الهالكـــــــــــون 3 " اختطـــــــــــاف " ( الجزء الاول )
 |
الهالكـــــــــــون 3 " اختطــــــــــــاف " ( الجزء الاول ) |
جميع احداث هذه الروايه من وحى خيال المؤلف ولا صله لها بالواقع .
هناك جرائم كثيره تحدث لا يستطيع عقلك او قلبك تقبلها ، ومن اصعب الجرائم التى لا نستطيع المسامحه فيها او تقبلها هى جرائم خطف الاطفال ، حيث ان المجرم الذى يقوم بهذا الامر مقابل مبلغ مالى كبير او صغير او حتى مقابل جرعه من المخدر يستحق هذا المجرم تطبيق اقصى عقوبه ممكنه عليه ، فهو يراه عمل عادى ولكنه بهذا الامر يحرب اب وام من ابنهم الذين راعوه وسهروا عليه ، اما المجرم فبعد بيع الطفل المخطوف ينسى الامر اما اهل الطفل يظلون يعيشون كالاموات مع زكريات طفلهم من ضحكه ولعبه وخلاف ذلك من تلك الامور ، فلا يكتب الله هذا الامر على احد من حضراتكم اللهم امين .
بدايه الجزء الجديد من روايه الهالكون يبدا من اجتماع على مستوى عالى من القيادات ، حيث يجتمع السيد الواء مساعد الوزير مع لواءات بقيادات مختلفه للنظر فى موضوع هام وعاجل وخطير وهو ارتفاع نسبه خطف الاطفال فى مصرنا الحبيبه .
سياده اللواء مساعد الوزير : انا مش عاوز اى اعذار ، اللى اعرفه لو النسبه بتزيد معنى كده ان فى تقصير من حضراتكم ، وزى ما انتم شايفين مواقع التواصل الاجتماعى موارهمش غير الاتهامات بالتقصير مننا فى الموضوع ده ، والاجتماع ده مش هيخلص غير لما يكون فى خطه او حل جزرى للموضوع ده ، انتم فهمين ؟
فى وسط همهمه من بعض الحاضرين ، تكلم السيد الواء جمال علم الدين : يا فندم فى عوامل كتير بتأخر من قدرتنا على استرجاع المخطوفين ومنها واولها تأخر اهالى الاطفال فى الابلاغ عن واقعه الخطف او الاختفاء ، وطبعا دهب يضيع وقت كتير على رجال المباحث للعثور على الاطفال والقبض على الخاطفين ، وهما طبعا بيتأخروا على امل عثرهم على الاطفال او خوفهم من الخاطفين انهم يأذوا اطفالهم لو عرفوا ببلاغهم عن اطفالهم .
سياده الواء مساعد الوزير : ده مش عذر يا سياده اللواء ، كلنا عرفين الامور ديه ، وانا جمعكم هنا علشان نلاقى الحل . ممكن تقولى كام حاله خطف فى مصر العام الحالى ؟
سكت اللواء جمال لحظات ثم قال : حوالى 3000 طفل يا فندم .
سياده مساعد الوزير : وكام نسبه الاطفال اللى رجعم لغايه دلوقتى ؟
اللواء جمال : حوالى 30% من العدد حضرتك .
مساعد الوزير : يعنى حوالى 70% من الاطفال بيروحوا بدون رجعه ، واهليهم يعيشوا بقيه حياتهم متحصرين على اطفالهم .
فى حاله من الصمت فى الاجتماع اتكلم اللواء جمال وقال : انا عندى الحل المناسب .
مساعد الوزير : قول يا جمال بسرعه ؟
اللواء جمال : الرائد ياسين احمد .
مساعد الوازير : ومين ياسين ده ؟ وهيفدنا فى ايه ؟
اللواء جمال : ده اشطر ضابط شرطه يمكن فى الوزاره كلها ، وعارف انه هيلاقى حلول مناسبه جدا للقضيه ديه .
مساعد الوزير : وده بيخدم فى اى قطاع ؟
اللواء جمال : فى سينا يا فندم .
سكت مساعد الوزير لحظات وبعديها قال : على مسؤليتك يا جمال ؟
اللواء جمال : ايوه يا فاندم على مسئوليتى .
مساعد الوزير : اعمل طلب نقله يا جمال وهتهولى اعتمده .
اللواء جمال : تمام يا فندم .
انتهى الاجتماع بعد ما اظهر اللواء جمال حل قضايا اختطاف الاطفال بالاستعانه بالرائد ياسين احمد ، وعلشان تعرفوا ليه الضابط ده بالذات تعالوا اعرفكم على الضابط ياسين احمد .
هو ابن اشهر لواء فى قطاع الداخليه من حوالى خمسه عشر سنه ، وعلشان عائلته متأصله فى سلك الشرطه ابن وجدا وحتى عمامه فى سلك الشرطه ، مش بس كده عائله امه ايضا رتب ومناصب فى الشرطه .
بعد تخرج ياسين من كليه الشرطه طبعا اسم ابوه واسم عائلته كفايه انهم يخلوه يلتحق باى جهاز هو يختاره ، بس ياسين كان ديما حابب يثبت وجوده ويعمل لنفسه اسم خاص بيه بعيدا عن اسم عائلته ، لذلك طلب ياسين ابعد مكان عن اسم عائلته للعمل فيها وهى سيناء رغم ان بها الكثير من المشاكل بسبب عادات قبائل سيناء وان لهم قوانين خاصه بهم وصعب على اى احد غريب عنهم التدخل بنهم ولكن ياسين اثبت جدارته فى سيناء وخاصه ان هناك حاله خطف حدثت فى قابيله كبيره من قبائل سيناء وكان بسبب هذا الامر سوف تحدث ما يشبه المجزره لاتهام عائل كبيره اخرى انها سبب الخطف لوجود مشاحنات قديمه بينهم وهنا استطاع ياسين التوصل للجانى الحقيقى والقبض عليه واعاده المخطوف اللى عائلته او قبيلته ومنذ هذه الوقع بالتحديد كان اللواء جمال يتتبع ياسين ويعرف اخباره واداءه بالخدمه ، وحينما طلب السيد مساعد الوزير حل لتزايد حالات الاختطاف للاطفال وهنا اقترح اللواء جمال اسم الرائد ياسين كما حكينا من قبل .
نسيب القاهره وننتقل بسرعه الى سيناء ، تم ارسال اشاره مستعجله من القاهره الى سيناء وكان نص الاشاره استدعاء الرائد ياسين احمد للقاهره على وجه السرعه .
فعلا نفذ الرائد ياسين التعليمات ووصل للقاهره ودخل لمبنى مدريه الامن فى انتظار مقابله اللواء جمال علم الدين اللى كان فى اجتماع ولما خلص الاجتماع سمح للرائد بالدخول لمكتبه .
دخل ياسين وطبعا ادى التحيه العسكريه امام اللواء اللى طلب منه انه يقعد .
اللواء جمال : عامل ايه فى شغلك فى سيناء مرتاح يا سياده الرائد ؟
ياسين : تمام يا فندم الحمد لله .
اللواء جمال : مش عاوز تتنقل معانا هنا فى العاصمه ؟
ياسين : والله يا فندم انا ماشتكتش من خدمتى فى سيناء .
اللواء جمال : بس احنا محتجينك هنا معانا .
ياسين : وانا تحت امر الشغل يا فندم .
اللواء جمال : هتتنقل فى قطاع المباحث وتشتغل تحت ايدى انا شخصيا .
ياسين : اللى حضرتك تشوفه يا فندم . وسكت ياسين لحظه وحس سعتها اللواء جمال ان ياسين عاوز يقول حاجه ومتردد فساعده وقاله : شكلك عاوز تقول حاجه ؟ قول اللى جواك .
ياسين : هو نقلى هنا اختيارى ولا امر يا فندم ؟
اللواء ياسين : ليه السؤال ده ؟
ياسين : كنت عاوز اعرف حد من عيلتى سبب النقل ده ولا لاء ؟
ابتسم اللواء جمال وقاله : انا عرفت ان انت طلبت نقلك لمحافظه سيناء علشان مش حابب حد يقول انك نجحت بسبب عيلتك ، بس ماتقلقش يا حضره الضابط نقلك للقطاع هنا مش علشان انت من عيله مين ، انت اتنقلت هنا علشان المكان محتاجك ، والنقل ده مش اختيارى وملكش حق الرفض يا حضره الضابط .
وطلع اللواء جمال من درج مكتبه قرار نقل ياسين وادهوله وقاله قدامك اسبوع تسلم عهدتك فى سيناء وتيجى تسلم نفسك فى القطاع .
خد ياسين قراره من السيد اللواء جمال وقام وادى التحيه وقاله : تمام يا فندم .
وخرج ياسين من مكتب اللواء جمال علشان يظبط اموره ويستعد للنقل .
ياسين كان متجوز ومخلف كمان كان عنده طفله وحده بس ، وطبعا انه يتنقل من محافظه بعيده زى سيناء اللى القاهره مكنش موضوع سهل يحصل بين يوم وليله بس الاوامر صدرت ومكنش بايده اى حاجه يعملها غير انه ينفذ الاوامر ويتنقل مع عيلته الصغيره الى القاهره ، وفعلا بمرور الاسبوع كان ياسين جهز كل اموره واتنقل الى القاهره وجه اول يوم شغل ليه فى القاهره .
الى هنا يكون نهايه حديثنا اليوم
ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم
وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا
انسبهالى لانها مجهودى .
اترككم فى رعايه الله
yasser oda