احــــــــــــــــــلام ( الجزء التاسع )

احــــــــــــــــــلام ( الجزء التاسع )

قبل استكمال احداث قصتنا ، لمشاهده الجزء السابق ( اضغط هنا ) ، توقفنا قبل كده لما خرجت احلام من عند اسراء وهى خيفه ومرعوبه من كلمها .

احلام فضلت يومين تفكر في كلام صحبتها اسراء ، بس بعد كده رغم انها مقلتش لخطبها ايمن سبب حالتها دى بس هو قدر يخرجها من الحال هدى وعرف ينسيها كل حاجه بكلامه .

فرح احلام قرب خلاص ، ورغم كده لما اتعرض عليها تعمل فيلم وفقت على طول ، وده بسبب ان الفيلم ده كان ببطوله مشتركه مع فنانه كبيره وهى الممثله فاتن ، ودى الممثله اللى طردت احلام من الاستديو لما عملت مشهد في الفيلم بتعها قبل كده .

احلام طبعا وافقت تعمل بطوله الفيلم مش علشان تشتغل مع فاتن وتعرفها انها بقت مشهوره ومهمه ، لا احلام كانت عوزه تهين فاتن زى ما فاتن هانتها زمان ، مكنش فارق الفيلم ده مع احلام خالص .

وفقت احلام ومضت العقد وجه اول يوم تصوير ، المشهد الاول كان بيجمع احلام بالممثله فاتن ، ويدوب فاتن قالت جملتها ولقت احلام قالت : وقفوا التصوير ، الممثله اللى جيبنها اداءها ضعيف اوى ، بصراحه زفت وانا مش هقدر اكمل الفيلم بالشكل ده ، غيرولى الممثله دى مش هصور معاها .

كلام احلام صدم الكل وطبعا اولهم فاتن اللى تاريخها في التمثيل كبير اوى ، هى اصلا مكنتش فاكره احلام ، مش فاكره الموقف اللى عملته معاها ، وكان طبيعى ان فاتن تنفعل على احلام وتزعق وتقول : انتى بتقولى ايه ، انتى مجنونه ، مش عارفه انا مين ، هو علشان عملتيلك فيلمين والناس الهابله نجحوكى تفتكرى نفسك حاجه ، انتى ولا حاجه ، انتى يومين وتتنسى ، انا اللى هطردك من هنا اصلا .

احلام بكل هدوء بصت للمخرج وقالتله : انا قولت اللى عندى ، هقعد في اوضى عشر دقايق ، وتبلغونى بقراركم تمام .

ومشيت احلام وقعدت في اوضتها .

احلام كانت عارفه انها افضل نجمه في الوقت ده بكل المقايس ، وان محدش هيفضل اى واحده تانيه عليها ، علشان كده كانت واثقه ان المخرج والمنتج هيختروها هيا .

فاتن مكنتش مصدقه اللى بيحصل معاها ، واتكلم معاها المخرج وقالها : انا مش فاهم يا فنانه ايه اللى حصل وليه هى عملت كده ، بس حضرتك عارفه ان يوم التصوير عندنا بفلوس ودى فلوس ناس .

فاتن : وانا اللى معطلاكم يعنى علشان تقولى كده ؟

المخرج : لا يا فنانه طبعا حضرتك مش موقفه حاجه ، بس اكيد في حاجه بينك وبين الاستاذه احلام وياريت تتصافوا .

فاتن : مين احلام دى علشان يبقا بينى وبنها حاجه ، انت نسيت انا مين ولا ايه ؟

المخرج : حضرتك فنانه كبيره وفوق راسنا كولنا ، بس انا شايف انك تروحيلها وتتفهمى معاها ، وده طابعا من كرم اخلاقك علينا و .....

قطعت فاتن كلام المخرج وقالتله بعصبيه : انا اروحلها ، عوزنى انا فاتن نجمه مصر اروح للجربوعه دى ، انت نسيت انا مين ولا ايه ؟

المخرج : لا منستش يا فنانه ، بس الجربوعه دى هى اللى وكله السوق دلوقتى والناس طلباها ، حتى المنتج اللى صارف على الفيلم طلبها هى بالاسم ، وانا اللى مرشحك قدمها علشان عارف ان حضرتك معندكيش شغل الفتره اللى فاتت ، هى دى حال الدنيا يا فنانه ، اليومين دوول بتوعها هيا ، وحضرتك بقالك فاتره مختفيه من الساحه والناس كده هتنساكى ودى فرصه كويسه انك تعملى حاجه ترجعك للشغل تانى ، انا قلبى عليكى يا فنانه ، قولتى ايه ؟

سكتت فاتن ثوانى كانت بتفكر في كلام المخرج ، مهى احوالها من فتره مش كويسه ، هى مبقتش مطلوبه زى الاول ، لا الحقيقه هى مبقتش مطلوبه خالص بقالها فتره ، واحلام كانت مسيطره على كل الافلام تقريبا .

احلام كانت في اوضتها ، وسمعت خبطه على الباب ، فقالت للمساعده بتاعتها شوفى مين .

فتحت المساعده بتاعتها الباب ولقت ان فاتن اللى واقفه ، وشورتلها احلام انها تدخلها ودخلت فاتن وهى في حاله انكسار وحصره على اللى وصلتله .

قعدت فاتن قدام احلام وقالتلها : انا مش عارفه انتى بتعملى معايا كده ليه ، انا ليا اسمى وتاريخى في السوق والشغلان هدى ، ولو كنت ضايقتك بدون قصد فانا بعتذر .

احلام وعلى ملامحها الصدمه من كلام فاتن لانها مش فاكره هى عملت فيها ايه قبل كده ، وانفعلت احلام وقالتلها : بكل سهوله وبساطه تقولى متعرفيش عملتى معايا ايه ، وبتعتذرى لو عملتى حاجه بدون قصد ، لا يا فنانه مش انا الشريره انتى الشريره ، مش فاكره لما كنت واقفه قدامك وعملت مشهد واحد بس ، ولما عملته كل الموجودين صقفولى على المشهد ده ،  وجيتى انتى بكل جبروت وطردتينى من المكان كله وده كله ليه علشان مظهرش في الفيلم وتمنعى موهبتى ، اهوه يا فاتن شفتى انتى بقيتى فين وانا بقيت فين .

افتكرت فاتن كلام احلام فعلا ، وبعد كده قالت : افتكرت ، وبعتذر انى عملت معاكى كده ، انا اسفه .

مكنش سهل على فاتن انها تعتذر ، بس للاسف هى محتاجه تمثل في الفيلم ده ، علشان كده كان لازم تعتذر لاحلام .

احلام : مش كفايه .

فاتن : شوفى ايه اللى يرضيكى .

احلام : تبوسى ايدى علشان اسمحك .

اتصدمت فاتن من كلام احلام ، ازاى تطلب منها كده ، لا وكمان مدت احلام ايديها علشان فاتن تبوسها ، ومن غير ما تاخد بالها فاتن شورت احلام للمساعده بتاعتها علشان تصور فاتن لما تبوس ايديها .

فاتن فضلت تفكر في كلام احلام ، وتفكر في نفسها وحالها ، ورغم احساسا بالزل والمهانه الا انها وافقت تبوس ايد احلام ، ووطت فاتن وباست ايد احلام فعلا ، وصورت مساعده احلام فاتن وهى بتبوس ايد احلام .

احلام : اهو انا دلوقتى مسمحاكى ، تقدرى تخرجى وتروحى بيتك .

فاتن : مش فاهمه تقصدى ايه .

احلام : اقصد انك تمشى وتحفظى كرمتك وتروحى بيتك ، انتى مش هتشتغلى في الفيلم ده ، او في اى فيلم تانى اصلا .

فاتن وهى منفعله : ازاى اللى بتقوليه ده انتى وعدتينى .

احلام بكل هدوء : انا وعدتك انى اسمحك ، وانا سامحتك خلاص ، بس مش هتشتغلى معايا ، يلاق ومى واطلعى بره بدل ما اخلى الامن يطردك .

فضلت فاتن تزعق لاحلام وتصرخ في وشها ، بس احلام شورت للمساعده بتاعتها تخرجها وفعلا خرجتها ، وكانت فاتن بتقول لاحلام ربنا ينتقم منك .

طبعا احلام حققت كل اللى عوزاه ، مش بس كده بعتت صوره فاتن وهى بتبوس ايديها واتنشرت الصوره على كل مواقع التواصل الاجتماعى وفى معظم الصحف المحليه وكانت ترند ، بس الصوره معجبتش كل الناس في اللى كان شمتان في فاتن ، وفى اللى مستعيب ان هى تبوس ايد احلام ، وفى اللى شاف احلام انها بقت مفتريه وظالمه .

طبعا كالعاده الناس فضلت فتره تتكلم عن الصوره بس بعد كده نسيوا ، وكان كلام الناس على فرح احلام ، احلام عملت فرحها على ايمن بشكل ملفت ، كان فرح ضخم اوى وكل الناس اتكلموا عنه ، كان حديث الوسط الفنى كله وكل المواقع اتكلموا عنه طبعا وكل الصحف والموضوع فضل يومين ترند .

عاشت احلام مع ايمن ايام كانت شيفاها اسعد ايام حيتها ، ايمن كان مسخر كل وقته علشان يسعدها ، وبعد ما خلص شهر العسل كملت احلام شغلها مع ايمن ، وحقق ايمن من شغله معاها مكاسب ضخمه .

الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda