الست بدويه ( الجزء التاسع )
 |
| الست بدويه ( الجزء التاسع ) |
غلبت دموع سماح كلامها ، اخذت تبكى ولم تستطيع الاجابه على الست بدويه
، وهنا تحدثت بطوط وقالت : اقعدى يا سماح وارتاحى ، هجبلك كبايه مايه تشربيه علشان
تهدى .
الست بدويه : اعمللها عصير ليمون ، خليها تهدى وتروق علشان نعرف نتكلم
.
غابت بطوط خمس دقائق ، ثم عادت ومعها عصر الليمون ، اعطته بطوط لسماح
وطلبت منها ان تشربه ، بعد بضعه دقائق توقفت سماح عن البكاء .
تحدثت بطوط لخالتها وقالت : انا معرفتش اى حاجه من سماح غير اسمها .
الست بدويه : انتى قابلتيها ازاى وفين ؟
بطوط : زى ما قولتلك يا خالتى كنت بشترى طلبات البيت من السوق ، وانا
مروحه لقيت سماح وقفه فى نص طريق العربيات ، انا قولت سرحانه او مش منتبها .
المهم فضلت انادى عليها انبهها ان فى عربيه جيه بسرعه عليها بس
مسمعتنيش ، سعتها جريت وشدتها لوره ولحقتها ، وبردو سعتها لما وقعت شفت راسها
ووشها ، كنت متعصبه عليها اوى قبل ما اشوف وشها ، بس لما شفتها صعبت عليه وسئلتها
عن اسمها وقالتى ان اسمها سماح ، وحاولت اسئلها عن اللى حصالها مرديتش تقولى ،
فانا قولت ان احسن حل هو انى اجبهالك يا خالتى ، انا حسه ان هى محتاجه مسعدتك .
الست بدويه : متقلقيش يا بطوط ، هى هتتكلم دلوقتى ، ثم نظرت الست
بدويه لسماح وقالت لها : صح يا سماح ، انتى هتحكى كل حاجه لخالتك بدويه ؟
سماح : حاضر يا خالتى ، هحكيلك كل حاجه ، مع انى عارفه ان انتى مش بايدك
حاجه ، انا اللى فيه محدش يقدر عليه غير ربنا ، او الموت يكون الحل ، انا مكنتش
سرحانه زى ما فاطمه افتكرت ، انا كنت متعمده اخلى العربيه تخبطنى علشان اموت
وارتاح .
حينما قالت سماح هذا الكلام بكت بطوط من كلامها ، لم تستطيع تحمل ان
فتاه صغيره مثل سماح تتحدث عن حالها بهذا الشكل ، كيف جعلتها الظروف ان تتمنى
الموت وهى مزالت ورده تتفتح .
اما الست بدويه فزاد كلام سماح من غضبها ، كانت تشعر بغضب ونار تتوهج
بداخلها ، فكل كلمه تخرج من فم تلك الفتاه الصغيره يصبح سهما بقلب الست بدويه ،
فهى تميز الصدق من الكذب ، وميزت بكلام سماح انها تعرضت لظلم شديد وقهر جعلها
تتمنى الموت .
فقالت لها الست بدويه : بصى يا سماح ، طبعا انتى عرفه ان ربنا يقدر
على كل شيء ، وربنا لما بيحب يساعد عبد من عباده ، بيسبب الاسباب ، يعنى خلاكى
تقابلى بطوط وتجيبك ليا ، طبعا انتى شيفانى ست غلبان مسكيه لا حول لى ولا قوه ،
ويمكن بتقولى ان انا مش هقدر اعملك حاجه ، بس احب اقولك متغركيش المظاهر ، انتى
متعرفيش انا اقدر اعمل ايه .
سماح : يا خالتى الناس اللى ظالمنى كبارات ووصلين اوى ؟
الست بدويه وهى غاضبه : واللى خلق الخلق ، لو ليكى حق فى بوق الاسد ،
همد ايدى جوه بوقه واخد حقك واخد معاه مصارينه ، احكى يا سماح وهتعرفى خالتك بدويه
تقدر تعمل ايه .
سماح : انا ابويا وامى ماتوا من زمان ، وعشت فتره فى دار ايتام ، ولما
كملت 15 سنه هربت من الدار دى علشان المعامله اللى كنا بنشفها فى الدار ، ولما
خرجت بقيت الف فى الشوارع اطلب صدقه من اى حد ، لغايه ما وقفت قدام مكتب بيشغل
خدمات فى البيوت ، روحت وصاحب المكتب وافق يشغلنى فى بيت من البيوت اللى عوزه حد
يخدم فيه ، ورحت البيت ده وياريتنى ما رحت .
الست بدويه : حصل ايه يا سماح ؟
سماح : فى الاول عملونى كويس ، البيت كان فيه راجل ومراته ، الراجل
كان شغال حاجه مهمه كده بس معرفش ايه ، ومراته بقى دى مش انسانه ، ممكن تقولى يا
خالتى انها شيطانه فى صوره انسانه ، كان اسمها ساميه ، وهى ست مغروره ومتكبره اوى
، بس الناس كلها بتنادلها باسم ساسو ، دا اللى بيقولها يا ساميه كان قرصها تعبان ،
تفضل تتنطط وتتعفرت عليه .
انتى عارفه يا خالتى ، انا شفت ايام سوده مع الست ساسو دى ، اصلها
مجنونه تحسى ان راكبها عفريت ، تقعد تضرب فيا وتشتمنى طول الوقت ليل ونهار وبسبب
ومن غير سبب ، عرفه حتى جوزها راجل طيب ، بس هى منكده عليه عيشتو .
الست بدويه : ايه ساسو ده اسم وحده ولا ايه ، بت يا بطوط مش فى نوع بط
اسمه ساسو بردو ؟
ضحكت بطوط وقالت : اه يا خالتى بس مش بط تقريبا فراخ ، وظل الجميع
يضحك .
استمرت سماح فى قول حكايتها وقالت : الست ساسو دى من عيله مبسوطه ،
ابوها كان ضابط قديم فى البوليس ، وعمها بردو ، علشان كده مش بيهمها حد ، بس انا
كنت عايشه ومستحمله ، وهى فضلت محتفظه بيا علشان هى ست غيوره اوى على جوزها ،
فتخاف تجيب وحده كبيره عنى شويه جوزها يبصلها .
كل ده كان عادى ، بس اللى حصل بعد كده كان مش عادى ، الست ساسو من كام
يوم اكتشفت ان عندها خاتم غالى اوى مش موجود ، بتقول اختفى ، واتهمتنى انى سرقته ،
حلفتلها على المصحف انى مخدتهوش ، وقعدت احلفلها انى مش عوزه غير لقمه ومكان انام
فيه وبس .
الست ساسو طبعا مصدقتنيش ، ومن سعتها عينك ما تشوف الا النور ، الاول
مسكتنى ربطتنى ورمتنى فى اوضه ضلمه لمده 3 ايام ، كانت بترميلى رغيف عيش اكله طول
اليوم ، وكانت منعانى من دخول الحمام ، وحطالى طبق فيه شويه مايه علشان اشرب منه
وانا ايدى متكتفه ، لازم اعمل زى القطط والكلاب علشان اعرف اشرب من الطبق ، كل ده
علشان تعرف الخاتم بتعها فين .
بعد ما عدو ال 3 ايام دوول زهقت وقررت تعذبنى اكتر ، مسكت شعرى وحلقته
بالشكل اللى انتى شيفاه يا خالتى ، بس طبعا مخدتش منى حاجه لانى معرفش الخاتم اللى
بتقول عليه ده فين ، وهى كل ما اقعد احلفلها ان انا مخدتش حاجه ، وافضل اعيط
واقولها ترحمنى وتسبنى لوجه الله تتعفرط عليا اكتر ، ومره راحت جابت عصايه خشب
كبيره وفضلت تضربنى بيها لغايه ما اعترفلها ، هى تضرب وانا اصرخ يا خالتى ، كنت
بدعى ان ربنا يخدنى علشان اترحم من الضرب ده ، اللى شيفاه فى وشى ده يا خالتى فى
زيه واكتر منه فى كل جسمى .
لما جه جوز الست ساسو ولقانى تعبانه من كل ده ، حاول يخوفها بانى هموت
وهجبلها مصيبه ، بس هى مهمهاش حاجه ، بس هو كان خايف على نفسه وعلى اسمه وسمعته ،
علشان كده هربنى باليل والست ساسو نايمه .
وانا من ساعتها بلف فى الشارع خايفه ، ولما قررت اخلص نفسى من العذاب
ده وارمى نفسى تحت اى عربيه ، جت فاطمه وشدتنى وحاولت تساعدنى لما حست انى محتاجه
مساعده وجابتنى هنا .
الست بدويه : متعرفيش مين خد الخاتم يا سماح ؟
سماح : والله يا خالتى ماعرف مين ، انا مخدتهوش ، انتى مصدقانى يا
خالتى ؟
وضعت الست بدويه يداها على ظهر سماح ، فتألمت سماح لان ظهرها به
الكثير من الجروح والكدمات ، فقالت لها الست بدويه : مصدقاكى يا بنتى ، متخفيش حقك
هيرجعلك وبزياده ، اما بقى الفرخه اللى اسمها ساسو دى هجبهالك لغايه هنا تبوس ايدك
ورجلك علشان تسمحيها ، وسعتها انتى حره تسمحيها او لا .
اخرجت الست بدويه من جبها مبلغ من المال واعطته لبطوط وقالت لها :
روحى يا بطوط ودى سماح لدكتور يكشف عليها ويكتبلها علاج ، واشترلها شويه هدوم حلوه
، وبعديها خديها تقعد معاكى فى اوضتك .
بطوط : حاضر يا خالتى .
نظرت الست بدويه الى سماح وقالت لها : معاكى صوره للى اسمها ساسو دى
يا سماح ؟
سماح : لا يا خالتى معيش .
الست بدويه : بسيطه تتدبر ، لما تروحى للدكتور وتيجى وتريحى شويه ،
عوزاكى توصفيلى شكلها كويس ، وتوصفيلى عنوانها فين ، وانا هشوف صرفه معاها .
خرجت سماح مع بطوط للذهاب لطبيب للكشف عليها واعطائها العلاج المناسب
.
الى هنا يكون نهايه حديثنا اليوم
ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم
وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda