عوالم خفيه ( الجزء الثامن )

 عوالم خفيه ( الجزء الثامن )

قبل استكمال احداث قصتنا ، لمشاهده الجزء السابق ( اضغط هنا ) ، توقفنا قبل كده لما كان ياسر بيقراء قصه سوار هانم من على الحيطه وازاى جت القريه واتجوزت احمد باشا حمدى .

اكتشفت بعد سنين كتير ان احمد باشا متجوز عليا فى قريه بعيده عن القريه اللى انا عيشه فيها ، والحكايه بداءت بالصدفه ، لما لقيت صوره وقعه من بالطو بتاع احمد باشا فى الدولاب ، الصوره كانت بتاع طفل عمره تمنه او عشر سنين ، يمكن اقل مش عارفه ، بس سعتها قولت لنفسى ايه اللى مخلى جوزى احمد باشا يشيل صوره طفل فى جيبه ، فى الاول مكنتش ههتم بالموضوع ، بس معرفش ليه قلبى مطوعنيش ، والموضوع شغل تفكير ، حاولت اسأل احمد باشا عن الصوره دى بس بردو مش فاهمه ليه اترددت ومسألتهوش ، وقررت اتحقق بنفسى من الموضوع ده .

لما استخدمت تعويذه سحر كنت عرفها علشان اعرف مين الطفل ده ، سعتها عرفت ان فى صله قرابه وصله دم بين الطفل ده وبين جوزى احمد باشا ، واللى عرفته ان اسم الطفل ده بلال بعد كده .

طبعا لما التعويذه عرفتنى بان فى صله قرابه ودم انا سعتها كنت هتجنن ، تفكيرى كله كان بيقول ان بلال ده يبقا ابن جوزى ، وسعتها قررت اراقب جوزى احمد باشا بنفسى .

فعلا راقبت جوزى ، وبعد اسبوع اكتشفت انه بيروح لبيت فى قريه بعيده عند وحده اسمها منال ، واللى عرفته بعد كده ان احمد باشا متجوزها ومخلف منها طفل اسمه بلال .

فى البدايه ثورت وغضبت وحسيت انى عوزه اولع فى كل حاجه حوليا ، انا سوار هانم ، الاميره سوار ، جوزها يتجوز عليها ، طيب ليه ، انا مفيش وحده اجمل منى على وجه الارض ، ازاى يتجوز عليا ، واللى غظنى اكتر انه متجوز عليا وحده فلاحه مهش بنت باشا او بيه حتى ، ولا حتى بنت عمده ، مجرد فلاحه وحتى جمالها ميجيش نص جمالى ، كل الحاجات دى خلتنى عوزه انتقم ، وسعتها بس قررت انى اقتل جوزى احمد باشا علشان خنى واتجوز عليا ، مهى مش الامير سوار هانم اللى تقبل ان جوزها يتجوز عليها اى وحده ، حتى لو كانت اميره او بنت باشا ، مش مجرد فلاحه .

قررت انى اقتله بس مش بسهوله ، لازم يتعذب ويتمنا الموت وميطلهوش ، لازم يندم انه اتجوز على الاميره سوار هانم .

السحر والتعاويذ مش بس ورثي من امى ، كمان تركيبات السموم ، عيله امى كانت مشهوره بتركيبات السموم ، وده اتعلمته من امى ، وفضلت مده احاول اعمل تركيبه سم تكون فعاله وبطيئه ومحدش يقدر يكتشفها او يكتشف علاج ليها ، الموضوع مكنش سهل وخد وقت بس قدرت اعمله اخيرا ، وعملت تركيبه سم مفيش اى دكتور فى الدنيا يقدر يكتشفه او يعرف علاجه ، انا بس اللى اعرف علاج السم ده ، والعلاج ده موجود بعقلى ومش مكتوب على اى ورق .

التركيبه اللى انا عملتها كانت عجيبه ، فى الاول محسش احمد باشا باى حاجه بس بعد اسبوع من شربه السم اللى كان فى العصير اللى شربه ، ابتدا السم يشتغل ، كان السم ده مربوط بسحر خاص ليا ، وكان اللى يميزه ان احمد باشا يحس بالليل ان سكاكين بتقطع فى معدته ، كان الوجع اللى بيحس بيه ميتوصفش ، عذاب محدش يتحمله ، بس لما يطلع النهار تتحسن صحته وكان محصلش حاجه ، ويبقا فى صحه ممتازه جدا .

الموضوع ده استمر ست شهور تقريبا ، كل ليله عذاب لدرجه انه حاول يقتل نفسه اكتر من مره علشان يترحم من العذاب اللى بيحصله ، بس انا كنت بلحقه وامنعه ، طبعا علشان يعيش ويتعذب ، مهو لازم ينال عقابه علشان اتجوز عليا .

ست شهور من العذاب ومفيش دكتور قدر يكتشف سبب اللى بيحصل ولا اى مستشفى فهمت حصل لاحمد باشا ايه ، وبعد كده فقد احمد باشا قدرته على الحركه والمشى وبقا ملازم للسرير ، حتى كلمه أه مبقاش قادر يقولها ولا قادر يشتكى وجعه لحد ، كان الالم بيكله ومش عارف يقول انه بيتوجع ، ورغم اللى حصل ده كله انا مسمحتهوش ، ومفيش مره صعب عليا ، ولا حتى حاولت اساعده ولو بالموت ، كل شويه افتكر انه اتجوز عليا انا سوار هانم ، كل ما افتكر كده استخسر فيه الموت واسيبه يتعذب ويتوجع اكتر واكتر ، بس للاسف لكل حاجه نهايه ، وعذابه كان بيقرب ينتهى ، علشان السم كان بيحلل فى اجهزه جسمه الداخليه ، كان بيتعفن من جوه زى ما يكون ميت وبيحصله تعفن ويتحلل ، وسعتها بس اترحم من العذاب .

فى يوم لما شفت وش احمد باشا وازاى جسمه كان بيتحلل وهو لسه حى ، عرفت انه اخر يوم ليه ، خلاص السم نهى دوره واللى فاضل لاحمد باشا يدوب شويه ساعات ، علشان كده انا حبيت اموته مقهور ، بعت لمنال مراته ولابنه بلال يجوا القصر ، وفعلا جم ومكنتش منال تعرف حاجه عن جوزها ، هو اتغيب عنها ست شهور ومكنتش تقدر تحاول توصله ، ودخلت منال على احمد باشا ومعاها ابنه بلال ، وكل العيله موجوده بناتى واجوزهم حتى حفدتى همس ، وقدام العيله كلها عرفتهم على منال وقولتلهم بصوت عالى : دى منال مرات جوزى احمد باشا حمدى والصغير ده يبقا بلال ابنه واخوكى يا رجاء انتى وريم وغاده ، وانا عرفت ده من قريب ، وانا قدامكم اهوه بقول انى مش زعلانه ، من حق احمد باشا يتجوز وحده تخلفله الولد ، ومن النهارده منال هتعيش معانا وبلال هيبقا زى رجاء واخوتها .

طبعا الكل كانوا مصدومين مش بس من ان ابوهم متجوز ومخلف ، كمان كانوا مصدومين من كلامى وانى متقبله جواز جوزى عليا بالسهوله دى ، وكمات اجبرتهم يقبالوا منال وابنها بلال من ضمن العيله ، حاجه ولا فى الخيال ، بس كان لازم اعمل كده مش بس علشان محدش يشك فيا ، لا كمان علشان ابقا فى نظرهم الهانم بنت الاصول اللى سمحت جوزها وهو بيموت ، وكمان علشان تفضل منال تحت ايدى هى وابنها ، منا كان لازم اخد حقى منها وانتقم زى ما عملت مع جوزى احمد باشا .

بعد ما قولت كلامى للعيله دى وسبنا منال تعيط على جوزها اللى بيموت ، وقبل ما يموت دخلتله انا لوحدى علشان اقوله كلام يفضل معذبه حتى وهو جوه قبره ، قربت من احمد باشا وهمسته فى ودنه وقولتله : انا كنت عرفه انك متجوز عليا ، علشان كده سممتك من شهور ، وكل ليله كنت بتتوجع وتعيط وتصرخ من الالم كان احسن حاجه بالنسبالى ، ده اقل عقاب ليك علشان اتجوزت فلاحه عليا انا الاميره سوار هانم ، ازاى عقلك المريض يصورلك انك تتجوز على بنت الامراء والملوك ، حتى الفلاحه بتعتك منال دى هى وابنك بلال جبتهم هنا عارف ليه ؟

هقولك ليه علشان انت مش هتقدر تسأل ، انا جبتهم علشان اموتهم بردو وانتقم من اللى عملتوه فيا ، مش هرحم حد فيهم ان كانت منال بتعتك دى او ابن هو كمان ، عوزك تموت بحصرتك على اللى حصل واللى هيحصلهم بعد ما انت تغور فى دهيه وتموت .

بعد ما قولت لاحمد باشا الكلام ده ، كان اخر حاجه سمعها قبل ما يموت وهو محصور على نفسه وعلى اللى هيحصل لمنال وابنه بلال وهو مش هيقدر حتى ينبههم ، ومات وغار فى دهيه ، وجه وقت باقى الانتقام بتاعى ، حسابى مع اللى اتجوزت واحد متجوز الاميره سوار هانم .

الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda