاى يعنى مش فاهم ؟

ساسو : معرفش يا مجدى ، راسى وكلانى وعماله اهرش ، انا مش قادره استحمل .

مجدى : طيب ابعدى شويه من جنبى ، الا يكون فى راسك حاجه وتيجى عليا .

ساسو : انت تقصد ايه يا مجدى ، تقصد انى انا مأمله ؟

مجدى : منتى اللى قولتى راسك وكلاكى ، هيكون ايه يعنى ؟

ساسو : انا قايمه من جنبك خالص ، بس خليك فاكر اللى انت عملته معايا يا مجدى .

خرجت ساسو من غرفه نومها ، وظلت طوال الليل تهرش فى رأسها وتصرخ من الوجع ، ورغم انها وضعت مياه على رأسها الا انها ظلت على هذا الامر ، وفى الصباح الباكر اتصلت ساسو بامها لتخبرها ما يحدث معها ، فقالت لها فى التليفون : الحقينى يا ماما ، راسى وكلانى ، وطول الليل بهرش زى اللى يكون فى رسها حاجه .

رجاء : خير يا بنتى ، من ايه ده ، انتى قعدتى مع حد غريب ؟

ساسو : لا يا ماما ، بس الحقينى الاول .

رجاء : انا جيالك حالا .

مضى اقل من ساعه وذهبت رجاء لبنتها ساسو ، دخلت رجاء شقه ساسو وكان مجدى ذاهب لعمله وسلم على حماته ، حينما وصلت رجاء وجدت ساسو مازالت تهرش برأسها بشكل غريب ، وبداءت تسألها : ايه ده ومن ايه ؟

ساسو وهى تبكى : مش عارفه يا ماما الحقينى هموت من الهرش .

رجاء : ومجدى شيفاه ماشى رايح فين ؟

ساسو : مشى رايح شغله ، شفتى سيبنى تعبانه ورايح شغله .

رجاء : صحيح معندوش دم ، المهم هتصل بالدكتور يجى يشوفك ؟

ساسو : بسرعه يا ماما ، استعجليه .

اتصلت رجاء بالدكتور ، وحضر بالفعل على وجه السرعه ، وبعد ان كشف على ساسو ، بداء بالتحدث مع رجاء وقال : حضرتك يا هانم انا شايف ان مدام ساسو كويسه وزى الفل ، مش فاهم موضوع الهرش ده منين وايه سببه ، انا كتبتلها على كام حقنه مهدئه وكريم مرطب لفرو الرأس ، وده مجرد اجراء روتينى مش اكتر .

رجاء : يعنى ايه يا دكتور ، ممكن بعد دا كله تفضل تهرش بالمنظر ده ؟

دكتور : شيء وارد ، سعتها ننقلها للمستشفى ونعملها التحاليل اللازمه .

رجاء : شكرا يا دكتور ، اتفضل حضرتك .

خرج الدكتور من شقه ساسو ، وتحدثت رجاء مع بنتها وقالت : الموضوع كده شكله مقلق يا ساسو ، انا حاسه ان اللى انتى فيه زى ما يكون عمل ومعملك .

ساسو : عمل ايه يا ماما وزفت ايه ، انتى لسه بتصدقى فى المواضيع دى .

رجاء : مهى وضحه زى الشمس ، لما الدكتور يقول مش عارف سبب الهرش ايه ، وان انتى زى الفل ، يمكن اتعملك عمل .

ساسو : ومين هيكون عمله بس ؟

رجاء : ده اللى لازم نعرفه ، اقولك مرات عمك قالتلى من فتره ان هي راحت لشيخ انما ايه واصل ومحدش يقدر عليه ، هكلمها وناخد عنوانه ونرحله على طول .

الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda