عوالم خفيه ( الجزء التاسع )

عوالم خفيه ( الجزء التاسع )

قبل استكمال احداث قصتنا ، لمشاهده الجزء السابق ( اضغط هنا ) ، توقفنا توقفنا قبل كده لما ياسر بيقراء قصه سوار هانم وازاى مات جوزها ومنال عاشت معاها فى القصر هى وابنها بلال .

فى الاول كنت بعامل منال كويس اوى هى وابنها بلال علشان تطمأن ليا ، وفعلا بعد فتره كانت منال بتحبنى اوى ، بس الحقيقه انا مكرهتش ومحتقرتش حد قدها ، بس كان لازم اديها الامان علشان اعرف انتقم منها كويس .

انا عرفه اللى زى منال دى ايه اكتر حاجه تألمها ، ابنها لو مات سعتها هتتألم وتتعذب ، وده اللى حصل ، وسممت بلال ومات بنفس الطريقه اللى مات بيها جوزى احمد باشا ، طبعا بعد ما اتعذب وامه منال اتعذبت بسببه كتير ، بس الحقيقه هى مصعبتش عليا ، ولا حتى بلال نفسه مصعبش عليا ، ومفكرتش هو ذنبه ايه والكلام ده ، يروح يسأل ابوه وامه الذنب اللى عملوه فى حقى .

كنت بشوف منال تعيط بدل الدموع دم على ابنها ، وكنت بواسيها بصراحه بس من جوايا ، كنت مبسوطه اوى وسعيده وهى بتموت من القهر والحزن ، ولما حولت منال تنتحر وهى زعلانه على ابنها ،  انا زعلت وحاولت انقذها بسرعه ، طبعا مش علشان بحبها ، لا علشان هى لازم تموت على ايدى انا ، لازم تموت بعد عذاب ، ومن حسن حظى وسوء حظها انها عاشت ، بس مش هتعيش كتير ، علشان بعد ما اتحسنت سممتها ، وفضلت ست شهور من الوجع والالم والعذاب ، كانت بتتمنا تموت بس مش طايله الموت ، لغايه ما خلاص السم خلص دوره وجه وقت موتها ، وبردوا مسبتهاش الا لما قولتلها الحقيقه ، علشان اموتها وهى محصوره على نفسها وعلى ابنها وجوزها احمد باشا .

ماتت منال وانا خلصت انتقامى ، وقررت ارجع اعيش زى الاول من غير كراهيه او حقد او انتقام ، اعيش مع عيلتى فى سعاده وحياه هاديه ، بس حصل حاجه غيرت من مستقبلى ومستقبل بناتى وعيلتى واهل القريه كلهم .

فجأه انتى مفعول تعويذه الشباب بتعتى ، ومكنتش عرفه ليه السبب ، وبقيت افقد شبابى بشكل كبير وسريع ، يعنى اليوم اللى بيعدى اكنه سنه من عمرى لغايه ما اوصل لسنى الحقيقى ، طبعا الموضع ده صدمنى وخلانى عجزه عن التفكير ، ولازم اتصرف بسرعه اوى ، مهو لو اتأخرت وعملت بعديها تعويذه اثبت شبابى سعتها هيثبت عليا وانا كبيره فى العمر ، وسعتها اكيد مش هبقا حلوه زى ما انا حلوه دلوقتى .

فعلا الاختيار صعب والوقت ضيق ، مفيش وقت اجرب تعويذات جديده لازم اكرر نفس التعويذه ، ولازم اضحى بحد من دمى ، وعلشان التعويذه تدوم لازم اضحى باكبر عدد ممكن .

بقيت فى حيره ، بختار بين شبابى وجمالى وبين للاسف بناتى وحفدتى همس واجواز بناتى ، مهو لو هضحى ببناتى يبقا لازم اضحى بجوازهم علشان ميبقاش فى شاهد عليا .

الموضوع كان صعب عليا ، بس معنديش اختيار ، انا مقدرش اعيش وحشه او عجوزه ، لازم اعيش واموت وانا الاميره سوار هانم اجمل ست فى الدنيا .

حضرت التعويذه بسرعه ، وكان لازم اتأكد ان كل العيله موجوده بالقصر ، ودخلت اوضتى وحصنتها كويس بالتعويذه بتعتى علشان متتأثرش بالنار اللى هتشتعل فى القصر كله ، وفعل بداءت بتعوذتى والنار مسكت فى القصر كله ماعدا اوضتى ، واتحرق كل اللى فى القصر ، بناتى وحفدتى واجواز بناتى ، وحافظت على شبابى وجمالى .

طبعا حريق كبير زى ده خلى كل اهل القريه تتجمع وتحاول تطفى النار دى ، وفعلا نجحوا بس كان كل فرد من عيلتى مات ، ومفضلش غيرى ، وطبعا الناس استغربت من انى الوحيده اللى محصليش اى حاجه ولا حتى اثر للحرق بسيط ، فى الاول مهتموش بس بعد كام يوم انتشرت شائعات فى القريه عنى ، كل واحد بيقول اللى بيفكر فيه ، بس كل الشائعات كانت حولين انى اكيد مشعوذه او ساحره ، وكل اهل القريه بقا خيفين منى ، وانا كمان خفت منهم ، وحسيت ان اللى حصلى زمان فى بلدى هيتكرر هنا فى القريه دى ، بس انا لازم مسمحش بكده ، لازم الحق اتصرف بسرعه قبل ما اهل القريه يتحركوا ضدى ويعملوا اى حاجه مقدرش الحقها .

فعلا ابتديت اشتغل على التعاويذ بتعتى ، والنتيجه كانت بتظهر بسرعه ، مفيش يوم كان بيعدى الا لو مات من القريه كام واحد ، كنت بختارهم من الناس اللى حسه بالخطر من نحيتهم ، وبكده يبقا حميت نفسى منهم ، او انا كنت مفكره كده ، مكنتش اعرف انهم باللى انا عملته اتأكدوا انى بعمل سحر ، وسعتها اتلم كل اهل القريه علشان يقتلونى ، وحاصروا القصر بتاعى وحاولوا يكسروا البوابه ويدخلوا ، بس انا اتصرفت بسرعه قبل ما يدخلو ويخدونى ، عملت تعويذتين ، اول وحده ان كل القريه دى هتموت خلال يومين بس ، وتانى وحده انى افضل موجوده حتى لو قتلونى ، بس علشان تفضل روحى موجوده لازم اكتب القصه الحقيقيه ، واى حد يقراها او يسمعها هيتلعن بيها ويشوف اشباح متخلهوش يقدر يعيش حياته بشكل طبيعى ، والاشباح دى بتظهر مع قرايه او سماع القصه بتعتى من اولها ، وبتحاول تمنعك من تكملتها ، علشان لما تكملها هتفهم ان اللعنه علشان تسيبك لازم تصيب حد غيرك ، يعنى لازم تحكى قصتى لحد تانى وسعتها بس اللعنه تحل عنك وتروح لغيرك ، اى حد هيدخل القريه دى هيلاقينى موجوده ، ومدام اتصاب بلعنتى سعتها هقدر اخرج معاه من القريه لما هيخرج منها ، واللى هيتصاب باللعنه دى هو السبب فيها ، محدش قاله يطاوع فضوله ويدخل قريه ملعونه وكل اللى فيها اموات .

هنا اتوقفت رشا عن القرايه وقالت لنفسها : يعنى ايه الكلام ده ، انا دلوقتى بقيت ملعونه باللعنه دى ، وهعيش بقيه حياتى بالشكل ده ، وعلشان اللعنه تسبنى لازم احكى القصه لحد ويتصاب هو باللعنه ، مش عرفه هقدر اعمل كده ولا لا ، على العموم لازم اخلص الروايه علشان اقرر هعمل ايه .

مسكت رشا الروايه علشان تكمل اخر جزء مكتوب فيها ، كان مكتوب على لسان المؤلف ياسر بيقول : من ساعه ما عرفت الحقيقه خفت وحاولت اهرب بسرعه ، خرجت من القريه وروحت لمكان بعيد ، بس امل اقصد سوار مسبتنيش ، كانت بتظهرلى فاى مكان ، بس مش ديما بشكلها اللى اعرفه ، سعات بتظهر زى ما يكون ست اتعرضه لحرق وشكلها مخيف وديما يكون معاها طفل يمكن يكون بلال او همس مش عارف ، او اللعنه بتاعتها بتظهر الطفل علشان الناس تنخدع ومتعرفش انها سوار ويفتكروها منال .

انا عشت ايام صعبه اوى ، خوف ورعب ومواقف كتير صعبه خلتى افكر فى حاجه بس ، انى لازم اتخلص من اللعنه دى باى شكل من الاشكال .

الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda