مزواج ( الجزء الثالث)

 مزواج ( الجزء الثالث)

قبل استكمال احداث قصتنا ، لمشاهده الجزء السابق ( اضغط هنا ) ، توقفنا فى الجزء السابق وفريده بتحكى ازاى انقذها فريد من محاوله سرقه شنطه ايديها وبعديها خبطته عربيه .

كملت فريده كلمها وقالت : كان طبيعى لما يتخبط بسببى انى انقله للمستشفى بعربيتى الخاصه وافضل فيها لغايه لما اطمأن عليه .

فعلا بعد ساعه الدكتور قالى انه كويس فدخلت اشكره على اللى عمله واعرض عليه خدماتى مقابل الجميل بتاعه علشان اتفاجيء انه ناسى كل حاجه ، فاقد للذاكره او ده اللى هو مثله علينا بس بسراحه كان تمثيله ممتاز لدرجه ان الدكتور نفسه اتخدع فيه ، وسعتها الدكتور قالى انه فقدان مؤقت للذاكره وانه خلال فتره صغيره هترجعله الذاكره .

المشكله لما فتشناه علشان نعرف هو مين وبيته فين علشان نوصله لبيته ، بس سعتها ملقنا شمعاه اى حاجه تثبت شخصيته وسعتها كان لازم اتصرف ومسبهوش مرمى فى المستشفى وامشى ، انا متعلمتش كده فى بيت ابويا ، اتعلمت اللى يعمل فيا خير لازم اقبله بخير زيه ، بس اتضح ان مش كل اللى بنشوفه خير بيطلع خير فعلا من يكون شر متمثل فى صوره خير .

المهم وفرت لفريد مسكن قريب من بيتى علشان اراعيه ، رغم ان ده خلى اخو جوزى المرحوم يرفض الموضوع ده وحاول يفهمنى انه شخص غريب ومنعرفش وراه ايه ويمكن يكون عامل مصيبه ومستخبى عندى بس انا مسمعتلهوش ونفذت اللى فى دماغى .

لما اتحسنت رجل فريد وابتدى يتحرك بس سعتها كان فاقد الذاكره لسه ، او بالاصح كان لسه عامل نفسه فاقد الذاكره وكلمنى انه ماينفعش يفضل قاعد من غير مايشتغل وطلب منى انى اشفله اى شغلانه .

فريد من هيئته مكنش وش بهدله علشان كده شغلته مع عادل اخو المرحوم وطبعا عادل كان رافض وانا بغبائى صممت اكتر واكتر ، خصوصا ان رفض عادل لفكره ان فريد يشتغل معاه خلى الشيطان يوسوسلى ان عادل مخبى حاجه وخايف من وجود فريد معاه .

فعلا اشتغل فريد مع عادل وبعد فتره قصيره اوى ابتدى فريد يقولى حاجات عن عادل مكنتش متخيلها ، قالى انه بيسرقنى وبياخد عمولات من وره الشغل وبيطلع بضاعه تالفه كتير رغم انها ساليمه علشان يبعها لحسابه ، واثبت كلامه ده بالمستندات كمان وانا زى ما يكون لما صدقت ، او زى ما يكون الشك اللى جوايا كان مخلينى بتلكك علشان اصدق عن عادل اى كلام ، ومخدش لحظه تفكير ازاى فريد وصل للمستندات ديه فى الوقت القصير ده ، ورغم ان المستندات كانت مزوره بس مفيش حد يقدر يكتشف التزوير ده حتى لما قدمتها للشرطه قبضت على عادل وبعدين للنيابه والمحكمه واتسجن سعتها .

لما اتسجن عادل بقى فريد هو كل حاجه فى الشغل وبره الشغل حتى فى حياتى الشخصيه ، بقيت مابعملش اى حاجه الا لما اخد رأيه فيها ، قدر باسلوبه واهتمامه بيا انه يعلقنى بيه رغم ان انا اكبر منه فى السن بكام سنه بس ديما كان بيحسسنى انى انا الصغيره وهو المسئول عنى .

بعد فتره قال انه رجعله الذاكره وفضل عامل نفسه ناسيها علشان يفضل جنبى وانه بيحبنى وعاوز يتجوزنى ، وانا وفقت من غير تردد .

اتجوزنا بسرعه وكانت معاملته ليا فوق الممتازه ، بس ابتدى يبين انه غيران عليا اوى من خروجى للبنك ومجيى للشغل ، وابتدى كل فتره يغضب بسبب الموضوع ده لانه بيحس بنظره الناس ليا والغيره هتموته لدرجه انه اتخانق مع واحد بسبب نظرته وكان هيقتله سعتها .

فى اليوم ده فريد ساب البيت يوم كامل وبات بره البيت وكنت هموت عليه من القلق ، وطبعا كل ده تمثيل ، لما تكون وحده زيي اكبر منه فى السن وتحس بغرته الشديده عليها سعتها حبها ليه بيزيد اوى وبتفرح بالغيره ديه اوى .

لما رجع فريد البيت لقانى عملاله توكيل عام بكل حاجه ، علشان مضطرش اخرج اروح معاه لاى مكان شغل او يحتاج لامضتى وكمان علشان محدش يحسسه انه يبقى جوز الست زى ما بيقولو .

فى الاول فريد رفض ، او ممكن تقول عمل نفسه رافض طبعا علشان يكمل تمثليته المحكمه ، ويوصلنى لانى اتحايل عليه واترجاه انه يقبل التوكيل ، وقبله بعد ما كنت هبوس ايده من كتر المحيله ، تخيل حضرتك .

المهم من بعد موضوع التوكيل ابتدى فريد يتغير ، اهتمامه بيا قل اوى او ممكن نقول بقى معدم نهائى ، ومعملته ليا ولابنى اللى كانت فوق الممتازه بقت سيئه ، بس انا كنت بدورله على اى حجه علشان ابرر اللى بيعمله ، بس فى يوم كان راجع سكران للبيت ودى اول مره اشوفه كده ، سعتها مستحملتش واتخنقت معاه ، وسعتها شفت وش فريد الحقيقى ، ضرب واهانه ليا ولاهلى كمان ، انا عاوز اقول لحضرتك انك لو شفت وشى بعد الضرب اللى ضربهولى مكنتش هتعرفنى ، وبعد ده كله زقنى فخبط بحرف تربيزه فى راسى وجالى نزيف وسعتها لما فقت لقيته هرب ، لانه افتكر انى موت من الوقعه .

مكنش معملته ليا المفاجئه الوحيده ، المفاجأت كلها ظهرت واولها انه باع كل حاجه بالتوكيل العام اللى كنت عملهوله ، حتى البيت اللى كنت قاعده فيه كان بايعه ، ومفضليش انا وابنى غير مبلغ فى البنك يدوب يعيشنا وطبعا كان هياخد الفلوس دى من البنك بس الوقنت ماخدمهوش بسبب خوفه انى اكون مت ، ومن ساعه الحادثه اللى حصلت وفريد مختفى ومشفتهوش تانى .

خلصت فريده كلمها وسعتها رمزى قالها : طبعا بعد كل اللى انتى حكتيه ده كان لازم تنتقمى منه وقتلتيه ، صح يا مدام فريده ؟
ابتسمت فريده وقالتله : كان نفسى حضرتك انى اعمل فيه كده ، بس انا من سعتها ماقبلتهوش ، وحتى لو قابلته مكنتش اقدر اقتله .

رمزى : ليه لسه بتحبيه ؟

فريده : لاء طبعا ، هو يستاهل يموت بدل المره الف مره ، بس لو انا قتلته مين هيربى ابنى وياخد باله منه ، ابنى فقد الاب والفلوس ، مش هيفقد الام كمان .

رمزى : عندك حق ، طيب حضرتك هتمضى على المحضر بره وتسيبى عنوانك ومينفعش تسفرى الفتره اللى جايه ولو هتغيرى عنوانك لازم نعرف الاول .

فريده : هو انا متهمه حضرتك بحاجه ؟

رمزى : ده اجراء روتينى متبع ، حضرتك عرفه اننا لقينا شنطتين فيهم اجزاء من جثه للمجنى عليه فريد واحنا لسه بنحقق فى الجريمه .

وقفت فريده وقالت : تمام حضرتك .

خرجت فريده متجه لاحد المكاتب اللى عرفهلها محمد وكان هناك امين شرطه مستنيها تحكى اللى قالته للضابط رمزى علشان يكتب بيه محضر زى ما حصل مع ريم قبل كده بالضبط وبعدين مشيت .

محمد وهو بيكلم رمزى : مين فيهم اللى عملها يا باشا ؟

رمزى : انت تفتكر مين فيهم ؟
محمد : الاتنين عندهم الدافع القوى علشان يقتلوه .

رمزى : بالظبط كده ، وده الغريب كل اللى مرتبط باللى اسمه فريد عنده دافع قوى للقتل ، بسلسه مانستعجلش منعرفش ايه هيظهر تانى .

ولسه رمزى مخلص كلامه وسمع صوت التليفون ولما رد على التليفون جاله خبر انهم وصلهم بلاغ بوجود شنطه فيها اجزاء من جثه .

سعتها قال رمزى لمحمد : شفت لسه مخلصناش كلمنا قوم نشوف الشنطه الثالثه دى مخبيلنا ايه .

وفعلا توجه رمزى ومحمد لمكان البلاغ وكالعاده سبقه فرقه من الشرطه وفرقه من الطب الشرعى لفحص المكان وفحص الادله لتبداء حكايه جديده مع الشنطه الجديده .

الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .

لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .

اترككم فى رعايه الله 

yasser oda