الخواجه ( الجزء الحادى عشر )
 |
الخواجه ( الجزء الحادى عشر ) |
ديفيد نزل مسدسه وحطه على الارض ، سعتها الخواجه قاله : ايوه كده الله
ينور عليك ، انا هقول كلمتين لفرانك وهمشى وعوزك تقعد ساكت لغايه ما اخلص .
بص الخواجه لفرانك وقاله : بص يا فرانك ، انا سليم الخواجه ، وجيت
اشوفك علشان اعرض عليك عرض .
فرانك : واللى جاى يعرض عليا حاجه يعمل اللى انت بتعمله ده ؟
الخواجه : انت اللى خلتنى اعمل كده ، بس عاوز الصراحه انا كنت ناوى
اصلا اقتل الحراس اللى هنا معاك ، علشان تعرف انت بتتعامل مع مين .
فرانك : انت مش عارف هيحصلك ايه ، انا عندى جيش بره القصر واكيد هيجوا
كلهم .
الخواجه : ميفرقش معايا ، اسمع بقا العرض بتاعى وانت حر تقبل او ترفض
.
فرانك : عرض ايه ؟
الخواجه : ابراهيم النمس ، انا عوزك تساعدنى علشان انتقم منه .
فرانك : انت تعرف ابراهيم ؟
الخواجه : محدش في الدنيا دى يعرفه قدى ، او بيكرهه قدى .
فرانك : وحتى لو انا وفقت على كلامك ، انت تقدر على ابراهيم ؟
الخواجه : بمسعدتك او من غيرها انا مش هرحمه ، لو حد في الدنيا دى
هيقدر على ابراهيم هيكون الخواجه .
فرانك : ايه اللى عملهولك علشان تبقا عاوز تنتقم منه ؟
الخواجه : ميخصكش ، اللى يخصك انك تخلص من ابراهيم .
فرانك : ميخصنيش ازاى ؟ ما يمكن يكون ابراهيم هو اللى مسلطك عليا
علشان تبقا من رجالتى ويعرف منك كل حاجه عنى ؟
الخواجه وهو بيضحك بسخريه : انا مش من رجالتك يا فرانك احنا هنبقا
شركا ، وبعدين انت بالنسبه لابرهيم ولا حاجه ، هو علم عليك مليون مره ، دا حتى انا
سمعت انه ركعك على رجليك انت ورجالتك وحط المسدس في راسك لما حولت تقف قدامه في
صفقه سلاح قبل كده ، ولا دى اشاعه .
فرانك لما سمع كلام الخواجه الغضب ملا قلبه وقاله وهو متعصب : مين
قالك الكلام ده ؟
الخواجه بضحكه مرسومه على وشه : اهدى يا فرانك كل تجار السلاح عرفين
اللى حصل ، اومال انت فاكر ليه كلهم بيخافوا من ابراهيم وانت بالنسبلهم بقيت
لامؤخذه بركه .
طبعا المعلومه اللى قالها الخواجه لفرانك كان اياد هو اللى معرفهاله
لما جمعله معلومات عن فرانك قبل ما يقابله .
في الوقت اللى كان بيتكلم فيه الخواجه دخل القصر سعتها الحراس اللى
كانوا محوطين القصر لما سمعوا ضرب النار اللى حصل وكلهم حوطوا الخواجه واياد
ومصوبين اسلحتهم للاتنين .
الخواجه بص لفرانك وقاله : انا كده قولت الكلام اللى كنت جاى علشان
اقوله ، ورمى السلاح على الارض وقال لفرانك : لو سعدتنى قبل ما اقتل ابراهيم هكون
مخسره كل حاجه عنده .
فرانك : ايه المساعده اللى انت عوزها ؟
الخواجه : سلاح ورجاله وفلوس ومعلومات عن ابراهيم .
فرانك : معلومات عن ايه ؟
الخواجه : كل حاجه عنه بس اهم حاجه صفقاته للسلاح والمخدرات واى حاجه
شمال بيقوم بيها .
قرب فرانك من الخواجه قوى وبص في عنيه وقاله : مش خايف من ابراهيم
واللى ممكن يعمله فيك ؟
ابتسم الخواجه وقاله : ابراهيم اللى مخوفكم ده اول ما هيسمع اسم
الخواجه هيلف حولين نفسه ، وحياته اللى باقيه هتبقا كلها خوف ورعب .
فرانك : ثقتك بنفسك عجبانى ، انا موافق يا خواجه هديك كل اللى انت
عوزه بس لو فشلت هسخر كل فلوسى ورجلتى انى اقتلك انت واى حد يعرفك من قريب او من
بعيد .
الخواجه وهو مبتسم : تمام يا فرانك .
بص الخواجه لاياد وقاله : يلا بينا نمشى .
واتحرك اياد مع الخواجه وهو مش مصدق انه هيخرج من قصر فرانك عايش بعد
كل اللى حصل ، بس اتوقف الخواجه واياد لما سمعوا صوت فرانك وهو بينادى على الخواجه
، ولما التفت الخواجه راح حادف فرانك للخواجه تليفونه الخاص وخده الخواجه ، وسعتها
فرانك قاله : هتصل عليك قبل اول عمليه بنا .
مشى الخواجه ومعاه اياد ورجع الخواجه لشقه نور اللى كانت مستنياه
بلهفه وكانت خايفه انه مايرجعش تانى ، وطبعا ماسبتش الخواجه الا لما حكلها كل حاجه
حصلت بينه وبين فرانك .
بعد يومين اتصل فرانك على الخواجه وقاله انه عاوز يتقابل معاه ضرورى ،
وفعلا رحله الخواجه لقصره .
قعد الخواجه مع فرانك ومعاهم ديفيد ، واتكلم فرانك وقال : في صفقه
اسلحه كبيره بتتنقل لمخازن ابراهيم النمس .
الخواجه : وفين المخازن دى ؟
فرانك : محدش يعرف مخازن ابراهيم النمس ، هو مخبيها حتى عن معظم
رجالته واللى يعرف منهم عدد قليل اوى ، وكمان كل كام شهر بيشترى مخازن جديده ويغير
مكان الاسلحه .
الخواجه : وهنهاجم صفقه الاسلحه ازاى ؟
فرانك : انا معرفش مكان الاسلحه بس اعرف طريق لازم العربيات اللى
شايله الاسلحه تمشى فيه .
الخواجه : ليك حد في رجالته معرفك الطريق ده يعنى ؟
فرانك : ممكن تقول حاجه زى كده ، اللى نقالى الخبر يعرف الطريق بس
ميعرفش مكان المخزن اللى هتروحه العربيات ، ومقدمكش غير فرصه واحده بس علشان نضرب
ابراهيم في الصفقه دى .
الخواجه : امتى هتعدى العربيات على الطريق ده ؟
فرانك : بكره بالليل ، عوزك تجهز نفسك وتقولى محتاج رجاله قد ايه
وسلاح وعربيات قد ايه .
الخواجه : على حسب عربيات الحراسه بتاعت الصفقه دى ، والاسلحه اللى
فيها عاوزها ليك ولا نحرقها .
فرانك : لو تقدر تجبها يبقا تمام ، لو مقدرتش وحرقتها مفيش مشكله
المهم نكون وجعنا ابراهيم في حاجه .
الخواجه : طيب سبنى سعتين افكر في الموضوع وهكلمك واقولك محتاج سلاح
ورجاله وعربيات قد ايه .
فرانك : مفيش مشكله بس ماتتأخرش عليا .
الخواجه : اعتبره حصل ، وقام الخواجه ومشى .
سعتها ديفيد اتكلم مع فرانك وقاله : انت وثقت فيه بسرعه يا ملك ؟
فرانك : شغلنتنا دى عملتنا اننا مانثقش حتى في اخواتنا ، انا مش واثق في
الخواجه ده ولا حاجه ، بالعكس عمليه بكره اختبار ليه ، علشان نعرف هو معانا ولا
ضدنا ، وكمان نعرف هو يقدر على ايه ويساعدنا ازاى .
ديفيد : انا شايف ان العملي هدى اكبر منه بكتير يا ملك .
فرانك : عارف يا ديفيد اول ما شفت الخواجه ده فكرنى بمين ؟
ديفيد : بمين يا ملك ؟
فرانك : بابراهيم النمس ، اول ما قابلت ابراهيم كان زى الخواجه كده ،
شجاع واثق من نفسه ، قوى ، بس في اختلاف واحد بنهم هو اللى مخلينى حاسس ان الخواجه
هيقدر على ابراهيم ، الخواجه مش فارق معاه الحياه كل اللى يهمه الانتقام وبس ، اما
ابراهيم بيحب الحياه اوى وخصوصا بعد ما كبر وبقا امبراطور السوق فهيتمسك بالحياه
اكتر علشان يتمتع بالفلوس والنفوذ اللى عيشه .
ديفيد : منك نتعلم يا ملك ، بكره هنعرف ان كان الخواجه هو نهايه
ابراهيم او لاء ؟
فرانك : اه صفقه بكره هتوضح كل حاجه .
بعد ما قعد الخواجه في اوضته في شقه نور فضل يفكر في افضل طريقه علشان
يهاجم الصفقه بتاعت ابراهيم ، وبعد تفكير عرف هو هيعمل ايه ، واتصل بفرانك وطلب
منه تجهيز عربيات كتير علشان ينقل بيها الاسلحه بتاعت ابراهيم وكمان يجهزله اسلحه
ورجاله عددهم ميقلش عن 40 واحد .
لما سمع ديفيد العدد ده قال لفرانك : ده شكله هيطلع مقلب يا ملك ، كل الرجال
هدى علشان صفقه هيهاجمها في الطريق ، مهو بعدد الرجال هدى اى حد يقدر يهجم على
الصفقه ايه لزمته هو ؟
فرانك : الصبر يا ديفيد ، اصبر عليه ، انا مش عارف ليه حاسس انه بيفكر
في حاجه غير اللى قالها .
ديفيد : تقصد ايه يا ملك ؟
فرانك : لو الخواجه ده زى ابراهيم النمس يبقا اللى هيعمله في الصفق
هدى درس هيتدرس في تجاره السلاح ، المهم حضرله كل اللى طلبه ، انا وعدته اسخرله كل
اللى عوزه ، علشان لو فشل يبقا يستاهل اللى هعمله فيه .
الى هنا يكون نهايه حديثنا اليوم
ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم
وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda