الهالكـــــــــــون 2 ( الجزء السادس )
 |
| الهالكـــــــــــون 2 ( الجزء السادس ) |
قبل استكمال احداث قصتنا ، لمشاهده الجزء السابق ( اضغط هنا ) ، توقفنا فى الجزء السابق لما قدر نوح يمسك القاتله اللى قدرت تهرب من يونس .
القاتله المحترفه كان مغمى عليها ، لما ابتدت
تفتح عنيها البيضا لقت نفسها فى مكان متعرفهوش ، وهى متكتفه بكرسى من الكراسى
ومحطوط كمامه على بوقها ، واتنين وقفين قدمها طبعا كان يونس ونوح .
نوح : هنشيل اللى على بوقك ده وتتكلمى من غير
مناهده انتى فهمه ؟
القاتله كانت لسه بتفوق ومشورتش او عملت اى
حاجه .
نزل نوح الكمامه من على بوقها وقالها : انتى
شغاله تبع مين ؟
بس القاتله متكلمتش خالص .
سعتها نوح ضربها بالبوكس فى وشها ومرعاش انها
وحده نهائى .
يونس : مش كده يا نوح ، دى بردو وحده ووشها
مهم طبعا ، هى اكيد هتتكلم ، وبصل لقاتله وقالها : ولا تحبى نخش على مرحله التقطيع
ونبتدى نقطع فى جسمك .
بردو القاتله مردتش او ابدت اى رد فعل نهائى
.
نوح فضل يسأل فيها وضربها بالبوكس كتير بس هى
ولا اكنها حسه بحاجه ، سعتها يونس قال : استنا يا نوح .
وقف نوح ومعملش حاجه وشاف يونس وهو ماسك فى
ايده كماشه بسلاح زى المقص ، وراح حط صابع من صوابع القاتله جوه الكماشه وضغط بقوه
فقطع صابع القاتله .
هنا نوح اتصدم ، الاول بسبب تصرف يونس ، انه
يعذب حد بالشكل الاجرامى ده حتى لو اللى بيتعامل معاها مجرمه وقاتله ، والصدمه
الاكبر فى رد فعل القاتله نفسه ، اتقطع صابعها بس رد فعلها كان مفيش حاجه حصلت
نهائى .
يونس فضل يسأل القاتله أسأله كتير بس هى
مجوبتش على اى سؤال ، وكانت بتنزف طبعا ، وهنا يونس كان لازم يجرب صابع تانى ،
وفعلا قطع صابع تانى وبعدين صابع ثالث وبردو مفيش رد وبعدين صابع رابع وبردو مفيش
اى رد او حتى الاحساس بالالم .
سعتها نوح استنتج ان القاتله ديه تحت تأثير
حاجه قويه جدا حتى لدرجه ان الالم مش بيخرجها من التأثير ده .
فى الوقت ده نوح خرج مسدسه ووجهه الى قلب
القاتله وسعتها يونس حاول يمنعه وقاله : استنا ، انا هخليها تتكلم ، دى اخر فرصه
لينا علشان نوصل لعضو المنظمه ؟
نوح : مفيش فايده ، مهما تحاول تعذبها مش
هتتكلم ، هى اصلا مش مسيطره على نفسها .
يونس : تقصد ايه بكلامك ده ؟
نوح : انت بتحاول تخليها تعترف وهى اصلا
مغيبه نهائى ، انت بتعذب فى وحده ميته اصلا ، جسد بدون روح .
ضغط نوح على الزيناد علشان يريح القاتله من
عذبها اللى مش قدره حتى تصرخ بيه .
فى الاول ممكن الناس تفتكر ان كل اللى عمل
يونس ونوح راح على الفاضى ، بس الكلام ده مش صحيح ، كل مره بيقابلو حد عيونه بيضا
بيعرفو معلومه جديده عنهم ، ونوح لما ضرب القاتله بالنار وقتلها مش علشان بس
يرحمها لاء كان ليه غرض تانى كان عاوز يتأكد ان عيونها هترجع طبيعيه بعد موتها او
لاء .
فعلا فضل نوح واقف يشوف عيونها هترج لطبيعتها
ام لاء ، اما يونس فكان غضبان من انه مقدرش يوصل لعضو الهالكون علشان كده مكنش منتبه
للى نوح عاوز يشوفه .
بعد كام دقيقه من موت القاتله لون عيونها
اتغيرت فعلا وبقت شبه العيون العاديه وسعتها نوح اتأكد من ان العيون البيضا بترجع
لطبعتها فى حاله وحده بس وهى فى حاله موت المصاب بالعيون البيضا .
نوح كان قاعد وبيفكر وبيجمع كل الخيوط اللى
وصلولها ، وكان لازم علشان يوصل لعضو منظمه الهالكون لازم يسبقه بخطوه ، ففكر نوح
فى استنتاجات اولها ان احتما يكون كل رجاله عضو منظمه الهالكون اللى مصابين بمرض
العيون البيضا من الستات فقط ، وده ممكن يوصله لاحتمال تانى ان اما لازم تكون ست
علشان تصاب بمرض العيون البيضا او ان عضو المنظمه مختار كل افراد عصابته المقربين
منه من الستات .
وده وصله لاحتمال اخر ان ممكن يكون عضو منظمه
الهالكون نفسه وحده ست وده سبب تفضلها ان افراد عصابتها المقربين يكونو ستات .
رغم ان كل اللى فكر فيه نوح مجرد استنتاجات ،
بس ده مايمنعش انه فى حال افضل من الاول ، الدنيا بتوضح معاه كل شويه عن الاول وده
فى حد ذاته تقدم كبير .
كان لازم يتخلصو من الجثه فورا ، بس يونس
مكنش فى حاله كويسه تسمحله انه يعمل كده ، فاتكفل نوح بالمهمه ديه ، وشال جثه وحطها
فى شنطه العربيه علشان يدفنها فى اى مكان .
خرج نوح فعلا ، وراح مكان مهجور ، وابتدى
وحفر حفره تقضى الجثه ، وشال الجثه علشان يدفنها بس فكر فى حاجه يعملها قبل كده ،
حاجه كان لازم يعملها من الاول انه يفتش القاتله .
نوح مكنش متوقع انه يلاقى حاجه فى التفتيش ده
، بس اهى محاوله يمكن يطلع بحاجه .
نوح فتش الجثه كويس وملقاش حاجه معاها ، بس
وصل لجيب سرى قبل ما يخلص تفتش ولقى جوه الجيب ورقه فخدها ، وبعدين حط الجثه فى
الحفره وردم عليها التراب .
ركب نوح العربيه بتعته بعد ما خلص ودفن الجثه
، وقبل ما يتحرك بالعربيه فتح الورقه اللى لقاها فى هدوم الجثه ولقى فيها مكتوب
على ثلاث اسطر .
السطر الاول مكتوب فيه 22:00 وطبعا نوح عرف
ان دى معناها الساعه 11 .
اما السطر التانى فكان مكتوب فيها تاريخ وكان
التاريخ ده بعد يومين بالظبط .
اما السطر الثالث فمكتوب مجموعه ارقام ونوح
مفهمش هما بيدلو على ايه .
خد نوح الورقه ومشى .
نوح متكلمش مع يونس فى موضوع الورقه ، وفضل
يفكر فى الارقام دى ممكن تكون ايه ، ممكن تكون ارقام سريه لخزنه مثلا ، او رقم
تليفون ، كان فى احتمالات كتير اوى ، وفى الوقت اللى كان نوح قاعد بيفكر فيه فى
موضوع الارقام جاله اتصال وكان المتصل هى ليلى .
نوح سعتها حس ان ليلى ممكن تكون الشخص
المناسب اللى يحل اللغز بتاع الارقام ديه ، وفعلا بعد ما رد عليها واتكلم معاها
ومنغير ما يحكلها اى تفاصل قالها انه معاه ارقام وعاوز يعرف هى بتدل على ايه .
نوح مداش ل ليلى كل حاجه يعرفها عن الورقه بس
الارقام الاخيره اللى معرفش هى بتدل على ايه ، وطبعا مقلهاش انه لقى الورقه فى جيب
الجثه علشان يونس ميعرفش بالكلام ده .
لغايه دلوقتى نوح نفسه ميعرفش هو ليه بيخبى
معلومات عن يونس ، وميعرفش حتى ان تصرفه ده صح ولا غلط .
نوح مكنش ينفع يقف ساكت لغايه لما توصل ليلى
لحل ، كان لازم يتصرف باى تصرف ، ولما فكر لقى التصرف المناسب .
اتصل نوح على طارق فى مصر ، وطلب منه انه
يتواصل مع اى ضابط تبع المخابرات يكون ليه علاقه باحد بالشرطه المغربيه علشان نوح
يقابله ويحاول يعرف منه اى معلومه تنفعه عن عصابه العيون البيضا ، وطارق قاله انه
هيتصرف فى اقرب وقت .
تانى يوم اتصل طارق بنوح واداله رقم ضابط فى
الشرطه المغربيه اسمه نصير .
طبعا نصير مكنش يعرف حاجه عن نوح ، هما
فهمينه انه ضابط مصرى فى مهمه ومحتاج مساعده ، وحتى مكنوش يعرفو ان اسمه نوح
معرفينه ان اسمه نفس الاسم بتاعه فى جواز السفر ضياء .
اتصل نوح بالضابط نصير المغربى وطلب منه انه
يقابل علشان محتاجه فى شيء ضرورى ، وفعلا اتحدد بنهم معاد ومكان يتقابلو فيه .
الى هنا يكون نهايه حديثنا اليوم
ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم
وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda