الهالكــــــــــــون 2 ( الجزء السابع )
 |
الهالكــــــــــــون 2 ( الجزء السابع ) |
اتقابل نوح مع الضابط نصير المغربى فى مكان
بعيد مهجور وده طبعا لسريه المقابله ، وبعد ما اتعرفوا على بعض ابتدى نوح يتكلم
ويسأل وقال : فى عصابه اجراميه موجوده بالمغرب بقالها فتره وكنت عاوز اعرف اى
معلومات عنها لو متوفره .
نصير : واخا .
نوح : مش فاهم ؟
ابتسم نصير وقال : يعنى تمام زى ما بتقولو
عندكم بمصر .
نوح : اه يعنى تمام ، طيب ما تقول تمام على
طول .
نصير : انا بعتز بلهجتى بزاف يعنى كتير ، وده
حقى ولا ايه ؟
نوح : عندك حق .
نصير : بتسأل عن ايه بالتحديد ؟
نوح : عن عصابه اجراميه شغاله فى الاغتيال
والمخدرات والسلاح .
نصير : دوول منهم كتير صعب احصرهملك .
نوح : لا منا العصابه اللى بسأل عنها مميزه ،
ليها طابع خاص ، حاجه كده بيتميزو بيها عن اى عصابه اخرى .
نصير : مزيان ، وايه اللى بيميزهم ؟
نوح : تقريبا اعضاء العصابه من الستات ،
وعيونهم بيضا نهائى ، ومش بترجع لطبيعتها الا بعد موته .
نصير قعد باهتمام وقال : وانتم عرفتم
المعلومات دى منين ؟
نوح : صادفنا وحده منهم فى مصر وماتت اثناء
التعامل معاها .
نصير : وايه تانى تعرفوه على العصابه ديه ؟
نوح : منعرفش معلومات كتير ، علشان كده انا لجأتلك
؟
نصير : عصابه العيون البضا من الملفات السريه
الخاصه بالامن المغربى ، ومش من الساهل اننا نطلع حد عليها .
نوح : يا نصير باشا احنا مصلحتنا وحده ، والعصابه
ديه هددت امننا الوطنى ، واحنا مش هنقعد نتفرج عليهم .
نصير : انا مقدرش اديك اى مستند يا حضره
الضابط .
نوح : وانا مش محتاج منك غير معلومات شفويه
مش اكتر .
نصير سكت ثوانى وبعدين قال : تمام بس اللى
هقولهولك ده انا مقولتهوش ، فهمنى طبعا .
نوح : اكيد يا نصير باشا ، مقابلتى معاك اصلا
متمتش .
نصير : واخا ، وانا هقولك كل اللى نعرفه .
عصابه العيون البضا ظهرت فى المغرب من فتره
قصيره جدا ممكن تقول من اربع الى سبع سنين تقريبا ، منعرفش عمرها الحقيقى بس ده
الوقت التقريبى اللى الخبراء بتوعنا حددوه للعصابه ديه .
العصابه ديه زى ما انت قولت كل افرادها من
الستات .
نوح : كلهم ولا معظمهم ؟
نصير : لا كلهم ، العصابه ديه من الستات بس .
سعتها نوح سأل نفسه عن المندوب اللى كان
هيمسكه هو ويونس فى مصر قبل ما القناصه تقتله ده كان راجل ازاى من العصابه ؟ سؤال
جه فى عقل نوح بس مكنش وقته ولازم يستمع ل نصير الاول .
كمل نصير كلامه وقال : عصابه العيون البيضا
بتشتغل فى كل حاجه غير قانونيه ، من تجاره سلاح ومخدرات وعملات وتزوير وتهريب ، اى
حاجه مخالفه للقانون هى مسئوله عنها بشكل او باخر فى المغرب .
نوح : عرفتو من افرادها ، مسكتم حد منهم ؟
نصير : طبعا حصل .
نوح : وصلتم لحاجه من اللى مسكتهم ؟
نصير : كل اعضاء عصابه العيوب البيضا ميقدروش
يقولو حاجه .
نوح باستغراب : ليه ميقدروش ، للدرجادى
ولاءهم لرأسهم ؟
نصير بابتسامه خفيفه : محدش بيدين بالولاء
لشخصه غصبه على اللى بيعمله .
نوح : انا مش فاهم حاجه كده ؟
نصير : فى حاجه لازم اشرحهالك الاول عن
العصابه ديه علشان تفهم انا اقصد ايه ، زى ما انت عارف ان لون عيونهم مابترجعش
طبيعيه الا لما تموت صاحبه العيون البيضا ، يعنى لازم قلبها يتوقف عن النبض ، حاجه
كده زى مصاصى الدماء ، لازم قلبه يقف علشان يموت ، بس هما مش مصاصى دماء ، هما
مجرد بش بس مش بقوه الشخص العادى ، المصابه بالعيون البيضا بتقدر تستخدم كامل
قوتها الحقيقيه ، احنا كابشر بتتفوات قدرتنا فى استخدام قوتنا الحقيقيه ، منا اللى
بيقدر يستخدم 60% مثلا ، ومنا اللى بستخدم 90% وددول بنقول عليهم بقوه خارقه
للطبيعه .
اما بقى اصحاب العيون البضا فهما بيستخدمو
تقريبا 100% من قوه البشر ، عوزك تتخيل ممكن يعملو ايه .
هما مش بس قوتهم اكبر من الشخص العادى ، هما
بيفضلو يتحركو لغايه لما قلبهم يقفو ، يعنى لو وحده فيهم وخده رصاصه فى ايديها او
رجليها تفضل تتحرك عادى جدا رغم الالم اللى بتشعر بيه .
نوح : ودى حاجه ماتتصدقش ، وانا شفت ده بعنيا
وده اللى خلالنى اتوقع انهم تحت تأثير عقار معين .
نصير : انت عندك حق ، الموضوع ده كان
هيسببلنا جنان لغايه لما عرفنا السبب الحقيقى لظهور العيون البيضا .
نوح باهتمام : ايه السبب ؟
نصير : قبل ما اقولك لازم احكيلك حاجه عن
الشعب المغربى ، المغرب من اجمل بلاد الدنيا ، زى ما انتم بتقولو على مصر كده ،
والشعب المغربى شعب طيب ، بس عنده عيب خطير اوى .
نوح : ايه هو العيب ده ؟
نصير : بيلجأ للسحر كأول اختيار ليه .
نوح باستغراب : سحر ؟؟
نصير : ايوه ماتستغربش ، الشعب المغربى
وخصوصا الستات بيلجأو للسحر بشكل يخوف ، ممكن تقول ان مفيش بيت مغربى متأذاش من
الموضوع ده ، اي وحده زعلانه مع حد من عيله جوزها مثلا تجرى تعمله سحر ، وممكن بين
اخوات وبعض ، وبين الجيران ممكن بسبب مشكله بسيطه تلاقى اى طرف فيهم لجأ للسحر ،
وده اللى نشط السحر بالمغرب وخلاه زى اى سلعه خدميه تطور وبسرعه رهيبه ، واحنا
اتأكدنا ان العيون البيض اده نوع من انواع السحر الاسود السفلى واللى متحكمه فيهم
بسحرها سلباهم ارادتهم نهائى وبيرمو نفسهم للموت لو انطلب منهم كده .
نوح : صعب جهاز امن وطنى يصدق ان عصابه ضاخمه
تقوم على مجرد سحر .
نصير بابتسامه : وليه لاء ؟
نوح : لان السحر مش حاجه ملموسه .
نصير : طيب ما الجن مش ملموس وكلنا عرفين انه
موجود ، سيبك من الجن ، هقولك على حاجه علميه الهواء مش ملموس وكلنا عرفين انه
موجود .
نوح : ونتغلب على العيون البيضا بايه ؟
نصير : لازم المتحكمه تموت علشان سحرها يبطل
، او هى تبطله وده صعب يحصل برداها .
نوح : شكرا يا نصير باشا على المعلومات اللى
عرفتهالى ، واتمنا ان مقابلتنا دى كانها محصلتش .
نصير : انا اللى كنت لسه هطلب منك كده .
اتفق نصير ونوح ان مقابلتهم كانها محصلتش وافترقو للابد .
الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda