ملحمه بنت الصعيد ( الجزء الخامس )
 |
ملحمه بنت الصعيد ( الجزء الخامس ) |
كمل حكم كلامه وقال : افضل مكان ممكن نحارب
فيه الانجليز وننتصر عليهم هو مكان نكون احنا فيه فى مكان عالى وهما فى مكان واطى
سعتها هنقدر نصطادهم زى الدبائح .
ماهر : انت تقصد منطقه باحه الجبل .
حكم : الله ينور عليك يا ماهر ، ده افضل مكان
ارض واسعه كبيره تاخد الجيش الانجليزى وحوليها صخور كبيره تنفع نستخبى وراها
ونصطادهم كويس .
ماهر : هنستدرجهم للمكان ده ازاى يا حكم ،
ازاى نضمن انهم هيروحو فيه ؟
حكم سكت ثوانى وبعدين قال : هما جيين هنا ليه
؟
ماهر : علشانك .
حكم : فلما اظهر قدمهم وبعدين اهرب اكيد
هيتبعونى صح ؟
ماهر : صح بس ده خطر عليك يا سيد الجبل .
حكم : الخطر محاوط الرجاله اشمعنا انا اللى
هبقى فى امان ؟
ماهر : علشان انت سبب ان الرجاله بتقف قدام
الانجليز يا سيد الجبل .
حكم : اي خطه لازم يبقى فيها مخاطره يا ماهر
، عندك بديل ؟
ماهر سكت ومتكلمش .
حكم : يبقى نتوكل على الله .
ماهر : طيب لو هما فعلا وصله للمكان اللى
احنا عوزينه ، فرق العدد كبير حتى لو المكان لصالحنا ، فرصتنا الوحيده الالغام
والمتفجرات .
حكم : اصبر لسه جيلك فى الكلام ، ميزه المكان
اللى انا اختره مش بس علشان هنبقا ركبين الجبل فوقيهم ، لا هناك كمان حاجه تانيه ،
احنا هنجهز المكان لصالحنا ، هنحط فيه الغام ومتفجرات .
ماهر : ايه فيده الالغام لو مش عرفين ازاى
نجهزها ونستعملها هى والمتفجرات ؟
حكم : لو صبر القاتل على المقتول كان مات لوحده
، اسمع يا ماهر احنا دلوقتى معندناش حد بيفهم فى تجهيز الالغام والمتفجرات ودى
مشكله بسهو اللغم او الدناميت لو انضرب عليه رصاصه مش هيتفجر ؟
ماهر : لاء طبعا هيتفجر ، بس مين هيقدر يصيب
اللغم من مسافه بعيده ؟
حكم متكلمش بس ابتسم بس .
سعتها ماهر افتكر ان لو فى حد فى الدنيا
هيقدر يعمل كده هيبقى اكيد سعتها هوحكم ، فابتسم ماهر وقال دماغك دى تتاقل بالدهب
يا سيد الجبل .
حكم : هنحط الالغام والمتفجرات وهعرف مكنها
كويس وسعتها هقدر اصبها من اى مكان وسعتها يبقى استخدمناها .
ماهر : الله ينور يا سيد الجبل .
حكم : هنوزع رجالتنا حولين ارض المعركه كويس
، ولازم محدش يشوفه علشان الكمين يبقى مظبوط ، ونتوكل على الله اكيد ربنا هيوفقنا
.
فضل حكم واللى معاه يتكلموا فى الخطه لغايه
لما اتفقوا على كل حاجه وكل اللى كان مطلوب تتنفذ الخطه بالظبط علشان تنجح .
فعلا اتحطت الالغام عن طريق حكم اللى عرف
مكنها كويس وحفظ مكنها علشان يقدر يصبها بكل سهوله فى الوقت المناسب .
وكل رجاله حكم اتوزعوا فى الاماكن اللى
اخترها حكم وكل راجل فيهم عارف هيعمل ايه .
اما حكم فاختار لنفسه مكان كويس اوى يقدر منه
يصيب الالغام والمتفجرات وكان معاه ماهر واتنين رجاله تنين مهمتهم يعمروا البنادق
لحكم علشان يصيب الاهداف بسهوله .
بس الاول كان حكم لازم يكون الطعم اللى
هيستدرج بيه الجيش الانجليزى لمكان المعركه .
حكم كان عنده اللى بيعرفه تحركات الجيش
البريطانى اول باول ، وكان لازم علشان يستدرج الجيش لازم يستفزه ، كان فى مقدمه
الجيش العربيات المكشوفه ووراهم العساكر المشاه وبعض المدافع الصغيره المتحركه ،
حكم كان بيظهر على بعد مسافه كبيره وبسلاحه يقتل عسكرى او اتنين او حتى واحد من
الضباط وبعدين يهرب مايستمرش ، طبعا العربياتكانت بتحاول تلحقه ، بس حكم اللى كان
راكب حصان افضل فى الطرق الغير ممهده وكان بيقدر يهرب منهم بس مكنش يبعد كتير
علشان يقدروا يتعقبوه ويوصل بيهم لمكان الكمين .
الموضوع مكنش سهل ، الخطر كان محاوط حكم ،
كان ممكن يتمسك وسعتها كل الخطه هتفشل والمعركه هتنتهى من قبل ما تبداء .
الجيش كان بيتعقب حكم اللى كان بيسيب وراه
اثر ليه وعلمات على خط سيره علشان يوصل بالجيش لمنطقه باحه الجبل وفعلا فى النهايه
نجح حكم انه يحقق ده .
وصل الجيش فى باحه الجبل ، ومحدش من افراد
الجيش انتبه للرجاله اللى مستخبيه ، وكان الاتفاق بين حكم والرجاله انهم يهجموا مع
اول انفجار يحصل ، لما يبتدى حكم يصطاد الالغام والمتفجرات بالبندقيه وتسود حاله
الفزع والهرجله فى جيش الانجليز سعتها الرجاله تبتدى تتحرك وتطلق النار عليهم
وتستغل حاله الاضربات اللى هتحصل .
فعلا حكم انتظر لما اتجمع الجيش كله فى باحه
الجبل وظهر فى اعلى نقطه وصوب اول رصاصه نحيه اول لغم وانفجر واتسبب فى اصابه
كبيره بين قوات الانجليز .
فى اللحظه ديه حصل فزع فى جيش البريطانيون ،
اما رجاله حكم فارتفعت روحهم المعنويه لما شاف تأثير اللغم فى قوات الجيش
الانجليزى .
ابتدت رجاله حكم يهجموا هما كمان ، وحكم
يصطاد المتفجرات والالغام ويسبب خسائر ضخمه فى قوات الانجليز .
خلال وقتقصير الانجليز فقدوا نصف قواتهم
تقريبا ، المفجأه اللى شفوها خلتهم عجزين عن التصرف او تنظيم صففهم ، فى الوقت
اللى حكم ورجالته كانوا بيصطادوهم بكل سهوله .
وفى اللحظه ديه اتحسمت المعركه بداء جزء كبير
من عساكر الاتجليز يهربوا نقذوا انفسهم من الموت ، وكانت عمليه الانسحاب كارثه
بمعنى الكلمه ، معظم جنود الانجليز ماتوا فى المعركه ديه ، ومبقاش من 500 جندى
انجليزى غير ما يقرب من 50 او 60 جندى اللى قدروا يهربوا بحيتهم وسابوا وراهم
اسلحه وجثث كتير .
فرحه عارمه سادت بين رجاله حكم اللى لغايه
اللحظه ديه مش مصدقين اللى حصل ، القتلى بين رجاله حكم مكنوش كتير ، والاسلحه اللى
كسبوها فى المعركه ضخمه ومتنوعه ، والاهممن ده ان معركه باحه الجبل وده بقا اسم
المعركه اللى اتنشر فى الصحف المصريه والعالميه واتكتب عن المعركه احداث كتير منها
اللى حصلتفعلا ومنها من صنع الخيال .
اترتب على المعركه ديه حجات كتير ، امل قدام
المصرين وكما ان حكم اصبح عدو لاكبر امبراطوريه لم تغرب عليها الشمس .
رجاله الجبل احتفلوا بالانتصار بتعهم لمده
ثلاثه ايام تقريبا ، وكلهم شيفين ان انتصرهم يخلد فى الوقت اللى حكم كان قاعد
سرحان بيفكر فى اللى بعد المعركه .
ماهر خد باله من حكم فقعد معاه وقاله : مالك
يا سيد الجبل سرحان وشارد ليه ؟
حكم : مفيشيا ماهر متشغلش بالك ، روح انت
انبسط مع الرجاله .
ماهر :ازاى يا سيدنا ، شاركنى بتفكر فى ايه ؟
حكم بتنهيده : الرجاله بتحتفل وكان المشوار
انتهى وكاننا فزنا الحرب مع اننا لسه يدوب هنبتدى ، ده اللى جاى اصعب من اللى فات
.
ماهر : سبها على الله يا سيدنا هو اللى
هيدبرها .
حكم : ونعم بالله ، ربك يعدلها من عنده .
حكم كان عندهحق ، اللى حصل كانت مجرد البدايه
فقط لحرب طويله بينه وبين الانجليز ومكنش حد عارف الحرب دى هتخلص امتى وازاى .
الى هنا يكون نهايه حديثنا اليوم
ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم
وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda