انتقام الابن 2 ( الجزء السادس )

 انتقام الابن 2 ( الجزء السادس )

قبل استكمال احداث قصتنا ، لمشاهده الجزء السابق ( اضغط هنا ) ، توقفنا قبل كده لما دخل سيد على حفيده ياسين وهو بيدور على وصيه امه اللى كانت معاه .

 سيد : تعالى يا ياسين عاوز اتكلم معاك واحكيلك كل حاجه .

اتكلم سيد وحكى لحفيده على كل حاجه حصلت معاه هو بنته ياسمين من البدايه لغايه النهارده ، بعد ما خلص سيد الحكايه قال لحفيده : انا عارف ان انت لسه صغير ، يمكن متفهمش كل اللى قولته ، بس دى وصيه امك ، وانا قولتلك كل حاجه وريحت نفسى من الحمل اللى كنت شايله جوه قلبى .

ياسين : ليه مقولتليش كل حاجه من الاول يا جدى ؟

سيد : كنت خايف عليك وكنت عاوزك تعيش حياه طبيعيه ، هو انت فاكر ان سهل عليا انى منفذش وصيه بنتى الوحيده ، ولا كان سهل عليا كل اللى حصل معايا ومع بنتى ، انا شفت الموت بعنيا وشفت القهر والزل ، وامك كمان عرفه معنى الكسره والقهر ، وكنت عوزك تعيش بعيد عن كل ده ، بس خلاص اللى حصل حصل .

زى ما قال سيد لحفيده ان لسه عمره صغير وميفهمش كل حاجه ، بس ده ميمنعش انه كل السنين اللى هتعدى عليه هيكون جواه رغبه كبيره في الانتقام هتكبر معاه مع الايام وعمرها ما هتنطفى او تتنسى .

الايام والسنين كانت بتمر وياسين كانه بيجهز نفسه للانتقام ، هو صمم يكون مهندس معمارى علشان يرتبط بعيله الفيشاوى اللى كانوا اصحاب اكبر شركه انشاء في البلد كلها ، والغريب ان ياسين كان بيحب الكمياء جدا علشان كده فضل مهتم بيها وكان عنده معمل صغير في اوضته ديما ، ولما كان بيسأله ده عن سبب اهتمامه بالحاجات دى كان بيقوله ان لو في حاجه هتسعده بانه يرجع حقه هتبقا اكيد الكمياء ، سيد مكنش فاهم هو يقصد ايه بس الزمن كفيل انه يفهمنا كل اللى بيفكر فيه ياسين .

اخيرا خلص ياسين الدراسه واتخرج من كليه الهندسه وسعتها قال لجده سيد انه عاوز يسافر للقاهره ويعيش هناك ، وسعتها جده سيد قاله انه يروح بعاه بس ياسين رفض ووعده انه هيجى يخده في الوقت المناسب .

سافر ياسين للقاهره ، الاول شاف سكن وقعد في شقه صغيره ، وفضل قرابه شهر يجمع معلومات عن عيله الفيشاوى علشان يعرف هيتعامل معاهم ازاى ويتعرف عليهم ازاى .

لازم نعرف احنا كمان عيله الفيشاوى كويس علشان نفهم ايه اللى بيحصل ، طبعا كلنا فكرين خليل باشا ، خليل كان لسه عايش بس بطل يدير شركات ومصالح العيله ساب الموضوع ده لابنه المهندس محمود طبعا كلنا فكرينه ، رغم ان خليل كان عنده اخ اصغر منه بعشر سنين بس خليل فضل ان محمود هو يبقى كبير العيله من بعده علشان كده مسكه اداره ممتلكات العيله كلها .

اخو خليل اسمه على ، وهو شخص مطيع جدا لاوامر اخوه خليل وبعد كده بقى مطيع لاوامر ابن اخوه المهندس محمود ، ورغم ان ليه نصيب في ممتلكات عيله الفيشاوى بس كان ميقدرش يعمل حاجه من غير ما يرجع للمهندس محمود الاول .

على كان عنده ولد وبنتين ، احمد وده شخصيته مختلفه جدا عن ابوه على ، احمد كان شايف ان من حق ابوه يكون كبير العيله من بعد خليل ، وكان غضبان من ابوه اللى كان مستسلم للوضع ده ، واحمد كان مهندس هو كمان ، وكان عاوز يبقى كبير العيله من بعد محمود ، وكان مستعد يعمل اى حاجه علشان يوصل للحلم ده .

بنات على هما شيماء ودى متجوزه ومسافره مع جوزها ديما ، والتانيه تبقى ساره ودى لسه متجوزتش وعايشه مع ابوها في قصر الفيشاوى وباقى العيله .

اما محمود فكان عنده ولد وبنت ، الولد يبقى ادم وهو مختلف نهائى عن عيله الفيشاوى ، بيكره الالتزام والشغل وتعمد انه يفشل في الدراسه علشان مايدخلش كليه الهندسه ، هو مش عاوز يبقى نسخه من ابوه ، وكل اللى يهمه انه يعيش حياته بطرقته هو بعيد عن رسميات عيله الفيشاوى .

اما بنت محمود التانيه فهى تبقى ريم ، هى بنت مغروره الى حد كبير ، زى ما بيقولوا شيفه نفسها اوى ، ريم كانت نسخه مصغره من خليل باشا ، في التكبر والغرور وكمان شيفه ان عيله الفيشاوى صنف تانى من البشر اعلى من الناس العاديه .

ياسين قدر يجمع كل المعلومات دى عن عيله الفيشاوى ، وياسين مكنش حاطط عينه على المهندس محمود بس ، لا هو كان معتبر عيله الفيشاوى مشتركين في اللى حصل لامه وانه لازم ينتقم من الكل حتى اللى منش موجود ايام اللى حصل لامه .

ياسين كان متخرج من الجامعه بتدقير ممتاز ، واول حاجه فكر فيها انه يقدم في شركه الفيشاوى علشان يشتغل فيها ، وفعلا تفوقه في الدراسه وتقدير تخرجه سده انه يشتغل في الشركه ، وابتدى ياسين يتفانى في شغله علشان يظهر قدام عيله الفيشاوى بسرعه .

بعد شهرين من شغل ياسين في الشركه حس ان الموضوع هيطول اوى ، علشان كده فكر انه يدخل للعيله عن طريق حاجه تانيه جنب شغله ، وسعتها كان ازم يتعرف على حد من عيله الفيشاوى وبعد تفكر اخيرا حدد هدفه وكانت ساره هى هدف ياسين وهى اللى هتدخله عيله الفيشاوى .

طبعا ياسين فضل يراقب ساره لفتره طويله جدا جدا علشان يتعرف عليها اكتر ويعرف ازاى يتعامل معاها ، وطبعا كان مستنى اللحظه المناسبه علشان يتعرف عليها .

وبعد فتره جت الفرصه المناسبه ، في يوم كانت ساره سهرانه في ملهى ليلى ، وكانت سهرانه مع اصحابها من شباب وبنات ، وكانت ساره ديما بتحب تكون محل اهتمام الجميع ، وده اللى بيحصل ، بس بردوا كانت عندها مشكله انها بتغير من وحده بس وهى ريم بنت المهندس محمود ، وبالصدفه ريم راحت لنفس المكان اللى سهرانه فيها ساره ، وعلشان ريم بنت كبير عيله الفيشاوى فهى ليها مكانه خاصه باى مكان تروحه ، حتى مدير الملهى استقبل ريم بنفسه ، ولما طلب منها تختار مكان تقعد فيه هى والمجموعه بتاعتها والتفتت ريم حوليها فلقت ان افضل مكان في الملهى هو اللى قاعده فيه ساره ، وطبعا كانت تعرف ان ساره بتغير منها وعلشان كده ريم كانت بتتعمد تتكبر عليها وتبين قد ايه هى صغيره وخصوصا قدام الناس ، علشان كده اختارت ريم المكان اللى في ساره واصحابها وطلبت من مدير الملهى انه يفضلها المكان ده .

طبعا مدير الملهى كان عارف ان ساره هى كمان من عيله الفيشاوى ، وهى زبونه ديما في الملهى ده ، بس عارف ان ريم بنت المهندس محمود يعتبر اشهر واحد في البلد واغناهم كمان ويقدر يشترى الملهى ده بالناس اللى شغاله فيه وممكن بنفوذه وعلقاته يقفله لو هو عاوز كده ، علشان كده كان مدير الملهى في حيره من امره والموضوع كان صعب اوى عليه ، بس لما حس ان ريم ابتدت تضايق من انتظارها سعتها قرر انه يتحاز لريم على حساب ساره وفكر انه لو خسر زبونه مهمه زى ساره احسنله من انه يخسر الملهى كله ، علشان كده راح المدير لساره وكلمها بصوت واى وقالها : استأذنك يا ساره هانم ، انا وفرتلك مكان احسن من المكان اللى انتى قاعده فيه بكتير .

ساره باستغراب لانها مكنتش شايفه ريم لما دخلت قالت : بس انا مشتكتش من المكان ده ، المكان ده مناسب ليا وللى معايا .

مدير : انا اسف طبعا ، بس احنا محتجين المكان ده .

ساره : يعنى ايه محتجينه ؟

مدير : في شخص مهم اوى عاوز يقعد في المكان ده بالتحديد .

اتعصبت ساره طبعا من كلام مدير الملهى وقالت بصوت مرتفع : ايه ، انت بتقول ايه ؟ هو في شخص اهم منى علشان تقونى علشانه ، انت نسيت انا مين وبنت مين ومن عيله مين ؟

مدير : يا هانم كلنا عرفين مين حضرتك كويس ، بس والله ده ظرف طارق خارج عن ارادتنا ، وبعتذر منك اوى .

ساره : مين ده اللى خايف منه اوى كده ؟

وبصت ساره حوليها لغايه ما عنيها جت على ريم فهمت انها هى اللى طلبت كده ، وسعتها بعصبيه شديده قامت من مكانها ورمت الكاس اللى في اديها في الارض ، وبعصبيه قالت للمدير : انا سيبه المكان الزباله ده لانه مش بيقدر الناس صح ، وانت ملكش عندى غير ده .

وضربت ساره مدير الملهى بالالم اللى في سعتها حط راسه في الارض وقالها : اسفين حضرتك ، وخرجت ساره لوحدها وسابت الملهى وهى متعصبه .

الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda