المساخيط ( الجزء السادس )
 |
المساخيط ( الجزء السادس ) |
بعد مرور اسبوع على الجواز كان الكل قاعد بيفطر ، وسعتها سليم اتكلم وقال :
ايه يا كرم مش هنبداء الشغل ؟
ضاحى رد عليه وقاله : شغل ايه يا سليم ، مستعجل على ايه ؟ وبعدين اللى كرم
عمله من اسبوع غيره معرفش يعمله فى سنين .
كرم : تحبوا نبتدى الشغل امتى ؟
سليم : النهارده لو تقدر ، اصل لقيت اتنين رجاله بيتكلمه بالصدفه وبيقولوا
ان اللى حصل من اسبوع مجرد صدفه ومش هتكرر .
كرم : هو شغلنا فيه صدفه يا نسيبى ؟
ضاحى : خد وقتك يا كرم لما تحب تشتغل هنكون مستنينك .
كرم : النهارده يا كبير هتسمع خبر حلو اوى علشان سليم ميقولش ان اللى حصل
قبل كده صدفه بس عوزك يا سليم تكون معايا علشان تتاكد بنفسك انها مش صدفه .
سليم : ماشى كلامك .
بعد ساعتين اتحرك كرم وسليم وكام راجل للمكان اللى كرم شافه قبل كده ، وطلب
كرم منهم انهم يفحتوا وفعلا بداءو الحفر .
بعد وقت مش طويل الرجاله لقوا باب المقبره فعلا ، ولما فتحوها لقوا فيها
كنز لا يقدر بثم ، دهب وتماثيل والاهم تماثيل بحجم الانسان العادى مطليه بالدهب
وبحاله فوق الممتازه .
الخبر لما وصل لضاحى كان فى قمه السعاده لدرجه انه راح لمكان المقبره بنفسه
يتفرج عليها .
ولما شاف الكنز مسك كرم من درعاته وقاله : انا النهارده لقيت كنزين مش كنز
واحد ، الاول اللى فى المقبره ، والتانى يبقى انت .
كرم : كنت شاكك فيا يا كبير ولا ايه ؟
ضاحى : من اول يوم عينى لمحتك كنت عارف انى لقيت اللى كنت بدور عليه .
سليم : مش اوى كده يا كبير الا تمرعه علينا .
ضاحى : لاء يا سليم كرم مننا دلوقتى وواخد حته مننا ومقامه عندى زى مقامك
بالظبط .
سعتها كرم وسك ايد ضاحى ووطى وباسها وقال : ربنا العالم ان انت عندى بمقام
ابويا الله يرحمه .
اترسمت على وش ضاحى ابتسامه خفيفه وعينه جت فى عين سليم اللى بصله بنفس
الطريقه .
سليم : انت هتصهر معايا الليله دى يا كرم .
كرم : لا يا سليم انا مابحبش اتأخر على رحاب .
سليم بسخريه : انت بتخاف ولا ايه ، هتنام زى الفروج ههههههه .
ضاحى : اتحشم يا سليم ، كرم ملهوش فى سهراتك دى .
سليم : ماشى يا كبير اللى تشوفه .
ضاحى يلا بينا ورانا معاد مهم ، وكرم هيجى معانا .
كرم : ميعاد مع مين يا كبير ؟
ضاحى : لما هتيجى هتعرف .
سليم : انت هتجيبه معانا يا كبير ؟
ضاحى : ايوه كرم خلاص من العيله .
كرم : انا مش فاهم حاجه .
ضاحى : بعد شويه هتفهم ماتقلقش .
راح كرم مع ضاحى وسليم ركبوه عربياتهم وراحوا لمكان خارج قريه ارض المساخيط
، كان المكان عباره عن فيلا كبيره ضخمه ولما دخلوا فيها قابلو شخص بملامح غربيه
كان راجل فى الخمسين من عمره ، شعره لونه اشقر وعيونهملونه وهيئته توحيلك انه مش
مصرى .
قعد كرم مع سليم وضاحى والراجل الغريب .
سأل الراجل الغريب عن كرم وضاحى عرفه انه جوز بنته وشغال معاهم .
ضاحى قال ل كرم : ده يبقى الخواجه اللى بياخد مننا المساخيط يا كرم .
الخواجه بيكلم كرم باللغته العربيه المكسره : اكيد ضاحى بيحبك اوى يا كرم
علشان جابك لغايه هنا وعرفك عليا .
كرم : القلوب عند بعضيها يا خواجه .
ابتسم الخواجه وقال ل ضاحى : ايه جايب معاك حاجه جديده ؟
ضاحى بص ل سليم اللى كان معاه شنطه ايد وفتحها وطلع منها تمثالين وحطهم
قدام الخواجه اللى مسك التمثالين وهو فى قمه الانبهار وقال : ايه الاعجاز ده يا
ضاحى ؟ جبت منين التمثالين دوول ؟
ضاحى : مقبره جديده يا خواجه لسه فتحنها النهارده .
الخواجه : فيها كتير من التماثيل ديه ؟
سليم : كتير اوى يا خواجه وفيها تحف تانيه كتير .
الخواجه : انا اشتريت .
شاور الخواجه لواحد من رجالته اللى راح وجاب شنطه كبيره وفتحها وجواها
دولارات كتير اوى ، حاجه كده تتوه فى عدها .
الخواجه : خد يا ضاحى ده العربون ولما اخرج اللى جوه المقبره بره مصر سعتها
اجبلك باقى حقك زى ما هيقيموها الجماعه اللى بره .
ضاحى : اللى عندك يزيد يا خواجه .
بعد ما خلص ضاحى واللى معاه قعدتهم مشيوا وخدوا معاهم الفلوس طبعا .
بعد ما وصل ضاحى القريه سليم قال : هروح انا يا كبير اكمل سهرتى .
وبص سليم ل كرم وقاله : ايه مش هتيجى يا كرم ؟
كرم : لا مش جاى ، انا مليش فى سهراتك .
سليم :على العموم لو غيرت رأيك هتلقينى فى المكان اللى بسهر فيه فى الناحيه
القبليه .
كرم : ريح نفسك مش رايح .
مشى سليم يكمل سهرته زى ما قال ، وكرم هو كمان استأذن وطلع اوضته ، وضاحى
راح اوضته هو كمان .
تانى يوم وقت الفطار ضاحى وكرم ورحاب كانو حضرين ، فسأل ضاحى عن سليم فرد
عليه واحده من الخدم وقالتله ان سليم مابتش فى البيت من امبارح .
سعتها ضاحى قال : اكيد راحت عليه نومه ، خلى واحد من الرجاله اللى بره يروح
يشوفه ويقوله يجى .
خلص ضاحى الفطار وهما قعدي نجه واحد من الرجال ل ضاحى وقاله : يا كبير روح
اشوف سليم بيه زى ما انت قولت بس روحت وملقتش حد هناك خالص .
ضاحى : غريب هده ، انتم هتقلقونى ليه ، اطلع خد عشر رجاله يقلبوا البلد
عليها وطيها لغايه لما توصلوا لسليم انت فاهم .
مشى الراجل ينفذ اوامر ضاحى .
وبعدكام ساعه جم كل الرجاله علشان يقولوا لضاحى : ملقناش اى اثر ل سليم .
سعتها ضاحى لونه اتخطف وزى ما يكون حس بحاجه وقال ل كرم اللى كان واقف : مش
عارف ليه حاسس انى مش هشوف ابنى سليم تانى .
يمكن يكون مجرد جمله قالها ضاحى ، بس ده اللى حصل فعلا ، مر اسبوع من ساعه
لما اختفى سليم وراح يسهر سهرته ومرجعش تانى من ساعتها .
اما ضاحى فحالته النفسيه والصحيه تدهوره لدرجه انه وقع مره واغمى عليه ولما
كشف عليه قال انه للاسف اتعرض لجلطه افقدته القدره على النطق بشكل سليم واثرت على
الحركه بتعته وعلى ايده اليمين اللى بقت شبه مشلوله .
اما بالنسبه للشغل فكان طبيعى ان كرم يحل محل ضاحى فى كل الامور لانه جوز
بنته الوحيده وخصوصا ان سليم مختفى تماما ومحدش عارف او فاهم هو راح فين وكان
اختفاءه لغز لكل الموجودين .
الى هنا يكون نهايه حديثنا اليوم
ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم
وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda