أخو البنات ( الجزء الرابع عشر )

أخو البنات ( الجزء الرابع عشر )

قبل استكمال احداث قصتنا ، لمشاهده الجزء السابق ( اضغط هنا ) ، توقفنا فيما سبق حينما خرج نور من الحبس واوصلته فجر ووعدها ان يكون سند لها .

بعد ان جلس بسام بعض الوقت مع نور تركه ورحل ليرتاح ، فجلس نور مع امه اميره لتخبره بانها قررت قطع الصله بينها وبين بناتها نهائيه وسوف تعتبر انها لم تنجبهم ، وقررت الا تدخلهم منزلها مره اخرى ، وحينها قال لها نور : لا يا ام نور ، الكلام اللى بتقوليه دا مينفعش ، مش احنا اللى نرمى لحمنا ودمنا ، اخواتى غلطوا مقولناش حاجه بس مش معنى كدا اننا نتبرى منهم ونسبهم ونساعدهم انهم يقطعوا صله الدم اللى بينا .

اميره : بعد كل اللى عملوه يا نور بتقول كدا ، انت متعرفش انا حصرتى فى قلبى قد ايه من اللى حصل منهم ، مفيش وحده فيهم عملتلى او عملتلك اى اعتبار ، محدش فيهم افتكر اللى انت عملته علشان تخليهم يتعلموا وكل وحده فيهم يبقى ليها مستقبل تخاف عليه ، لا يا نور انا قررت واللى كان كان ، حتى لو جم لغايه عندى وباسو رجلى مش هسامحهم ابدا .

نور : لا يا امى ، ليه القسوه دى ، انا عن نفسى مسمحهم ، وبعدين لو طاوعتك فى اللى بتقوليه ، ولما يحين وقتى واقابل ابويا وسئلنى عن اخواتى البنات هقوله ايه ؟

اميره : بعد الشر عنك ، ربنا يطول بعمرك .

نور : يا ستى الحبايب ، لازم بيت ابوهم يفضل مفتحلهم ، لازم لما الدنيا تديهم ضهرها يلاقو بيت ابوهم مستنيهم ، مهو لو جم واحنا صدناهم اكيد سعتها هيتصرفوا غلط اكتر ويمكن سعتها يضيعوا ومنعرفش نلحقهم .

اميره : هما لسه مضاعوش ، هما ضاعوا واللى حصل حصل .

نور : لا يا امى لسه ، بناتك انتى مربياهم كويس ، حتى اسراء اتمسكت باللى اتعلمته ببيت ابوها ومحافظه على نفسها وشرفها ، واسماء يمكن قلبها بقى جاف شويه بس لسه زى ما هيا اختى اللى اتخانقت علشنها بالمدرسه ، ولا انتى نسيتى .

اميره : وهى دى حاجه تتنسى ، اللى تشوفه يا نور ، ربنا يخليك لينا يا رب .

فباس نور يد امه وقال لها : ربنا يخليكى يا ست الحبايب ، انا هقوم انام لان جسمى مكسر اوى وتعبان .

اميره : لا استنى لما اعملك حاجه تكولها .

نور : مش قادر يا حجه ، انا جعان نوم ، لما اصحى باذن الله ابقى اكل .

اميره : روح ارتاح يا حبيبى ، بس عارف بسام دا جدع وراجل اوى .

تبسم نور وقال : من ساعت ما عرفته وهو ديما واقف جنبى ، ربنا يقدرنى وارد جمايله ، يلا اسيبك انا بقى ، وترك نور والدته ودخل ينام .

استقرت الامور بعض الوقت ، كانت فجر تتقابل مع نور اوقات كثيره ، بالطبع لم يستطيع نور العوده للعمل بالمطعم لان صاحب المطعم لا يريد ان يخسر اى زبون بسبب احد العاملين عنده ، اكتفى نور بالعمل فى المستشفى ، فلم يتبقى الا القليل من الوقت ويصبح طبيب ، كانت الايام تمر ، واصبح نور شغل فجر الشاغل ، كانت تستغل اى فرصه للتقرب اليه ، حتى نور اصبح لا يمر عليه يوم دون التحدث معها ، كل واحد منهم كان يحكى للاخر ما فعله طوال يومه ، وكان انشغالهم ببعض سبب انهم نسيوا ان هناك اشخاص قد صمموا ان ينتقموا منهم ، وقبل تخرج نور بشهر واحد حدث ما لم يكن بالحسبان ، فبعد خروج نور من المستشفى ، ذهب لمقابله فجر ، وقضى معها وقت طويل للغايه ، حتى منتصف الليل ،  فكلما يرغب نور بالعوده لمنزله للاطمئنان على امه تظل فجر تلح عليه ليبقى معها لوقت اطول ، كانت تحب البقاء مع والتحدث فى اى شيء ، لم يكن الغرض التحدث وانما تريد البقاء بجواره ، وعاد نور الى منزله فوجد امه بانتظاره ولكن غلبها النوم وهى جاسه ، فاحس نور بالتقصير ناحيه امه ، وقرر الا يعيد هذا الامر مره اخرى ، وقام بايقاظ امه وادخلها لترتاح ودخل لينام ، مر سعتان تقريبا واصبح الساعه الثانيه بعد منتصف الليل ، وفجأه كان هناك خبط مزعج للغايه على باب شقه نور وامه ، كان هناك اشخاص يخبطون لدرجه انهم سوف يكسرون الباب ، قام نور مفزوع واسرع لفتح الباب ، كانوا افراد من الشرطه قد اتوا للقبض على نور ، وسئل الضابط نور : انت نور عامر ؟

نور : ايوه حضرتك انا نور ، فى ايه .

فقال الضابط للعساكر : هتوه .

نور : فى ايه ويخدونى على فين .

الضابط : فى القسم هتعرف ، يلا خدوه .

كانت اميره قد استيقظت هى الاخرى ، وشاهدة الشرطه تاخذ ابنها ، فاخذت تسئل الضابط : انتم وخدين ابنى ليه ، حرام عليكم سبوه فى حاله ؟

لم يجبها احد من الشرطه وتركوها وكانها لم تكن تتحدث معهم ، اسرعت اميره وذهبت الى تليفون نور بغرفته ، واخرجت رقم بسام لتخبره بما حدث مع نور ، وبالفعل طمنها بسام وطلب منها ان تبقى مكانها وهو سوف يذهب ويعرف ماذا حدث وسوف يطمنها .

بعد ذلك اتصلت اميره بفجر لتخبرها ما حدث ، وطمنتها انها سوف تحضر محامى كبير وتذهب معه وسوف تعيد نور لها .

وصل نور الى قسم الشرطه ، ولكن هذه المره كانت المعامله سيئه معه للغايه ، فكانت التهمه الموجهه له تجعل اى شخص يرغب فى معاقبته واهانته ، كان نور متهم بتهمه الاغتصاب ، فهناك ممرضه تعمل بالمستشفى التى يعمل بها نور تم العثور عليها بثياب ممزقه وملقاه باحدى الشوارع الجانبيه ، وحينما وجدها شخص بهذه الحاله اخبر الشرطه وتم نقلها لاحدى المستشفيات ، وحينما افاقت ابلغت ان نور هو من فعل ذلك بها .

تم كتابه المحضر ، وواجه الضابط نور بالتهمه الموجهه اليه ، وطبعا انكر نور كل ذلك الكلام ، وتم وضع نور بالحبس حتى يتم عرضه على وكيل النيابه فى الصباح الباكر .

وصل بسام الى قسم الشرطه وسئل عن نور وعرف ما التهمه الموجهه اليه ، كان الامر مصدم بالفعل ، وبينما كان بسام يحاول ان يرى نور وصلت فجر وكان معها محامى ، وبالطبع بعد ان اطلع المحامى على محضر الشرطه اخبر فجر ان نور وضعه سيء للغايه ، فاعتراف المجنى عليها ضد نور تجعل القضيه صعبه للغايه .

صدمت فجر مما سمعته ، فهى لا تصدق ان نور يفعل ذلك ، وطلبت فجر ان تقابل نور ، فاستطاع المحامى ان يحضر موافقه بلقاء فجر وبسام بنور ، وجلسوا جميعا ، لم يكن نور فى حاله تسمح له بالتحدث ، وظل صامت ، فقال له بسام : انا عارف يا صحبى ان انت عمرك ما تعمل اللى بيقولو عليه دا ، وعارف انت مين واخلاقك ازاى ؟

نور نظر الى بسام وقال : تصدق يا بسام انا نفسى مابقتش اثق فى نفسى .

فجر : تقصد ايه يا نور ؟

نور : انا تعبت من اللى بيحصلى ، وليه انا بيحصلى كدا ، انا خلاص عرفت ان الدنيا انتهت معايا هنا ، كل حاجه راحت .

بسام : ليه اليأس دا ، انت عمرك ما كنت كدا ؟

نور : انت مش واخد بالك يا بسام ، المرادى متوضبه صح .

فجر : انت تقصد صفوان وسامر ، عندك حق انا بردو شاكه فيهم ، بس لو هما انا مش هسبهم ابدا .

نور : كله محصل بعضه ، انا حاسس ان المرادى هما ظبطنها صح ومفهاش غلطه ، وانا احساسى مابخبش ابدا .

بسام : فى ايه يا عم ، ربك كبير وموجود وقادر يخيب ظنهم .

نور : يا رب ، يا رب . 

الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda