أخو البنات ( الجزء الخامس عشر )
 |
| أخو البنات ( الجزء الخامس عشر ) |
فى صباح اليوم الثانى تم عرض نور على وكيل النيابه ، وحضر المحامى مع
نور ، وكانت فجر وبسام وايضا الست امير التى وصلت للاطمئنان على ابنها ينتظرون
خارج مكتب وكيل النيابه ، وسئل وكيل النيابه نور وقال : انت كنت فين امبارح من
الساعه 10 مساءا حتى 12 مساء ؟
نور : كنت مع الانسه فجر .
وكيل النيابه : كنتم فين بالظبط ؟
نور : مش فى مكان محدد كنا بنلف بعربيتها ، وسعات كنا بنقف باى مكان
هادى ، او مكان مرتفع زى المقطم كدا .
وكيل النيابه : كنتم بمكان هادى بتعملوا ايه ؟
نور : مفيش حضرتك كنا بنتكلم مش اكتر .
وكيل النيابه : يعنى تفضلوا تلفوا بالشارع ، وتروحوا المقطم علشان
تتكلموا ، ما كان اولى تقعدو باى مطعم او كافتريا مثلا ؟
نور : انا مش فاهم حضرتك تقصد ايه ؟
وكيل النيابه : اصلك حدت اماكن محدش هيشوفك فيها ، ودا مش فى مصلحتك .
نور : يا فندم منا قولت لحضرتك ان الانسه فجر كانت معايا ، وهى بره
ممكن تستدعيها وهى هتشهد .
وكيل النيابه : هيحصل متقلقش ، ايه طبيعه علقتك بالممرضه اللى اسمها
ايه المجنى عليها ؟
نور : مفيش حضرتك ، زى اى علاقه اتنين زملا فى مكان عمل ، هى ممرضه
وانا دكتور بس كدا .
وكيل النيابه : التحريات اللى مكتوبه عندى بتقول ان انت حصل بينك وبين
ايه مشادات كتير بالمستشفى ، الكلام دا صحيح ؟
نور : حضرتك دا من طبيعه شغلنا ، احنا مسئولين عن حيات مرضى كتير ،
ولما بلاقى تقصير من حد من طاقم التمريض لازم انبه واعرفه غلطه .
وكيل النيابه : انت بتقر ان العلاقه بينك وبنها مش على ما يرام ؟
نور : يا فندم انا بقول طبيعه شغلنا كدا ، بس انا علقتى بايه وبكل
العاملين بالمستشفه كويسه ، بس هو حصل ان ايه اكتر من مره كانت بتهمل فى مواعيد
العلاج للمرضى وانا كنت بشد عليها علشان كدا وكنت بانبها وبنبها .
وكيل النيابه : الموضوع دا حصل كام مره ؟
نور : مش فاهم حضرتك موضوع ايه ؟
وكيل النيابه : ايه كام مره اهملت بشغلها واتسببت بمشاكل للمرضى ؟
نور : كتير حضرتك ، يعنى اكتر من عشر مرات تقريبا .
وكيل النيابه : مش شايف ان دا غريب ، يعنى وحده مهمله بالشكل دا ،
وانت المسئول عنها ، وتغلط كل الغلطات دى ، ومتفكرش حتى تعملها جزا او خصم او حتى
لفت نظر ؟
نور توتر قليلا وقال له : يا فندم اللى اعرفه ان ايه مسئوله عن اسره
باكملها ، وامها مريضه بفشل كلوى وبتغسل كليه فى الاسبوع مرتين ، وعندها اختين
بتصرف على تعلمهم ، ووالدها متوفى ، فطبعا وحده بالظروف دى اى خصم او جزاء ليها
هيسبب ليها بازمه ، وانا مكنتش حابب اكون سبب فى معانات اهلها اكتر من اللى هما
فيه .
وكيل النيابه وهو مبتسم : دا انت عارف عنها كل حاجه بقى ، ودا اسميه
اعجاب ولا حب ولا شفقه ، يعنى فى فجر وكمان ايه وما خفيا كان اعظم .
نور بعد ان تغير لون وجهه : يا فندم مش اعجاب ولا اهتمام حتى ، هى ايه
فى مره كنت هجبلها خصم جت واترجتنى انى اشيلها الخصم وحكت على ظروفها ، علشان كدا
اعرف اللى قولته لحضرت مش اكتر من كدا .
وكيل النيابه وهو غاضب : يعنى اى وحده تجيلك تعيطلك دمعتين ، وتتصعبن
عليك تخليها تغلط وتعرض حياة الناس للخطر ، فى ايه يا دكتور ، انت مش فاهم طبيعه
شغلك ولا ايه ؟
نور : يا فندم انا كنت بعمل اللى عليا ، انا كنت بتمم على اى حاجه بعد
ما تعملها الممرضه ايه ، علشان اتاكد ان كل حاجه مظبوطه .
دخل احد الظباط وكان معه تقرير الطب الشرعى لحاله الممرضه ، واخذ وكيل
النيابه يقراء التقرير ، ثم قال لنور : الموضوع بقى اصعب يا دكتور نور ، الممرضه
ايه لما تم اغتصبها اترمت فى مكان شبيه ببركه مايه ، وملامح الحمض النووى بتاع
المغتصب اختفت ، يعنى مينفعش تتقارن بالحمض النووى بتاعك ، بكدا يبقى اعتراف
الممرضه عليك اكبر دليل على ثبوت الجريمه عليك ، ثم طلب وكيل النيابه احضار شاهده
النفى فجر ، ودخلت فجر وبعد ان تم تسجيل جميع بيانتها سئلها وكيل النيابه ان كان
نور كان متواجد معها فى وقت وقوع الجريمه ما بين الساعه العاشره مساءا والثانيه
عشر مساءا فقالت فجر : ايوه حضرتك نور كان معايا امبارح من قبل الساعه عشره بكتير
وانا وصلته الساعه 12 بالليل لبيته بعربيتى .
وكيل النيابه : ايه طبيعه علقتك بيه ؟
فجر : نور يبقى صديق .
وكيل النيابه : صديق ازاى ممكن توضحى ؟
فجر : حضرتك صديق هى محتاجه توضيح او مسمى تانى ؟
وكيل النيابه : على حسب البيانات انتى وحده مشهوره وغنيه وسيده اعمال
، مش من المألوف ان وحده زيك تربطها علاقه صداقه بالشكل دا بواحد مستواه المادى زى
حاله الدكتور نور .
فجر : حضرتك قولت الدكتور نور ، يعنى واحد من المتفوقين ، انت عارف ان
كليه الطب مابيدخلهاش غير الاذكياء والمتفوقين ، يعنى هو من صفوه المجتمع ، وحتى
لو مش كدا الصداقه ملهاش مقياس محدد ، فى مستشارين وليهم اصدقاء اصحاب حرف وفى
فروق بمستوى المعيشه بنهم .
وكيل النيابه : كلامك صحيح بس مابيقعدوش مع بعض بالساعات زى ما هو
واضح بصدقتك مع الدكتور نور ؟
فجر : تمام حضرتك ، ولنفترض ان اللى بنا مش صداقه ، وان اللى بنا حب
مثلا ، دا يفرق مع حضرتك ايه فى التحقيق ؟
وكيل النيابه وهو مبتسم : لا يفرق كتير ، طبيعه العلاقه بينك وبين نور
بتحدد مدى مصداقيه الاخذ بشهادتك ، انتى كدا شهادتك مشكوك فيها ، ومحتاجين ناس
تانيه تشهد بتواجد نور معاكى بوقت وقوع الجريمه ؟
فجر : يعنى المفروض قبل ما اخرج مع نور اروح اجيب شهود علينا .
وكيل النيابه : اه مهو مش اى واحد هيغتصب واحده ويجى يجبلنا حد ويقول
انا كنت معاه يبقى نسيبه يروح ، كدا تبقى فوضى .
فتحدث المحامى وقال : طيب انا بطالب سيتك انك تفرج على موكيل بضمان
مالى اللى حضرتك تحدده ؟
وكيل النيابه : افرج عن مين يا استاذ ، كل الادله ضده ومعندوش دليل
واحد للنفى ، ثم نظر وكيل النيابه للمساعد وقال له : اكتب امرنا نحن وكيل النيابه
حبس المتهم نور عامر اربعه ايام على زمه التحقيق ، ثم استدعى العسكرى وطلب منه اخذ
نور الى الحبس .
بالطبع انهارت الست اميره حينما علمت بان ابنها سوف يتم حبسه وانه فى
ورطه كبيره جدا ويصعب اخراجه منها ، حتى انها قد اغمى عليها فى اخر الامر ونقلتها
فجر الى طبيب للاطمئنان عليها ، اما بسام فلم يكن يستطيع فعل شيء لنور ، لذلك ذهب
مع فجر والست اميره الى الطبيب ، واخبرهم الطبيب انها تعرضت لصدمه عصبيه شديده
وارتفع ضغط الدم لديها وايضا اصيبت بمرض السكرى نتيجه للصدمه التى تعرضت لها ،
بالطبع لم تستطيع فجر اخبار نور بهذا الامر ، ولكنها اتصلت باسراء لتخبرها ،
وبالفعل لم تستطيع اسراء الابتعاد عن امها حينما سمعت الخبر وقررت البقاء بجانبها
، فلم تعد تربطها علاقه بسامر فلقد قام بتطليقها من قبل حينما عرف كذبها وانها من
عائله فقيره وهو يهتم بالمظاهر الى حد كبير ، وحينما تطلقت اسراء كانت ترى ان
اخوها نور سبب كل ما حدث معها لذلك كانت قد قررت الابتعاد عنه وعن امها ، فبالطبع
كان سامر قد انهى العقد الذى كان بين اسراء والقناه الفضائيه التى يمتلكها وعملت
اسراء كمذيعه باحدى القنوات الغير مشهوره .
لم تكن اسراء فقط هى من اسرعت لامها فها هى اسماء هى الاخر فور وصول
الخبر اليها بسجن اخيها بتلك القضيه ، بالطبع اصبحت قضيه اغتصاب الطبيب لممرضه
حديث كل الناس ، حتى ان زوج اسماء طلب منها الابتعاد عنه حتى لا يتاثر بما سماه
بالعار والفضائح بسبب فعلت نور ، لذلك قام بابعادها عنه وتطليقها بعد ذلك بيومان
لانه خاف على اسمه وسمعته .
بالطبع اصبح نور الملام على كل ما اصاب اخوته البنات ، حتى هم يتحدثون
عنه امام امهم بشكل سيء وكانه بالفعل قام بتلك الجريمه ، بالطبع لم تكن اميره
تستطيع تحمل ما تسمعه من اخوة نور ما يقولونه عن اخوهم لذلك كانت تنفعل عليهم
باستمرار وحاولت طردهم اكثر من مره لذلك الامر وزاد ذلك من سوء حالتها الصحيه
لدرجه كبيره للغايه ، وحينما حذر الطبيب ان انفعال الست اميره سوف يقودها للموت ،
قررت اسماء واسراء عدم التحدث عن اخيهم امام امهم مره اخرى .
الى هنا يكون نهايه حديثنا اليوم
ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم
وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda