غزال ( الجزء الرابع )

 غزال ( الجزء الرابع )

قبل استكمال احداث قصتنا ، لمشاهده الجزء السابق ( اضغط هنا ) ، توقفنا قبل كده لما وقف صابر غزال قدام المرايه وقالها انه لو مات متتجوزش بعده لانه هيفضل بينها وبين اللى هتتجوزه حتى وهو ميت .

غزال لما سمعت اللى بيقوله صابر مكنتش مصدقه اللى بتسمعه ، هو مكنش بيقول كلام وخلاص ، هو فعلا بيحبها اوى ، بس كلامه خوفها اوى ، حتى هى مردتش عليه باى كلمه ، سمعت كلامه وسكتت خالص .

حياه غزال مع صابر كانت هاديه اوى ، صابر كل همه انه يسعد غزال ، بس فى حاجه حصلت هتأثر على حياتهم علشان كده لازم اقولها .

المستشفى اللى شغاله فيها غزال وجوزها صابر جالها مدير جديد ، دكتور اتعين مدير المستشفى دى ، وكان معروف عنه انه دكتور صعب اوى فى سلوكه ، كان مابيتعملش بعواطفه ابدا ، كلامه كان صارم للغايه ، كان اسمه الدكتور أشرف .

طبعا اى حد لما يمسك مكان جديد لازم يبين قوته علشان الناس اللى شغاله معاه يعملوله الف حساب ، والدكتور اشرف عمل كده ، بعد ما لف فى المستشفى وشاف ان فى ناس مقصره فى شغلها ، سعتها عاقبهم بشكل جامد ، منهم اللى اتعمله وقف عن العمل ومنهم اللى خد جزاء ومنهم اللى اتخصم شهر من مرتبه ، وغزال حصلها كده ، رغم انها مش مقصره فى شغلها بس المدير خصملها شهر كامل من مرتبها .

غزال لما روحت بتها كانت غضبانه ومتنرفزه اوى من اللى حصل ، مبقتش فهمه اتخصملها ليه ، ايه السبب يعنى ، هى شيفه نفسها ملتزمه فى شغلها وانها من افضل الشغالين بالمستشفى ، وطبعا حاول صابر يهديها ، بس هى مكنتش تقدر تهداء او تسكت ، وصممت انها تانى يوم لازم تدخل للدكتور مدير المستشفى ده وتسأله ايه سبب الخصم اللى حطهولها .

تانى يوم دخلت غزال للمدير ، اول ما دخلت غزال قالها المدير : اقعدى يا مدام غزال .

غزال استغربه انه عارف اسمها ، هو يادوب لسه واصل المستشفى من يومين بس .

المهم مكنش ينفع تفكر فى الموضوع ده دلوقتى ، واتكلمت غزال وقالت : يا دكتور اشرف حضرتك خصمتلى شهر من المرتب ، انا مش مقصره فى شغلى ، وملتزمه بالتعليمات ، فكنت عوزه اعرف انا اتخصملى شهر من مرتبى ليه ، ده بعد اذن حضرتك طبعا ؟

قلع الدكتور اشرف النضاره بتعته وحطها على المكتب وقالها : انا هجوبك بكل صراحه ، انا خصمتلك شهر من مرتبك مش علشان انتى مقصره بالشغل بتاعك ، بالعكس انا عارف ان انتى من اشطر الناس اللى شغاله هنا .

غزال وهى مستغربه : طيب يا دكتور ايه سبب الخصم ؟

المدير : قام المدير من على مكتبه وقال : انتى متعرفنيش كويس ، انا قبل ما ادخل اى مكان ببقا مجمع كل حاجه عن الناس اللى شغلين فى المكان ده ، مهو انا لازم اعرف كل واحد فى المستشفى كويس ، وطبعا عرفت عنك انتى كمان .

غزال كانت بتسمع كلام الدكتور اشرف وهى مندهشه ومش فهمه هو ليه بيعمل ده كله .

وكمل الدكتور كلامه وهو بيتحرك لغايه ما وصل ووقف ورا الكرسى اللى قعده عليه غزال وقالها : انا من اول ما شفتك يا غزال بصراحه عجبتينى اوى ، وحط الدكتور اشرف ايده الاتنين على اكتاف غزال .

سعتها غزال خافت اوى ، الدكتور اشرف جريء اوى ، تطاول وحط ايده عليها ، وحسه بتوتر شديد وحولت تقوم من مكنها بس مقدرتش ، الدكتور اشرف ضغط بايديه الاتنين على اكتفها علشان متقدرش تقوم ، وفى والاغرب انه فضل يتكلم وقال : انا خصمتلك علشان تيجى برجليكى لغايه مكتبى هنا ، علشان حابب اقولك انى معجب بيكى وبشكلك .

غزال كانت متوتره وعرقت بشكل كبير ، بس معرفتش تقوم من مكنها غير لما شال الدكتور اشرف ايده من على اكتافها ، سعتها قامت غزال من مكنها وهى بتتنفض ومش عرفه تتكلم .

وكمل الدكتور اشرف كلامه وقال : انا شلت من عليكى الخصم واديتك شهر مكفأه على فكره ، المكفأه دى مش علشان انتى شاطره لا ، دى علشان انتى عجبانى ، وانا مفيش حاجه بتعجبنى ومبخدهاش ، افتكرى كلامى كويس .

غزال متكلمتش نهائى وخرجت من مكتب الدكتور اشرف وهى مش عرفه اللى حصل ده حقيقى ولا هى فى كابوس ، مقدرتش غزال تستمر اليوم ده فى شغلها واستأذنت وروحت بتها ، ونامت فى سريرها وهى بترتعش كل ما تفتكر اللى حصل .

وصل صابر من الشغل وراح يطمأن على غزال ، لاقها نايمه وحاول يعرف ملها بس هى متكلمتش معاه ، كانت هتقوله ايه ، ان مدير المستشفى معجب بيها ، طبعا سعتها صابر ممكن يتهور ويعمل حاجه تضر بوظفته ، او ممكن يسكت ويشك بمراته .

صابر مكنش فاهم فى ايه ، كل اللى فكر فيه انه يحاول يفهم غزال قد ايه هو بيحبها ، علشان كده قالها وهو بيبتسم : تعرفى يا غزال ، انا بتمنا لما اموت ، اموت وانا فى حضنك ، ونعشى يخرج من بيتك انتى .

غزال كانت عرفه جوزها بيحبها قد ايه ، وكان لازم تنهى موضوع الدكتور اشرف فى اقرب وقت ، والحل اللى فكرت فيه انها تتهرب من الدكتور اشرف باى مكان تجتمع معاه فيه .

الغريب ان الدكتور اشرف كان بيتكلم مع صابر فى اى مكان يتصادفه فيه ، وعمل بنهم علاقه صداقه غريبه ، مهو مش طبيعى مدير يتصاحب مع موظف عادى ، بس طبعا صابر كان فرحان بالعلاقه دى اوى ، مهو مكنش فاهم ان الدكتور اشرف بيعمل معاه كده علشان ليه غرض تانى .

ومن ضمن المشاكل كمان ان ام غزال اتصلت بيها بتطلب منها انها تلحق اخوها علشان تصرفاته بقت غريبه اوى ، ولما راحت غزال فهمت ان اخوها عنده مشاكل نفسيه ، وانه مريض نفسى ولازم يتنقل مستشفى نفسيه يتعالج فيها ، وفهمت ان اللى كان بيعمله معاها كان علشان هو مريض ومحدش فاهم ، وطلب غزال من مستشفى نفسيه تبعت ممرضين يخدوا اخوها لانهم مش هيقدروا عليه وفعلا حصل ، وكانت غزال وامها فى حاله وحشه اوى .

بعد فتره كان صابر مع غزال فى البيت ، وحوالى الساعه ثلاثه الفجر تقريبا ، حس صابر بتعب شديد فى قلبه ، مهو صابر كان عامل عمليه دعمات فى القلب قبل كده ، وتعب صابر وحولت غزال تسعفه وطلبت عربيه اسعاف تخده للمستشفى ، وعقبال ما جت العربيه وخدته كان خلاص صابر تنفس انفاسه الاخيره ، ومات صابر بسرعه بشكل مفاجىء ، ملحقش يتعب زى ما بيقولوا وكانت صدمه كبيره اوى لغزال ، اللى عرفت ان الدنيا مش سيبها تبقا سعيده ابدا وديما تحطلها اختبارات وصعوبات ، بس نقول ايه اراده ربنا .

غزال كانت ده كله قاعده بتفتكر كل اللى حصلها زى ما قولنا في اول الروايه ، الحمل كان تقيل عليها ، معها اطفال وكانت مطلقه مرتين ودلوقتى بقت ارمله ، وكمان الديون اللى ظهرت بعد موت صابر جوزها كان حمل تقيل على قلبها .

صابر مكنش معرف غزال انه مديون بكل الفلوس دى ، وطبعا كل اللى كان ليه فلوس راح طلبها من غزال مهو محدش فيهم كان يعرف مرات صابر الاولى ، وغزال علشان نفسها تسد اللى على جوزها صابر فضلت تداحل وتدبر فلوس باى شكل علشان تسد في الديون ، وطلبت مساعده اهل جوزها ومراته الاولنيه بس هما رفضوا وخدت منهم مساعده بسيطه اوى ، كانوا شيفين ان صابر اكيد اتداين بكل الفلوس دى علشان يصرفها على السنيوره بتعته اللى بيحبها اكتر من اهله ومراته الاولى وبناته اللى هى غزال طبعا ، علشان كده كانوا شيفين ان غزال احق انها تسد ديون صابر .

بس مش بس الديون كانت هم غزال الوحيد ، لا في هم اكبر وهو الدكتور اشرف مدير المستشفى اللى بموت صابر مبقاش في حاجه تمنعه عن غزال .

الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda