احـــــــــــــــــــــــلام ( الجزء السادس)
 |
احـــــــــــــــــــــــلام ( الجزء السادس) |
علشان نفهم اللى حصل وليه ايهاب كتب ان الجثه المشوه بتاعت الممثله
الصاعده احلام ، لازم نعرفكم مين هو ايهاب ، هو صحفى بيعشق الدعايا وشايف ان
الصحفى الشاطر هو اللى يشد القراء ليه بالاخبار اللى بيكتبها ، مش مهم الخبر صدق
ولا كدب المهم ان الخبر يعمل رجه والناس كلها تتكلم عنه .
ايهاب كان شايف ان موضوع الممثله احلام كان ترند لفتره كبيره ، ورغم
انه كتب عنها بس مهتمش ناس كتير باللى كتبه ، وده بسبب ان في صحفين كتير اوى
بيكتبوا عنها ، سعتها فكر ايهاب انه يعمل سبق صحفى وفعلا لما عرف بخبر الفتاه
المقتوله وان الشرطه لسه متعرفتش على شخصيتها ، فكر ايهاب انه يقول ان البنت المقتول
هدى هى نفسها احلام الممثله ، ولما عمل كده الخبر بتاعه اصبح ترند ، وللاسف كل
الصحفين خدوا منه الخبر من غير ما حد يفكر فيهم انه صح ولا خطأ ، وخبر موت احلام
بقا حديث كل الناس في كل مكان .
الخبر ده فضل مستمر يومين كاملين ، لغايه لما نزل خبر تانى يقول ان
الشرطه اتعرفت على شخصيه البنت المقتوله ومطلعتش الممثله الصاعده احلام ، وطبعا
الخبر ده بقا ترند هو كمان ، وفضلت احلام ترند لفتره كبيره اوى ، كل يومين تطلع
عليها اشاعه ، والخبر ينتشر وبعد يومين يطلع تكذيب للخبر وهكذا ديما .
في الوقت ده احلام كانت زى ما قولنا شغاله مع عم سلامه ، وفضلت الناس
تتكلم عن اختفاءها شهور وهى ولا هنا ، وكانت عيشه عيشه فقيره رغم ان الجوايز
والعائد المادى ليها عند منتج الفيلم كبير ، لانه حط مكفأه كبيره لاحلام نظير نجاح
الفيلم وانه حققله ملايين الجنيهات .
في يوم كانت احلام في شغلها عادى ، وكان في شاب قاعد في موقف العربيات
اللى شغاله فيه احلام ، وشفها وهى بتقدم طلبات اكل للزبائن ، طبعا هو لما شافها
افتكر انها وحده شبها بالظبط ، قال في عقله انها تؤمها ، فراح مطلع تليفونه وصور
احلام من غير ما تاخد بالها ، وكتب تحت الصوره شبيه الممثله احلام وكتب العنوان
اللى هى فيه ، ونزل الصوره على مواقع التواصل الاجتماعى .
بعد كام ساعه الخبر اتنشر في كل حته ، الناس كلها اتكلمت عن شبيه
احلام ، فطبعا ايهاب لما شاف الصوره قرر يروح للعنوان اللى مكتوب على الصوره بسرعه
ويحاول يجيب خبر يبقا ترند عن شبيه احلام .
راح ايهاب فعلا لموقف العربيات ، بس الليل كان حل على المكان ، وروح
عم سلامه وام الخير واحلام طبعا ، بس ايهاب مسكتش ، فضل يسأل الناس اللى شغلين في
موقف العربيات عن شبيه احلام بالصوره اللى نشرها الشاب قبل كده ، وبعد لما داخ
السبع دوخات واحد داله على بيت عم سلامه وعرفه انها شغاله معاه .
راح ايهاب لبيت عم سلامه ، وخبط على الباب وكان الوقت متأخر ، وفتحله
عم سلامه الباب ، وطلعله صوره شبيه احلام وسأله عنها ، فعرفه عم سلامه اوضتها ،
وفضل يخبط ايهاب على باب اوضه احلام لغايه لما صحيت احلام من النوم وفتحت باب
الاوضه .
اول لما فتحت احلام باب الاوضه وشافت ايهاب كان طبيعى تسأله وتقوله :
انت مين ؟
بس ايهاب مردش ، مهو لما شاف احلام لقاها فعلا شبيهه اوى باحلام
الممثله ، وكأنها هيا ، طبعا هو مش حاطت في دماغه انها فعلا هى احلام الممثله .
ايهاب فضل ساكت ، وسعتها احلام سألته مره تانيه : انت مين ، وعاوز ايه
؟
ايهاب : انتى اسمك ايه ؟
احلام: انت جاى الوقت المتأخر ده ، وتخبط على بيوت الناس علشان تسألهم
اسمك ايه ؟
ايهاب : لا والله ابدا ، انا بس متوتر شويه ، اصلك شبهها الخالق
الناطق .
احلام : شبه مين مش فاهمه ، وانت مين اصلا ، شكلك حرامى ولو متكلمتش
بسرعه هصرخ والم عليك الناس ، ودى منطقه شعبيه يعنى هيموتوك ضرب .
ايهاب : لا مفيش داعى الموضوع مش مستاهل ، انا هقولك ، انا ايهاب ،
صحفى شغال على اخبار النجوم .
احلام استغربت من كلام ايهاب ، لو هو صحفى ايه اللى جابه عندها ،
فقالتله : تشرفنا يا سيدى ، قولى انت عاوز ايه ؟
ايهاب : انتى تعرفى الممثله احلام ؟
احلام : الممثله احلام مين ؟
ايهاب : بطله فيلم سراب .
احلام اتفجأه من كلام ايهاب ، هى مش فاهمه في ايه ، وليه ده جاى يسأل
عنها .
احلام : اه اعرفها ملها يعنى ؟
ايهاب : انتى شبهها الخالق الناطق ، لو رضيتى اعمل معاكى مقابله صحفيه
، بما انك شبيه اشهر ممثله في مصر دلوقتى ، وكل الناس بتتكلم عنها ، انا هديكى
مبلغ محترم اوى لو وافقتى على طلبى ده ؟
احلام : هى مين اللى اشهر ممثله في مصر ؟
ايهاب : احلام طبعا .
احلام : انت شكلك مجنون ، احلام دى معملتش غير فيلم واحد وفشل وسابت
التمثيل اصلال .
ايهاب : فشل ايه ، انتى شكلك نايمه على نفسك ومتعرفيش حاجه ، دا
فيلمها مكسر الدنيا جوه مصر وبره مصر ، انتى متعرفيش انها وخده 3 جوايز في 3
مهرجنات بره مصر لغايه دلوقتى ، وهى مختفيه من فتره والناس كلها بتدور عليها ، دى
حديث الناس من شهور ، وكل الناس بيستنوا يسمعوا عنها اى خبر .
احلام مكنتش مصدقه كل اللى بتسمعه ، مش قدره تستوعب كلام ايهاب نهائى
، حاسه كانها بتحلم ، مهو كلام ايهاب عن اللى وصلتله احلام صعب انها تصدقه بالسهول
هدى ، بس وليه لاء ، ماتصدقه وتعيش الفرحه ، حتى لو حلم يبقا تفضل فيه ومتصحاش
ابدا .
احلام : انا مش شبيه احلام ، انا احلام نفسها .
ايهاب بسخريه : متشتغلنيش ، قولتلك هديكى مبلغ حلو ونعمل المقابله
وهنقول انك شبيهتها ، لكن لو قولنا انك احلام الدنيا هتتقلب علينا سعتها .
احلام : انا اسمى احلام صالح ، كنت بدرس في معهد التمثيل ، وعملت فيلم
واحد اسمه سراب ، ومخرج الفيلم اسمه سامح .
ايهاب : دى معلومات اى حد عرفها ، متضيعيش وقتى هنعمل المقابله على
انك شبيه احلام ، ولا اسيبك وامشى ؟
احلام : استنانى هنا لحظه .
دخلت احلام في اوضتها ، وفتحت شنطه ايديها ، وطلعت منها بطاقتها
الشخصيه ، وراحت لايهاب واديتله البطاقه وقالتله : خد شوف لو مش مصدقنى ؟
مسك ايهاب بطاقه احلام وقراء البيانات اللى فيها ولقا ان فعلا هى
احلام صالح ، ايهاب مكنش مصدق نفسه ، مقول كان رايح يدور على وحده شبه احلام
الممثله يعمل معاها لقاء الناس تتكلم عنه ، يلاقى نفسه فاجأه قدام احلام الممثله
نفسها ، حس ايهاب سعتها انه وقع على كنز ، مهو لو هو اللى اظهر احلام وكتب اللى
حصلها سعتها هيحقق نجاح وشهره وفلوس كتير اوى وهيبقا اشهر صحفى بمصر كلها ، علشان
كده قرر ينتهز الفرصه اللى جت قدامه دى باى شكل ، لازم يستغل الموضوع ده باحسن
طريق توصله للشهره .
ايهاب : عاوز اقعد معاكى يا فنانه ، عوزين نقعد نتكلم في كل اللى حصل
معاكى من ساعه ما اختفيتى لغايه دلوقتى .
احلام : موفقه بس بردو عوزه اعرف كل حاجه حصلت معرفهاش ، ازاى بقيت
مشهوره اوى كده ، والفيلم اللى فشل ازاى نجح بالشكل ده ، عوزه اعرف كل حاجه
معرفهاش .
ايهاب : اتفقنا بس عندى شرط ؟
احلام : شرط ايه ؟
ايهاب : ابقا الصحفى بتاعك ، انا اللى انشر كل اخبارك وانفرد بيها .
احلام : هو انا بقيت مشهور اوى للدرجادى ؟
ايهاب : فوق ما تتخيلى ، قولتى ايه موفقه على شرطى ؟
احلام : موفقه ، اتفقنا .
الى هنا يكون نهايه حديثنا اليوم
ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم
وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda