المساخيط ( الجزء السابع والاخير )

 المساخيط ( الجزء السابع والاخير )

قبل استكمال احداث قصتنا ، لمشاهده الجزء السابق ( اضغط هنا ) ، توقفنا فى الجزء السابق لما اختفى سليم واتشل ضاحى نتيجه الصدمه .

سيطر كرم على كل حاجه فى القريه ، وكان هو اللى بيقابل الخواجه ويديله المساخيط ، وكل حاجه كانت ماشيه تمام لغايه لما حصل حاجه مكنش متوقعها .

كان كرم قاعد فى اوضه المكتب بتاعت ضاحى ، كانت الساعه 2 بعد نصف الليل والبيت فى سكون تام ، وعيون كرم كانت بتغفل وهو قاعد على كرسى المكتب ، وفجأه اتفزع لما لقى قدامه وحده قعده وكان شكلها مخيف .

كانت عباره عن سيده ف الثلاثين من عمرها تقريا ، لبسه بنطلون اسود جلد وتشرت جلد اسود ايضا ، كان عيونها واسعه ورموشها طويله ولون عيونها سوداء ، حتى ضوافرها مدهونه بمنوكير اسود ، وشعرها الطويل الناعم الاسود .

كانت جالسه ووضعه احدى رجليها على الاخرى وبنظره يمتلئها ابسامه مخيفه بعض الشيء .

كرم بفزع : انتى مين ؟ ودخلتى هنا ازاى ؟ وفين الحراسه اللى موجوده حولين البيت ؟

فردت الست الغريبه وقالتله : اهدى اهدى يا كرم ، مالك خايف من ايه ، انا مش جيه ونويه على الازيه ، احنا حبايب بس ان مش واخد بالك .

كرم : انتى مين ؟

فردت السيده وقالت : انا اسمى اغواء .

كرم باستغراب : اغواء ، اسمك اغواء ، ايه الاسم الغريب ده انا اول مره اسمعه .

اغواء : لا اتعود عليه علشان هتسمعه كتير الفتره اللى جيه .

كرم : انتى دخلتى هنا ازاى ؟ وعوزه ايه ؟

اغواء : انا بدخل اى مكان ومحدش يقدر يمنعنى ، او ممكن نقول محدش يعرف يمنعنى .

اما عوزه ايه فانا هقولك طبعا عوزه ايه ، انا عوزه منك مقابل اللى ادتهولك .

كرم وهو مستغرب الكلام ومش فاهمه : مقابل ايه ؟ هو انتى اتدينى ايه ؟ هو انا اعرفك اصلا انا اول مره اشوفك كانت اللحظه اللى احنا فيها ديه .

اغواء : توء توء كده انا ازعل منك ، انت عرفنى كويس يا كرم يا حبيبى ، يمكن اول مره تشوف شكلى ، ده لو كان شكلى الحقيقى اصلا ، بس احنا نعرف كويس اوى يا حبيبى .

اما انا اديتك ايه فانا اديتك كتير اوى ، الا قولى يا كرم يا حبيبى انت ازاى بتعرف ماكان الاثار ، ولا اقولك المساخيط ؟

كرم بتوتر : وانتى مالك ازاى بعرفهم ، دى موهبه من عند ربنا .

ضحكت اغواء ضحكه عاليه ومخيفه وقالت : انا اقولك بتعرف ازاى ، انت بتنام وبتحلم بمكان المقابر ، مره تحلم بقطه سوده ضخمه زى دى ، وفجأه اتحولت اغواء الى قطه سوده ضاخمه زى اللى شفها كرم فى حلمه قبل كده ، وسعتها فزع كرم اكتر ورجع لوره ووقع على الارض من الخضه والخوف ، وبعدين رجعت الى شكلها مره تانيه وكملت كلمها وقالت : وكل مره بتشوف حلم كنت انا اللى بوريك الحلم ده يا كرم .

ولا انت كنت متخيل انك ورثت الموهبه من ابوك الشيخ خلف ، اه نسيت اقولك صحيح حاجه بخصوص ابوك الشيخ خلف هو مكنش موهوب ولا حاجه انا اللى كنت بوريه اماكن المقابر وهو كان بيقول حاضر ونعم ولم بطل يقول حاضر ونعم قلبت عليه وسعتها اتقتل زى ما وريتك فى الحلم قبل ما تيجى القريه .

ولا تحب احكيلك ازاى قتلت سليم علشان تنتقم منه علشان قتل ابوك ، طيب انا هحكيلك واهو احنا بنتسلى .

اسمع يا سيدى ، سليم طلب منك تروح تسهر معاه فى الجانب الغربى بس انت رفضت قدام حماك ضاحى بس الحقيقه انك روحتله فعلا بس بعد ما كل اللى معاه مشيوه وسابوه وكان هو سكران ، ولما شافك فضل يتكلم معاك ويعتذرلك على معاملته الوحشه ليك وانتم كنتش شايف غير دم ابوك اللى على ايده وفى لحظه مكنش منتبه ليها ضربته بحجر على دماغه فوقع وفضلت تضرب فوق دماغه بالحجر لغايه لما غيرت ملامحه من الضرب .

وخدته وروحت للمقبره اللى انا ورتهالك اللى سليم دفن فيها ابوك الشيخ خلف ودفته جوه المقبه وعلشان كده محدش عثر عليه لغايه دلوقتى .

كرم : انتى كدابه ومفيش حاجه حصلت من الكلام ده .

اغواء : كده مش حلو ، وممكن ازعل ، ولو زعلت ههد المعبد فوق دماغك زى ما حصل مع ابوك قبل كده .

كرم : اعلى ما فى خيلك اركبيه ، انا خلاص مش محتاج حاجه ، اقولك روحى اشربى من البحر .

اغواء لون عيونها بقت احمر وفى ثوره من الغضب جبته لنفسك يا ابن خلف ، ابقى سلملى على ابوك ، وفجأه اختفت اغواء من غير ما يعرف كرم ازاى ، هى ظهرت فجأه واختفت فجأه .

السبب انه شايف ان محدش مسببله خوف او قلق حتى لو قتله ل سليم اتعرف ، سليم مات وضاحى مشلول ورحاب مراته ضعيفه ، ففكر ليه يحط نفسه تحت رحمه كائن زى اغواء علشان كده كان رد فعله زى ما شفنا .

بس كرم مكنش حاسبها كويس ، اغواء عملت فيه زى ما عملت فى ابوه قبل كده لما كانت بتورى سليم احلام وهو بيقتل الشيخ خلف .

اغواء خلت ضاحى يحلم ازاى كرم قتل سليم ودفنه فين ، ولما صحى ضاحى من الحلم طلب واحد من رجالته المخلصين وبصعوبه قاله انه يروح للمقبره اللى اتدفن فيها الشيخ خلف يفتحها ويشوف فيها ايه ويجى يقوله ، طبعا ضاحى كان لسانه تقيل بس عرف يقول الكلام .

وفعلا اتاكد ضاحى من حلمه وكان مصدوم لدرجه مش متقبل الامر وسعتها طلب من الراجل بتاعه انه يضرب كرم بالنار .

فعلا كرم كان بيتابع الشغل وكان واقف ومخدش باله ان فى واحد متربصله ومن مسافه بعيده ضربه عيار نارى واستقرت الرصاصه فى قلب كرم اللى مات فى ساعتها .

ضاحى ماعش بعد كده فتره كبيره ، مستحملش يعيش بالشكل اللى هو فيه ، اما بالنسبه لرحاب فكل اللى سابه ضاحى كان مطمع للى حوليها من رجالته واهل القريه اللى كان ظالمهم ومن خوفها منهم كلهم فى احدى اليالى هربت رحاب لمكان محدش يعرفه حتى وقتنا الحالى وانتهت قصه ارض المساخيط للابد واتغير اسم القريه باسم تانى .

الى هنا يكون نهايه روايتنا ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda