عوالم خفيه ( الجزء الرابع )

عوالم خفيه ( الجزء الرابع )

قبل استكمال احداث قصتنا ، لمشاهده الجزء السابق ( اضغط هنا ) ، توقفنا قبل كده لما حست رشا بان اللعنه هتصبها وانها بتشوف منال وابنها .

رشا سألت أسأله كتير بس مكنش عندها اى اجابه ، وبعد تفكير قررت تكمل الروايه علشان ممكن تلاقى اجابه لكل اسألتها بالروايه .

فتحت رشا الروايه وقعدت تكمل الروايه وكان مكتوب فيها ان ياسر بيقول : انا قابلت امل تانى يوم فعلا ، كان الوقت قريب من المغرب تقريبا ، وقعدت انا وامل علشان تكملى باقى الحكايه ، بصراحه انا كنت بحب ابقا مع امل ، مش عارف يمكن حاسس باعجاب ، او ممكن بحبها مثلا ، مش عارف الاجابه على السؤال ده ، بس اللى كنت متأكد منه انى عاوز اكمل حكايه سوار هانم وعيلتها .

امل اتكلمت وقالت : اى حد يشوف منال يقول عليها غلبانه اوى ، تحسها منكسره وبتقول نعم وحاضر ، ومعتبره نفسها خدامه فى القصر مش من الملاك ، بس ديما سوار هانم كانت بترفض ده وكلمتها اكتر من مره انها مرات احمد باشا وام ابنه وانها هانم من هوانم القصر ، بس منال كانت ديما تقولها ايش جاب لجاب يا هانم ، انتم اسيادى ، ولما كانت بتقول كده كانت بتصعب على سوار هانم ، بس سوار هانم مكنتش تعرف ان كلام منال نوع من الخبث والمكر ، منال كانت وحده انتهاذيه ، عوزه تتمسكن لغايه ما تتمكن .

كل اللى فى القصر مع الوقت استسلموا للامر الواقع واعترفوا بمنال وابنها بلال ، وعاشوا فتره فى هدوء ، بس مكنوش يعرفوا ان الهدوء ده مراه عاصفه هتدمر كل حاجه .

منال ابتدت تقرب من كل واحد فى القصر ، بتتعامل معاه كويس وتعظم فيه ، حتى همس حفيده سوار هانم منال فضلت تتقرب ليها علشان تحبها ، واول مصيبه حصلت فى القصر كانت بسبب منال طبعا .

العيله مكنتش مثاليه ، زى اى عيله لازم فيه مشاكل ، بس طول عمر المشاكل دى كانت بتخلص قبل ما تكبر ، عندك مثلا رجاء ، هي بنت احمد باشا الكبيره ، كانت عدها جنون العظمه ، يعنى شيفه نفسها اوى ومغروره بنفسها ، معتبره نفسها اجمل ست واطيب ست ، وكانت ديما بتبين لجوزها عماد ان اكيد ربنا بيحبه علشان خلاه يتجوزها ، بس بسبب غرور رجاء كان عماد ليه علاقات نسائيه كتير ، طبعا بيعوض النقص اللى عاشه مع رجاء ، ورغم ان الاشاعات كانت مليه القريه عن سلوك عماد ، بس رجاء عمرها ما صدقت الكلام ده ، مهو صعب تصدق ان جوزها ممكن يعرف اى وحده تانيه عليها وهيا شايفه نفسها ملكه جمال الكون .

لما عاشت منال فى القصر ، سعتها عماد فكر فيها ، مهى نوع هو مشفهوش قبل كده ، هيا كانت بتمثل انها ست منكسره وطيبه ، علشان كده عماد اتعلق بمنال ، كان بيحب يقعد معاها ويتكلم معاها ، وبصراحه منال عمرها ما صدته ، بالعكس كانت بتقوله كلام تعظم فيه وفى شخصيته ، وطبعا كل ده كان مابيشفهوش فى مراته رجاء اللى مكنتش شايفه غير نفسها وبس .

مع الوقت عماد حس انه ميقدرش يبعد عن منال ، ومش بس كده ده عاوز يبقا معاها على طول باى شكل ، عاوز يتجوزها رسمى او عرفى مش مهم المهم يبقا مع منال ، واول ما فاتح منال فى الموضوع هي مصدقتش نفسها من الفرحه وفقت على طول ، وكمان سابتله الحريه انه يختار نوع الجوازه انه عرفى او رسمى ، المهم انها تبقا معاه .

طبعا مفيش وحده بتعمل كده ، طبعا عماد سعتها حس ان منال دى اللى هتقدر تسعده ، كفايه انها ملهاش اى طلبات ، وشيفه نفسها قليله قدامه ، عوضته كل حاجه كانت رجاء مبتعملهاش ، وفعلا اتجوز عماد منال عرفى ، كتبوا ورقتين جواز عرفى ، وعلشان بيثق فى منال طلب منها تخلى الورقتين معاها .

اول ليله جواز بين عماد ومنال حصل فيها نصيبه ، عماد استنا رجاء تنام وبعدين اتسحب علشان يروح اوضه منال ، وفعلا لما عمل كده ، ومنال طلبت منه يستناها فى الاوضه هتعمل حاجه وجايه بسرعه ، وخرجت منال وقطعت هدومها وراحت على اوضه سوار هانم وهى بترتعش وبتعيط وبتتوسل اليها انها تلحقها من عماد جوز بنتها رجاء ، وقالتلها انه دخل عليها وحاول يغتصبها وانه لسه فى اوضتها لغايه دلوقتى .

راحت سوار هانم وفتحت اوضه منال فلقت عماد نايم فى سرير منال وكان قالع جزء من هدومه ، طبعا سوار هانم انصدمت من اللى شفته ، ومنال اول ما شافت عماد بالشكل ده فضلت تصرخ وتصوت بصوت عالى لغايه ما صحى كل واحد فى العيله ، طبعا الكل اتلم وشاف عماد بالشكل ده ، ورجاء مستحملتش اللى شفته واغما عليها ووقعت على الارض .

عماد طبعا مكنش متوقع كل اللى حصل من منال ، الصدمه عليه كانت جامده اوى ، حتى هو مقدرش يتكلم ويدافع عن نفسه ، كان بيحب منال اوى ، وعقله مستوعبش ان منال كانت بتخدعه ، ومن صدمته فقد النطق نهائى ، ومكنش قادر يستحمل نظرات العيله ليه ، ومعداش كام اسبوع غير ولقوا عماد ميت فى اوضته وعلى سريره ، الكل فكر انه مات موته طبيعيه ، بس الحقيقه محدش يعرفها .

رجاء بعد موضوع جوزها عاشت فتره كبيره مصدومه ، واهملت فى نفسها وفى شكلها ومبقتش زى الاول ، وماتت هيا كمان بحادثه ، كانت وقفه فى بلكونه فى القصر واتزانها اختل ووقعت وماتت .

القصر كان عايش حاله حزن جامده اوى ، محدش كان مصدق اللى بيحصل ، بس مع الوقت الناس ابتدت تعيش وتنسا ، ومنال فضلت تحبب الناس فيها ، هي كانت تعمل نصايب وبعدين تحسن العلاقه بنها وبين العيله .

بعد ما حكت امل الكلام ده ليا ، كان الوقت اتأخر وطلبت انى استناها بكره علشان هي مروحه ، وفعلا مشيت امل وسابتنى ، ولما مشيت بقيت محتار ، افكر فى القصه ولا افكر فيها ، انا كل ما اقعد معاها احس ان قلبى اتعلق بيها ، بقيت عاوز اقعد معاها من غير ما تحكيلى حاجه عن القصه اصلا .

هنا اتوقفت رشا عن القرايه ، مهى حست بالارهاق وكمان حست بالجوع ، قامت رشا علشان تعمل الاكل لنفسها ، ودخلت المطبخ وابتدت تطبخ ، بس وهي وقفه قدام البتوجاز ، حست رشا بحركه وراها ، قلقت والتفتت رشا ، لقت وراها وحده واقفه ، ايوه هى نفس الست اللى على صوره غلاف الروايه ، ونفس الست اللى شفتها قبل كده ، كانت وقفه قدام رشا الفرق بنهم وبين بعض اقل من خمسه سنتى تقريبا ، حتى رشا كانت حسه بنفس الست دى ، كان اكنها بتتنفس نار سخن اوى ، وبتزوم بصوت من بوقها ، زى ما تكون غضبانه وهتثور .

شكل الست بقا اوضح ، شعرها خفيف اوى ومنعكش ، زي ما يكو شعرها محروق منه جزء كبير ، وحتى هي جسمها رغم انها لبسه هدوم بس واضح اوى ان جسمها محروق ، ومش بس هي وكمان الطفل اللى واقف جنبها كان جسمه كله محروق بشكل مخيف اوى ، ونظره عيون حاده ومليان غضب وتترعب تشوفها .

رشا حست بالخوف ، ايوه كان لازم تخاف ، مهو محدش يقف فى الموقف اللى وقفاه رشا وميخفش ، وفضلت الست المخيفه دى تزوم ، وفجأه زقت رشا بايديها الاتنين ، فوقعت رشا على البتوجاز اللى كان وراها ، ومسكت النار فيها ، وفجأه اتفزعت رشا وصحيت ، كان حلم هى حلمت بيه وهي مسكه الروايه بتقراها غلبها النوم وشافت الحلم ده .

الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda