الشغاله الجديده ( الجزء الاول )
 |
الشغاله الجديده ( الجزء الاول ) |
حكايتنا بتبتدى لما يرجع الرسام المشهور
مرتضى علام لمصر ، ده رسام انتشرت اعماله فى اكبر معارض العالم ، رغم انه عمره
يدوب 40 سنه بس شهرته انتشرت فى بلاد كبيره اوى ، ولوحاته كسب منها فلوس كتير اوى
.
مرتضى زى اى شخص ليه عيوب ، بس عيوبه كانت ديما
سبب فى تدهور حاله ، اكبر عيب عند مرتضى هو الستات ، لو شاف اى بنت او ست جميله
اوى بيحاول يتقرب منها ، وعلشان معظم المعارض والحفلات اللى بيحضرها كل اللى
بيحضروها رجال اعمال او رجال سلطه وسعات امراء من دول عربيه كتير ، ولما بيشوف اى
وحده وتعجبه جملها يحاول يتقرب منها ومها كانت النتيجه من محولته ديه بيحصل بعديها
كارثه ، لو الست او البنت رفضته طبعا بتبلغ اما اخوها او ابوها او جوزها لو متجوزه
وديما اللى بتبلغه بيبقى واحد عنده نفوذ كبيره او رجل اعمال وليه علاقات ضخمه
وسعتها النتيجه ان مرتضى بيحاول يهرب من البلد اللى فيها قبل ما يتحبس .
طبعا مرتضى نتيجه تهوره ده مش بس ممنوع من
دخول بلاد كتير ، ده كمان اتحجز على اموال كتير ليه فى بلاد كتير لدرجه انه دلوقتى
بيمر بحاله ماديه سيئه جدا جدا ، وقرر انه يرجع مصر ومكن شمعاه غير مبلغ مش كبير
يدوب يقدر يشترى بيه بيت ميكنش سعره غالى .
مرتضى قدر يشترى بيت بمبلغ صغير ، هو بعيد
شويه فى الارياف ، بس بيت كبير وكان سعره قليل اوى بالنسبه لحجمه ، صحاب البيت
كانو سيبنه وعيشين فى القاهره وعرضينه للبيع ووصله مرتضى عن طريق النت واشتراه .
مرتضى اتصل بعم فوزى ، وده كان زمان شغال عند
اهل مرتضى ، اصل مرتضى كان من عيله غنيه جدا ولما مات ابوه وامه باع كل حاجه وسافر
على اوربا وهناك صرف كل فلوسه على علقاته وعلى شرب الخمره ، اصل مرتضى ميقدرش
يستغنى ابدا عنها .
اتصل مرتضى بعم فوزى وطلب منه انه يجبله حد
ينضف البيت قبل ما يروح يسكن فيه ، وعم فوزى قاله انه هيروح يجيب وحده تنضفله
البيت وكمان هتفضل علشان تخدمه وتعمله الاكل وتشوف طلباته وخد العنوان من مرتضى
وقاله انه هيروح يلاقى كل حاجه تمام .
بعد يومين راح مرتضى علشان يعيش فى البيت
الجديد ، دخل البيت وكان باب البيت مفتوح ، فضل مرتضى نادى على اى حد جوه البيت
محدش رد عليه ، سعتها فكر ان يمكن عم فوزى مشى بس ازاى يسيب الباب مفتوح كده ،
الموضوع مشغلش فكر مرتضى كتير ودخل البيت واختار اوضه تكون اوضته وحط فيها حجته ،
وكان تعبان من المشوار فنام .
بعد سعتين صحى مرتضى وكان جعان ، فقام ونزل
من اوضته للدور الارضى ، دخل المطبخ بس ملقاش فيه حاجه خرج ولما خرج بص شاف قدامه
بنت قعده على كرسى الانتريه ومعاها كوبايه شاى وبتشرب فيها وهى بتتفرج على
التليفزيون .
استغرب مرتضى لما شافها ، وكان طبيبعى انه
يسألها : انتى مين ؟
بصت البنت عليه بعيونها ومردتش عليه ورجعت
تتفرج على التليفزيون .
الحركه دى عصبت مرتضى اوى ، اول مره حد
يعامله بالاسلوب ده ، وكانه هواء ا اى شيء نكره .
عاد مرتضى سؤاله وقال : انتى مين يا شاطره ،
وازاى دخلتى هنا .
بصتله البنت مره تانيه من فوق لتحت ورجعت
شربت الشاى تانى .
مرتضى كان متعفرت منها ، اتحرك من مكانه ووقف
قدمها علشان متعرفش تتفرج على التلفيزيون وقالها وهو متعصب : هو مش انا بكلمك يا
بتاعه انتى ؟
ردت عليه المرادى وقالتله : عاوز ايه يا بتاع
انت ؟
مرتضى زى ما يكون هينفجر رد عليها وقالها :
انا بتاع ، انتى متعرفيش انا مين ؟
ردت عليه وقالتله : هتكون مين يعنى بسلامتك ،
ابن بارم ديله مثلاً ، ولا متكونش العجل فى بطن امه بسلامتك .
مرتضى عمره ما حد اتكلم معاه كده ، مكنش عارف
يرد يقولها ايه ، كل اللى قاله : انتى قيليه الادب .
ردت عليه وقالت : ماشى يا حلتها ، اركن بقى
على جنب خلينى اتفرج على المسلسل .
مرتضى : انتى اللى بعتك عم فوزى صح ؟
ردت عليه وقالت : اه اعتبرنى هى ، فى حاجه .
مرتضى : انا هتصل بعمى فوزى علشان يخدك ، انا
مش عوزك هنا .
ردت عليه : لا والله ده على اساس انى تحت
امرك انت وعمك زفت ده ، اجى وامشى بمزاجكم ، يلا اخفى من وشى الله يرضى عليك علشان
متهبش عليك .
مرتضى : ايه الكلام اللى بتقوليه ده ، انتى
شغاله ولا بلطجيه يا اسمك ايه انتى ؟
ردت وقالت : اسمى ملك .
مرتضى : طيب يا ملك انا اسمى مرتضى .
ملك : مطلبتش منك اعرف اسمك على فكره ؟
مرتضى بنرفزه : انتى مستفزه اوى يا بت انتى .
ملك : بت لما تبتك .
مرتضى : بصى انا كلامى مش معاكى كلامى مع عمى
فوزى .
مسك مرتضى التليفون بتاعه واتصل على تليفون
عم فوزى بس لقاه مقفول ، حاول مرتضى اكتر من مره يتصل بس تليفونه مقفول .
مرتضى بص ل ملك وقالها : تليفونه مقفول .
ملك : واعملك ايه يعنى ؟
مرتضى : انا جعان عاوز اكل ومفيش حاجه فى
المطبخ .
ملك : وبعدين اعملك ايه يعنى ؟
مرتضى : هو انتى مش جايه علشان تشوفى طلباتى
؟
ملك : وانتع اوز تمشينى .
مرتضى : طيب خليكى بس اتعملى معايا باسلوب
كويس .
ملك : لما تتكلم انت باسلوب كويس الاول .
مرتضى : اسف تعمليلى اكل ؟
ملم : اممممم افكر .
مرتضى بعصبيه : شوفى انتى مستفزه ازاى ؟
ملك : بص هنصحك نصيحه لوجه الله ، حاول تتعود
على اسلوبه ، اصله معايا من 25 سنه فصعب اغيره علشان اى حد ، خصوصا لو كان واحد
مزلزء كده .
مرتضى مسك نفسه اصله جعان ومش قادر يخرج يدور
على حد بيعمل اكل علشان كده قرر يستحمل ملك واسلوبها لغايه لما يشفلها حل ، فسكت .
ملك : هاه مقولتليش عاوز تطفح ايه ؟
مرتضى وهو متغاظ : اللى تعمليه مش فارقه .
ملك : خلاص ربع ساعه يخلص المسلسل وهتلاقى
الطفح جاهز .
مرتضى : مفيش حاجه فى المطبخ ، هتجيبى الاكل
منين .
ملك : دى مش مشكلتك ، تمام اخفى بقى وهتلاقى
الاكل جاهز بعد ربع ساعه .
مرتضى سكت ومشى من قدمها .
بعد ربع ساعه كان عارف مرتضى ان ملك بتشتغله
ومفيش اكل اصلا يتعمل بس اتفاجيء ان هى فعلا حطاله الاكل على تربيزه السفره
والمفاجيء بقى ان الاصناف اللى على السفره كانت كتير ولما ابتدى مرتضى ياكل لقى ان
اكل ملك كان فى منتهى الجمال .
الى هنا يكون نهايه حديثنا اليوم
ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم
وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda