المساخيط ( الجزء الاول )
 |
المساخيط ( الجزء الاول ) |
هذه الروايه من وحى الخيال وليس لها صله بالواقع .
هنسافر كلنا لقريه كبيره مش مهم مكنها فين ولا مهم هى فى زمنا دلوقتى ولا
فى زمن فات المهم ايه اللى بيحصل فى القريه ديه واسم القريه ديه قريه ارض المساخيط
.
كان كبير القريه راجل اسمه ضاحى ، كان يمتلك كل حاجه فى القريه حرفيا ،
يمكن مكنش بيمتلكها بعقود ولكن كان بيمتلكها بالقوه والبطش .
كان عنده السلاح والرجاله المطيعه ليه والفلوس وحتى النفوذ ، وعلشان نفهم
كل حاجه يلا نشوف سوى ايه اللى بيحصل فى القريه دلوقتى .
فى احدى الاماكن فى القريه فى قطعه ارض مهجوره هنقرب منها هنلاقى رجاله
كتير بتحفر فى الارض ، عددهم حوالى عشرين رجل تقريبا عملين يحفروا فى الارض بيدوره
على حاجه .
واقف راجل بيشوفهم وهما بيحفروا وبيوجههم ، عمره فوق ال 50 سنه تقريبا وكان
اسمه الشيخ خلف .
وفجأه فى وسط الحفر واحد من اللى بيحفر نادى باعلى صوته وقال : يا شيخ خلف
، لقيت الباب يا شيخ خلف .
الكل اتوقف عن الحفر والكل اتجمع حولين صاحب الصوت يتفرج ، وجه الشيخ خلف
يشوف الباب اللى قال عليه الراجل اللى بيحفر .
لما فحص الشيخ خلف الحجر اللى كان مدفون فى الارض سعتها قال ايوه هو فعلا
الباب ، حد يروح ل سليم بيه يقوله لقينا الباب اخيرا .
راح واحد من الموجودين يخبر سليم بانهم لقوا الباب ، وسعتها واحدتانى قال
للشيخ خلف : نفتح الباب يا شيخ عقبال لما يجى سليم بيه ؟
الشيخ خلف : لاء نستنى لغايه لما يجى سليم بيه ، هو مش زى كبير البلد ضاحى ابوه .
فعلا استنى الشيخ خلف لغايه لما وصل سليم ، وسعتها قاله الشيخ خلف : اهوه
يا سليم يا ولدى الل يصبر ينول ولقينى باب المقبره .
سليم : انا مش والدك يا شيخ خلف ، واسمى سليم بيه .
الشيخ خلف : يا ولدى انا اعرفك من ساعت ما كنت لسه مولود ، بس على العموم
زى ما تحب .
سليم بطل كلام كتير يا شيخ خلف وقولى فتحتم المقبره ولا لسه ؟
الشيخ خلف : لسه يا سليم بيه استنتك لما تيجى .
سليم : عملت طيب ، وبص سليم للرجاله وقالهم : يلا يا رجاله افتحوا باب
المقبره .
اتجمع اربع رجاله وبدائوا ينضفوا حولين الباب ويشيلو التراب وبعدين فتحو
الباب .
اتقدم واحد من الرجاله ودخل المقبره وكان معاه مصباح كبير علشان يشوف اللى
جوه المقبره .
مغبش دقتين وخرج ووشه كان متغير وراح وقف قدام سليم وقاله : المقبره فقيره
اوى يا سليم بيه ، شكلها مقبره عمال .
وش سليم اتغير لما سمع الكلام ده ،وبص للشيخ خلف وقاله : انت اكدتلى انه
مقبره مسؤول كبير او راجل غنى يا خلف .
الشيخ خلف : ازاى مقبره عمال انا متأكدانها مقبره حد غنى او مسئول كبير يا
سليم يا ولدى وسكت ثوانى الشيخ خلف وبعدين قال :معقول تكون المقبره ديه منهوبه قبل
كده ؟
سليم الغضب كان ماليه ، وقاله بصوت عالى ومنفعل : يعنى انت مقعدنى جنبك
سنتين ندور على المقبره وفى الاخر جاى تقولى منهوبه ؟
الشيخ خلف :معرفش يا سليم يا ولدى معرفش .
سليم : شكلك كبرت وخرفت ومبقتش نافع يا خلف ، وطلع سليم مسدسه من سياله
الجلبيه بتعته ووجه نحيه الشيخ خلف .
سعتها الشيخ خلف قال : عاوز تقتلنى يا سليم بعد خدمه العمر ليك ول ابوك من قبلك
؟
سليم : مكنتش بتخدمنا ببلاش ، كنت بتاخد حقك وزياده ، ودلوقتى خلاص مبقاش
ليك عازه حدانا ، ولما الحصان بيعجز اما بيضرب بالناراو يترمى للسبع يكله ،
ومراعات لخدمتك السنين اللى فاتت هرحمك وهقتلك برصاصه الرحمه .
الشيخ خلف : ابوك كبير البلدضاحى مش هيقبل باللى انت بتعمله ؟
سليم : لما اكون موجود هنا ببقى مكانه ، وضغط سليم على الزناد وخرجت رصاصه
استقرت فى قلب الشيخ خلف اللى مات فى وقتها .
سليم بصل لرجاله وقال : دخلوه جوه المقبره اللى لقاها واقفلوا الباب عليه
واردمو المقبره زى ما كانت .
مشى سليم والرجاله نفذوا كل اوامره .
فى الوقت ده كان ضاحى فى بيته الكبير اللى كان بمساحه سرايا كبيره تقريبا ،
وكان قاعد بيتكلم مع بنته الوحيده اللى كان اسمها رحاب وكان بيحبها حب لا يوصف وده
كان بسبب مريضه بقلبها وديما كان خايف انه يفقدها .
ضاحى كان راجل شديد وقاسى مع كل الناس حتى مع ابنه سليم اما قدام بنته رحاب
كان ضعيف وصابور ومبتسم ديما وبيسمعلها ويلبى اى طلب هى عوزاه ولو حتى كان مستحيل
، مكنش يعرف المستحيل قصاد طلبات رحاب .
دخل راجل من رجاله ضاحى للبيت بسرعه عاوز يقول لضاحى على خبر مهم وكان يقصد
بيه مقتل الشيخ خلف ، بس الراجل ده وقف لما لقى ضاحى قاعد مع بنته رحاب كان عارف
ان ضاحى مابيخليش حد يقطع كلامه مع بنته رحاب مهما كان السبب .
بس الموضوع كان مهم جدا ، كل الرجاله كانوا عرفين اهميه الشيخ خلف بالنسبه
ل ضاحى ، وفضل الراجل ده واقف على مسافه من ضاحى وبنته ، وشافه ضاحى وفهم انه عاوز
يكلمه ، وفهم ضاحى انه اكيد الامر مهم لانهم عرفين انه مش هيسامح اى حد يحاول
يكلمه وهو مع بنته ، وشاور ضاحى للراجل فجاله بسرعه ووشوشه فى ودنه وقاله ان سليم
بيه قتل الشيخ خلف ، سعتها انفعل ضاحى وقام من مكانه وهو بيقول بصوت عالى هو فين
سليم دلوقتى ؟
الراجل : فى النحيه القبليه يا كبير .
ضاحى : ابعتوله يجيلى دلوقتى .
الراجل : حاضر يا كبير ، ومشى ينفذ طلب ضاحى .
ممرش وقت كبير وجه سليم ودخل مكتب كبير يستنى فيه وصول ابوهضاحى اللى جه
ودخل من باب المكتب وكان باين على وشه الغضب بس متكلمش قبل لما خرج كل الرجاله من
المكتب وسعتها قال وهو منفعل : ايه اللى انت هببته ده يا سليم ؟ ازاى تقتل الشيخ
خلف ؟ ومن غير ما ترجعلى ، شيفنى كبرت خلاص وبتتصرف كانى موت ؟
سليم وهو وشه فى الارض : لا عاش ولا كان يا كبير البلد اللى يقول عليك كده
، انا كنت عارف ان حضرتك مش هتقبل بقتله ، وهو خلاص مبقاش ينفع ولازم نتخلص منه
دلوقتى .
سليم : مش انت اللى تقول نخلص منه ولا لاء ؟
سليم : يا كبير احنا بقالنا سنتين مستفدناش منه باى حاجه وقبليها بفتره كل
المقابر اللى بيلقيها فقيره مفهاش مساخيط .
ضاحى : يا غبى الشيخ خلف ده كان كنز ، ياما لقى مقابر كتير ملهاش عدد
ومليانه بالمساخيط .
وبعدين حتى لو مبقاش ليه لزمه ، هو خدمنا سنين طويله ، وميبقاش جزاته الموت
، وحتى علشان الرجاله اللى معانا متقولش اننا بنخلص منهم بعد ما يخدمونا .
سليم : انا مفكرتش فى كده يا كبير .
ضاحى بعصبيه علشان انت غبى ومش بتفكر اصلا ، ورفع ضاحى العصايه اللى بيمشى
بيها علشان يضرب سليم بس سعتها سمع صوت وقفه كان صوت بنته رحاب اللى منعته ووقفت
بينه وبين سليم وطبعا سعتها انسحب ضاحى وخرج من اوضه المكتب وساب رحاب وسليم .
التفتت رحاب ل سليم وابتسمت وقالت : متزعلش يا سليم من بابا ، انت عارف انه
طلب بس بيتعصب بسرعه وبيروق بسرعه .
ابتسم سليم وحط ايده على كتفها وقال : لو فى حد طيب وملاك فى البلد ديه يا
رحاب هيبقى انتى ، انتى اتولدتى فى المكان الغلط .
رحاب : انت بتقول كده ليه ، انت كمان طيب وحنين يا سليم .
ابتسم سليم اكتر وقال : مش بقولك اتولدتى فى المكان الغلط ، وباس سليم راس
اخته رحاب وخرج من المكتب .
ضاحى منع اى حد من الرجاله انه يتكلم فى اللى حصل مع الشيخ خلف وطبعا كل
الرجاله نفذت التعليمات وتناسوا الموضوع كله .
مرت خمس سنين من ساعه حادثه الشيخ خلف ، وفى ليله من اليالى حصل حاجه
محصلتش من فتره كبيره ، واحد غريب عن البلد دخل البلد وكان بيدور على بيت كبير
البلد وطبعا كتير وصفوله مكان البيت وهناك وقف قدام البيت وطلب انه يقابل الكبير .
كان طبيعى ان الرجاله اللى بيحرصوا البيت يسأله عن اسمه وسبب انه عاوز
يقابل الكبير وسعتها قالهم ان ديه حاجه شخصيه بنهم هما الاتنين .
واحد من الرجاله اخبر ضاحى بان فى واحد عاوز يقبله ، وطلب منه انه يسيبه
يدخل .
دخل الغريب وكان سليم مع ضاحى وحتى رحاب كانت موجوده ، وسأله سليم : انت
مين ؟ وعاوز ايه ؟
فرد الغريب وقال : انا اسمى كرم ، وعاوز اتكلم مع الكبير ضاحى .
ضاحى : اتكلم انا سمعك ؟
فرد كرم وقال : انا كرم ابن الشيخ خلف .
الى هنا يكون نهايه حديثنا اليوم
ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم
وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda